أضف سؤال أو موضوع جديد          

جنسس 2015 ام تشارجر 2015

up 3 down 3
m.poto 16
قبل 6 سنه و 3 شهر



السلام عليكم ورحمة الله وبركاتة 
مثل ما هو واظح ف الموضوع 
انا شخص ابشتري سيارة ومحتار بين هالاثنين 
جنسس 2015 رويال
او 
تشارجر 2015 SRT392

طبعا مميزات الجنسس فخامة وقوة وضمان ووكيلها ماعليه 
اما التشارجر قوية ورياضية وسواقتها تطرب ، وتوها نازله
-
لكن متخوف من قطع الغيار والوكيل والسعر اذا جيتت ببيع
ف حبيت استشيركم وش تنصحوني فيه 
من حيث الرساوة والقطع والوكيل والراحة و الجودة 
وهل فيه خيارات افضل .
طبعا كلا السيارتين متقاربتين ف السعر

والله يكتب الي فيه خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الأخ ابراهيم

معاك حق باللي قلته لكن عندي نقطة أتمنى تتقبلها بسعة صدر::

بخصوص انه ياخذ كرايسلر...صح موتر حلو ومحركاته وكذا زي التشارجر
لكن مايصير تجمع بين الفخامة والرياضية بشكل تام
الكرايسلر رياضي وشوية فخامة...الجينيسس فخمة وشوي رياضي
لو تعرف واحد اسمه فهد سال...في سنابه مسوي مقارنة بين هالاثنين وهو معه جينيسس فل كامل
هو ماخذ الكرايسلر وراعي الكرايسلر ماخذ الجينيسس
المهم راعي الكرايسلر بعد ماجرب الجينيسس قرر يبيع الكرايسلر!!!!
ليه يبي يبيعها؟؟ لأسباب منها::

1-الجينيسس هدوء في المقصورة ويا دوبي تسمع صوت المكينة
   الكرايسلر صوت المكينة يوصل الين المقصورة...بس موب بشكل كبير...وصوت المراوح اللي في السيارة مزعج

2-الدركسون اللي في الجينيسس كهربائي..نتيجة لذلك:أ-استجابة أسرع. ب-خفيفة لدرجة تبي تتأكد تلف دركسون ولا لا
   الكرايسلر دركسونه هيدروليك...ووزن السيارة أثقل من الجينيسس..بيصير الاستجابة موب بسرعة الجينيسس وثقيل

3-مكينة الجينيسس -اذا بتاخذ فل- 8 سلندر السعة 5.0 قوتها 420 حصان
   مكينة الكرايسلر -اذا بتاخذ فل- 8 سلندر السعة 5.7 قوتها 370 حصان!!!


علشان كذا الكرايسلر ما يعتبر كخيار بين الجينيسس والتشارجر

يا انه ياخذ رياضي بالكامل وفيها شوية ترفيه وراحة
او ياخذ فخم بالكامل وفيها نفس رياضي


up 3 down 0
3llawi96 3115
قبل 6 سنه و 3 شهر



معذرتن يا اخوي علي 911 توني ارد عليك انا اسف


انا لما قلت الكرايسلر مو انه افضل من الجينسس او خيار متوسط لكن انا وجهة نظري داخلية اهون من التشارجر احسه عادي مرررة من جوا التشارجر وحتى خارجياً الكرايسلر وجهيته ناعمه وحلوة وايضا اذا بغى يقلبه وحش ممكن يعطيه شبك فقط او جنط 20 وبيتغير الموتر



لكن مسألة الافضيلة انا لو مكانه كان الحين الجينسس ماشيه معي 3000 وانا مرتاح




وبالنسبة للناس اللي يقول تقارن دوج والوحش الامريكي بزبالة اسيا هذولي اقول لهم الله يكملكم بعقولكم تاخذون السمعة بس وين موترك منه امريكي وحش وكلام مراهقين ، ياحبيبي انت وياه محد يقدر ينكر عملانية المواتر الاسيوية انت ووجهك لا الياباني ولا الكوري كلها تكد كد الحمير الله يكرمكم واغلب ملاكها ماقد فتح كبوتها وعاير الرديتر ولا غير سلك مروحة اغلب المهملين واللي مايعرف للسيارات يشتري ياباني ولا كوري لأنه ضامن بعدالله سبحانه مهب صافق به يوم في زحمة مرتفعه حرارته ولا رديتر ينقص ولا مروحة توقف



ماقلنا الامريكي سيء لكن مافيه سيارة كاملة الامريكان يعطونك اشكال بنت كلب وحش وقوة بدي وقيادة ممتعة لكن مهب معناها منزهين من الخطأ ، التهاريب مشهور في الامريكي واعطاله معروفة تراني معاشره قبل ما تنولد كوابرس وجموس وبيوك الخ ..... لاتسوي علي ولد قبل امس خقيت مع التشارجر جاي مزعج العالم كلها سيارات وتأدي الغرض لكن فيه مفاضله






up 0 down 1
a.ibrahem 3169
قبل 6 سنه و 3 شهر