تغيير زيت كاسترول 10w30

العلم خذه مني غير على 5 بترومين ماعندهم سالفة هدفهم الربح فقط لا اكثر 

انا كنت اغيره علی 5000 اكثر من 4 سنوات والحمد لله ما شفت الا كل خير

5000 وقليلة بعد

بترومين الود ودهم تغير الزيت كل يوم ...خذ منهم زيت لكن لاتاخذ منهم علم ..يدورون الريال في عين اعور

افضل شي انك تشيك على لزوجه الزيت بنفسك عشان ترتاح من كلام البناشر 
لكن اغلب الزيوت على 5 لكن الناس تغير قبل عشان تحافظ عالسياره او مثلا اذا كرفت عالسياره 
لكن 3 قليل 

غيره على 5 الاف وخلهم عنك مع انه يوصل ل8 الاف بس غيره

على 5 للحرص

أنا عندي نظام ماشي عليه كل آخر شهر أغير الزيت والسيفون ومريح راسي

على حسب نظافة محرك السياره ونوع السياره

ايضاً يعتمد على نمط القياده

5000 كم . وبإذن الله خير.
،،،،،،، ونصيحة المرة الجاية لاتغير عند بترومين .. لانهم يعبون الزيوت من براميل وخزانات وليس من العلب الجديدة التي يتم فتحها امام عيون الزبائن،،، وهذا الي خلاني اشكك فيهم ولاعاد جيتم من 5 سنوات.

كل اخر شهر ليش ؟ و الراحة في الموضوع . 

وين الراحة تعديل 

وش الحل معنا يالسعوديين حتى المعلومات الصحيحة الوحد مايكلف نفسه يقرا من دفتر السيارة او يسال مكنيكي ثقة وسعودي ولا يبحث في قوقل وعندنا نظرة ان الفلبيني اللي في بترومين اهو صانع السيارة والله يا اعرف لك فلبينيين دجة وفاتحين لهم ورشة ومثلهم مثل غيرهم تعلمو في سيارات الخلق بس يتميز الفلبيني عنده صبر ولا يقلل من قدراته الهندي يقولك ما اعرف  المهم الزيت حسب استخدامك ورجلك المكاين اذا تمشي زيت 5000 كم في خطوط وسرعه عادية بتغيرة نظيف اذا تمشيه 5000 كم ممشاك حول ال 200 كم كل 3000 غير وكذالك وسط المدن والزحمه يحترق الزيت وسط الهجر والقرى ماراح يتغير لو تمشي 5000 

بيض الله وجيهكم ما قصرتو 

يالغالي  لك مدام انك تغير كاسترول ٣٠-١٠ وتصنيفه 
قديم SL !! وزيت مكرر !! وسعره غالي بـ٢٠ ريال وفوق !!

انصحك بنفس لزوجته زيت موتر كرافت ٣٠-١٠ ،، تصنيفه 
جديد SN وزيت نصف تخليقي ممتاز ومعتمد من هيئة البترول
الامريكيه PAI
وسعره في محلات الجمله وقطع الغيار ١٥ الى ١٧ ريال 

وعلى فكره كنت استخدم كاسترول وماخذ مقلب فيه 
وكان عندي صوت بداية التشغيل طقطقه خفيفه وتروح خلال ثواني
وقريت عن موتر كرافت وغيرته والله ان الصوت اختفى !!
ويكفي المميزات اللي فيه ...

ادخل على عضويتي وبتلقى موضوع عن الزيوت بالارقام وبتستفيد 
ان شاء الله 
ولا تنساني بدعوه منك سواءاً اخذت بكلامي ولا لا 
والله يوفقك

استفدت من رد الاخوان جزاهم الله خير

انا أغير ع 4000