صارلي حادث وانظلمت فيه ظلم كبير والله الستعان
25
9
إضغط هنا للإخفاء
بسم الله الرحمن الرحيم
حبيت اقولكم قصتي بدون ان اغير في حرف واحد او كلمة واحدة والله شاهد
اللي صار يا اخوان كانت معي كيا اوبتيما سيارة بديلة .. سيارتي بالوكالة واعطوني الاوبتيما كسيارة بديلة
كنت راجع الى بيتي الساعه 1 الليل .. وكان في شارع مطارحات كنت لازم امر من عنده عشين اروح لبيتي
كنت مسرع ولفيت الطاره يسار بدخل المسار الايسر .. طبعا كانت لفه قوية .. ولا اذكر وش اللي حصل
بس اللي اذكر ان السيارة حاست ورديتها يمين وحاست وضغطت فرامل .. وزحفت وقبعت في 5 سيارات ( متجمهرين )
اصحاب السياره جاو وطلعوني من السياره وقالوا اني كنت افحط !! .. حلفت لهم بالله وبكل انواع الحلف اني ما كنت افحط
لكنهم كانوا مقرين باني كنت افحط رغم ان محد منهم شاف شئ (( في اخر الموضوع بتعرفون كيف عرفت هالشئ ))
جاء واحد منهم وقالي انا كنت شايفك وانت جاي وترى الكفر فقع عليك لما حاست .. هذا اللي اذكره من كلامه
المهم جاء احد المتواجدين والمتضررين وقال اذا جاء نجم نقول لهم ان الكفر فقع وحاست السياره عشان يشملنا التأمين
ووافقوا الشباب على هذا الشئ .. السياره باسم الوالد وانا عمري اقل من 21 .. يعني التامين ما يشملني
دقيت على الوالد وما كان يرد .. ما رد الا بعد نصف ساعه .. جات الدوريات
ولما العسكري سأل الشباب المتضررين كيف صار الحادث قالوا له اني كنت افحط وحاست عليا وصدمتهم !!
تقريبا اغلبهم شهدوا عليا بهذا الشئ .. انا وقتها كنت متحطم من المصيبة اللي انا فيها
سألني العسكري وش صار معك . .قلتله حاست عليا وقبعت فيهم
طبعا اغلب العسكر المتواجدين كانوا يسبسبوني ويستفزوني
جاء رائد (( بدون ذكر اسماء )) .. اول ما جاء بدون اي مقدمات جاء قالي تفحط هاااا تنطل هاااا وبعدها سألني شلون صار الحادث
وقبل لا ارد عليه طنشني .. وقال للعسكري اكتب ان المدعو عبدالله بن فلان الفلاني كان يقوم بالمناورة والتفحيط وفقد السيطره الخ الخ
ركبوني الدورية واخذوني عالتوقيف ..جاء الوالد وحلفت له واقسمت له اني ما كنت افحط وانهم شهدوا عليا زور
الوالد تكلم مع الشباب وغيروا اقوالهم ووقعوا تقرير بانهم غيروا اقوالهم وانهم سمعوا صوت انفجار الاطار وحاست السياره
طبعا طلعت من التوقيف بكفالة
ورحت مع ابوي لموقع الحادث .. وريته الشارع وقلتله لو في اثار تفحيط يصير انا غلطان واتحمل كل شئ
رحنا لموقع الحادث وما كان في اي اثر تفحيط .. بس برضوا الوالد ما صدقني
يوم الاحد مدير مرور جدة اتصل على الوالد وقاله جيب الولد نبي نحقق معه
اليوم رحت عندهم ودخلنا على مدير القسم .. وقعد يعطيني محاضره عشين لا اكذب
وبعدها قعد يسألني .. وجاوبته بالحقيقه كاملة وقلتله ان الكفر انفجر وحاست السياره
بعدها قال بلسانه انه نادى الشباب امس .. وكلمهم يغيرون اقوالهم مرة اخرى
السؤآل : هو وش دخله بالموضوع ويخلي الشباب يغيرون اقوالهم !!
طبعا الشباب قالوا انهم سمعوا صوت تفحيط !!!! .. يعني ما شافوا تفحيط .. لكنهم سمعوا صوت تفحيط
المهم بعد التحقيق ارسلنا على رائد بنفس المركز . .وبدأ يحقق معي ويسجل بورقه وخلاني اوقع
طبعا مدري وش نهاية الموضوع الان
لان الموضوع ما انتهى
لكن حبيت افضفض لكم شويات
طبعا ي اخوان انا الحمدلله مو مدح بنفسي .. لكني انسان ملتزم بلحيتي ومحافظ على جميع الصلوات بالمسجد واطلب العلم واحضر محاضرات والكل يشهد لي
وحتى الضباط والاشخاص بالقسم لما شافوني استغربوا اني انا اللي كنت "" افحط ""
والله ي اخوان اني احس بالقهر والغبنه
السياره من يوم ما اخذتها وانا اشتكي للوالد انها تحوس مع اللفات .. وتحوس بالمنعطفات وكفراتها تعبانه وكان يقولي اصبر كلها يومين وتاخذ موترك
والقهر اني بدفع مبلغ اصلاح جميع السيارات من حسابي .. وانا ماعندي الا حول ال30 الف كنت مجمعها من الوظائف الصيفية والعيديات وكنت احرم نفسي من اشياء كثيرة عشان اجمعها
والوالد ماهو مصدقني اني ما فحطت
والان بياخذ موتري .. وقال ما راح تسوق الا بعد سنتين اقل شئ
واحتمال كبير اتوقف 15 يوم او 30 يوم
وحبيت افضفض لكم بس
وانا متأكد ان البعض ما راح يصدقني وراح يكذبني .. لكن رب العباد فوق يعلم الصادق من الكاذب
والله المستعان
إبلاغ
الردود
0
0
انا صادمهم .. وانا اتحمل نتيجة صدمتي ..
قبل 9 سنه و شهر