أضف سؤال أو موضوع جديد          

ماهي الاجراءات بعد تقدير الحادث ؟

up 0 down 2
6ab3y ktom 124
قبل 6 سنه و 8 شهر



السلام عليكم ورحمة الله وبركاته

قدر الله علي وصدمني واحد من الخلف وصدمت السيارة اللي قدامي
جاء نجم والخطأ على اللي صدمني ١٠٠٪ وعطاني ورقة الاضرار من ورى وقدام
الرجال طلع مأمن عند التعاونية
المهم رحت بالورقه لتقدير الحوادث اللي بالعروبة قالولي (مكلفة) وعطوني ٤ اوراق ٣ من الورش والرابعة موجهه للمعارض المفوضين بالتقدير واخذت سطحة وعلى الشفا
المهم قدروها هناك بـ ٧ الاف ريال

وعطوني ظرف مقفل مكتوب عليه المرور شعبة الحوادث

سؤالي هل الظرف اوديه للمرور شعبة الحوادث او اودية للتأمين مباشرة  ؟
هل من حق التأمين الاعتراض على المبلغ ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت تقول الي صدمك مامن تامين التعاونيه 
روح راجع تامين التعاونيه 

امااا لو كان ماعنده تامين او تامينه منتهي راجع المرور 
والمرور يتصل عليه ويدخلوا التوقيف الين مايدفع التكاليف 


up 1 down 1
راعي الكابريس 8855 33
قبل 6 سنه و 8 شهر



خلاص خذ الظرف وروح لتعاونية ولا تعطيهم غير الظرف تقدير الورش الـ3 + تسعير القطع خله معك


up 1 down 0
تبادل مصالح 101
قبل 6 سنه و 8 شهر



تسعيرات شيخ الورش مبالغ فيها المفروض انه لاضرر ولاضرار 
وهذه التسعيرات هي سبب ارتفاع سعر التأمين 



up 1 down 0
ابو عبدالله الطائفي1 230
قبل 6 سنه و 8 شهر



طيب انا شلت السيارة سطحة وكلفتني من يتحمل تكاليف السطحة ؟


up 0 down 0
6ab3y ktom 124
قبل 6 سنه و 8 شهر



التامين بس لازم يكون من ضمن مستندات المطالبة يعني قبل ما تستلم ظرف التقدير تكلمة وتعطيه الفاتورة


up 2 down 0
تبادل مصالح 101
قبل 6 سنه و 8 شهر



لا والله
ماعطيتهم الفاتورة وهي معاي برى الظرف وش الحل


up 0 down 0
6ab3y ktom 124
قبل 6 سنه و 8 شهر



ارجع للمعرض الي خذيت منه التقدير وعطه الظرف و الفاتورة هو راح يرجع يضيف لك المبلغ

لو ما رضو ما في حل غير انك ترجع تقدر من جديد


up 0 down 0
تبادل مصالح 101
قبل 6 سنه و 8 شهر



انا توني مخلص اجراءت حادث امس بقولك كل شي با التفصيل 

1-قدرت من الورش وخلصت اوك تمام 
2-الورقة مكلفة لازم تروح شيخ المعارض 
3-اذا خلصت من شيخ المعارض تروح لتامين التعاونية {تامين الطرف الثاني} بيعطيك ضرف وعليه ورقه تسلمها لتامين مع ورق التقدير الي اخذتها من المرور يعطونك ورقة مراجعة بعد 21 يوم 
4-تكاليف السطحه انت تتحملها لان مكتوب في الورقة الطويلة الي عطاك اياها محقق كونان حق نجم 
تكاليف السطحه غير مسؤوله عنها شركات التامين 
اتمنى اكون افدتك 


up 1 down 0
ساهر الليل ضلام 133
قبل 6 سنه و 8 شهر



طيب  وش ذنبي انا
سيارتي مصدومة
وفوق هذا اتهجول
والف بسيارتي واغيب عن دوامي  
وتتعطل مصالحي
الحادث قضاء وقدر
لكن المفترض في معقب لكل شركة تأمين
او المتسبب بالحادث هو المسؤول


up 0 down 0
المحمد١ 86
قبل 6 سنه و 8 شهر



الظرف اللي من شيخ المعارض هيكون فيه قيمة السياره قبل وبعد الحادث يعني مثلا سيارتك تسوى قبل الحادث 50 الف وبعد الحادث صارت ب40 الف هيكتبو الفرق 10 الاف ، هترجع بالظرف المقفل و3 تقديرات لشعبة الحوادث وهناك هم فالعاده هيختارو التقدير الأقل ما هياخذو تقدير شيخ المعارض ابو 10 الاف هياخذو متوسط تقدير الورش ، واي مبالغ دفعتها اضافيه مثل رسوم التقدير وحق السطحه وهيعطوك ورقه تقدير بالمبلغ المطلوب كامل وصور كامله من المعامله هتاخدها وتروح تقدمها بقسم المطالبات في شركة التأمين 


up 0 down 0
nassir5722 5
قبل 6 سنه و 8 شهر



الورقة اللي معاي مو مكتوب فيها ان التأمين غير مسؤول عن تكاليف السطحة
الاحد بروح لشركة التأمين واشوف وش وضعهم


up 0 down 0
6ab3y ktom 124
قبل 6 سنه و 8 شهر



رحت للتعاونية اللي في مخرج 10 القريبة مني رفضو قالو لازم من مخرج 28 !!!

انصدم واتبهذل كذا 
المشكلة عندي دوام وماني قادر اطلع هالايام من ضغط العمل ولاني قادر اصلح السيارة لاني سمعت ان ممكن يطلبونها التعاونية
والمكيف خرب من الحادث

ماقول الا الحمدلله على كل حال


up 0 down 0
6ab3y ktom 124
قبل 6 سنه و 8 شهر