أضف سؤال أو موضوع جديد          

اليابان vs الولايات المتحدة ادخل وتعرف النتيجة

up 16 down 21
mohammed1368 68
قبل 3 سنه و شهر



بسم الله اليوم بقارن بين محركات v8 وباخذ طبعا العملاق الامريكي gm ورغم ذلك باخذ اثنين من عملاقة اليابان يعني بخلي اثنين ضد واحد وتشوفون التفوق لمنو طبعا بقارن بمحركات الدفع الرباعي للتركات اليابانية والامريكية 
من جنرال موتورز محرك L83
من تويوتا محرك 3UR-FE
من نيسان محرك VK56DE
لا احد يدخل محرك ثاني او برمجة ثانية انا اخترتهم بعناية واخترت نفس المحرك من المنافسين
نبدأ
تويوتا 3UR-FE محرك 8 سلندر على شكل حرف V 
32 صمام اربع صمامات لكل سلندر طبعا يستخدم التقنية الحديثة والافضل والاقوى للصمامات DOHC 
السعة 5663 سنتيمتر مكعب
يعطي المحرك قدرة 381 حصان و 543 نيوتن متر
خلصنا من تويوتا بعد عمري :bigggrin:
نيسان VK56DE محرك 8 سلندر على شكل حرف V 
32 صمام اربع صمامات لكل سلندر يستخدم DOHC
السعة 5552 سنتيمتر مكعب رقم مميز ثلاث خمسات بعدين اثنين:bigggrin:
يعطي قوة 320 حصان وعزم يبلغ 533 نيوتن متر
خلصنا من نيسان وكبيرة يا عمري:bigggrin:
جنرال موتورز L83 محرك 8 سلندر على شكل حرف V 
16 صمام صمامين لكل سلندر يستخدم الطريقة الاقدم والي الى الان مصرين عليها وتمسكين فيها ارث يا حبي مانتركه OHV
السعة 5328 سنتيمتر مكعب
ينتج 376 حصان ويبلغ عزم الدوران 564 نيوتن متر
وخلصنا منك ياقلبي gm وان شاء الله موتري منك:bigggrin:
الحين بيجون ناس بيقول زودت احصنة لجنرال موتورز انا مازودت شيء المحرك يعطي كذا حتى حق نيسان يعطي 522 نيوتن متر لكن انا حطيت 533 نيوتن متر لانه المحرك له برمجتين حتى حق تويوتا لكن انا حطيت البرمجة الاقوى حقت الوكالة ماهي حقت شركة تعديل طبعا البرمجة تعتمد من مكان لمكان لكن الغالب حق تويوتا ونيسان البرمجة الاقوى ماعدا جي ام ما ادري ليش ياخذون الوكلاء لنا البرمجة الاضغف طبعا ماحطيت صرفية البنزين لانه حق جي ام اقل صرفية 
الخلاصة محرك جي ام اقوى اقل سعة اقل صرفية يستخدم الاسلوب القديم واقل صمامات بالمقابل المنافسين اكثر سعة اقل قوة اكثر صرفية يستخدم صمامات اكثر وتقنية احدث تفوق واضح للتقنية الامريكية  وهذا اثنين يابانين ضد واحد امريكي انت معلم ومنك نتعلم :bigggrin: واتمنى عجبكم الموضوع وسلام عليكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واضح انك عنصري للسيارات الامريكيه 

وبالنهاية هي حلالك وانت حر 

16 صمام واحنا ب2015 يعد تخلف مو تمسك بطريقة تصنيع

ونسيت مكينة 400 حصان للباترول ولا مهي يابانيه ههههه

بالنهايه كنت اتمنى يكون موضوعك حيادي لانك تعبان فيه

بس الواضح انك متعصب للامريكي 

وشكرا


up 10 down 4
abomesal 1023
قبل 3 سنه و شهر



يارجل ايش دخل الباترول اذا دخلت الباترول بضطر اغير السيارات الي اخترتها ومكينة الباترول مختلفة عن الارمادا والسيارات الي حطيتهم ارمادا تاهو سكويا بالنسبة للتعصب انا احب الياباني والامريكي وشكرا على مروورك


up 5 down 5
mohammed1368 68
قبل 3 سنه و شهر



يا طويل العمر و السلامة المحركات ما هي كل شيء فيه شاصي و قير و بودي و نظام تعليق و دفرنسات كلها من الممكن ان تغير 
من عمر و قوة السيارة 
مثلا معروف ان الامريكي وزنه ثقيل و اذا جيت تقارن الوزن مقابل عدد الاحصنة بتشوف الياباني انه يتفوق 
و ايضا اعتقد ان النيسان باترول يولد 400 حصان و مع برمجة نيسمو 424

في الاخير كل واحد و رأيه 


up 2 down 2
5alaf 692
قبل 3 سنه و شهر



المكاين الأمريكيه الحديثه أفضل حتى في صرفية البنزين .. لكن شخصياً الإعتماديه تهمني قبل كل شيء 
المكينه الأمريكيه تحتر بسرعه و توني شايف تورس جديده موقفها صاحبها على عقبة ضلع بسبب الحراره 
 


up 1 down 15
legaacy -318
قبل 3 سنه و شهر



يارجل الباترول فئة مختلفة وانا ابي اثبت ان المحركات اليابانية مجرد سعة كبيرة وصرف بنزين على خراط بعدين جي ام هذا 16 صمام متوفقة لو انها 32 صمام مثلهم كان سووت علوم واذا حطينا الباترول مكينته مختلفة راح اضطر اغير السيارات وبحط الباترول واللاند كروزر والدينالي ما ابي اغير الموضوع خلنا هذولي وشرفني مروورك
Abomesal فطست ضحك وانا اقرا تعليقك 


up 2 down 4
mohammed1368 68
قبل 3 سنه و شهر



يا ليجاسي الحرارة ماترتفع بدون سبب كثير ما سمعنا المكاين الامريكية حرارة انا عايش مع الامريكي ماصار هالشيء ماترتفع الحرارة بدون سبب الا فيه شيء في انظمة التبريد عطلان او اهمال من راعي السيارة وانا ايضا مجرب الياباني اثنينهم تمام لكن الحرارة شفت انواع السيارات ترتفع الحرارة من ياباني وامريكي السبب اهمال اما نظام التبريد فيهم جدا ممتاز طبعا اقصد الياباني ياباني والامريكي امريكي مو بس اسم وصناعة في دولة غير وشكرا


up 3 down 2
mohammed1368 68
قبل 3 سنه و شهر



غالبا السيارات اليابانية اللي تجي 8 سلندر تكون وزنها ثقيل

يعني عندك الامريكي الكابرس او التشارجر 8 سلندر قوية ولكن ما يعتبر وزن ثقيل

مثل اللي يجي على الياباني الانفينيتي مثلا او اي سيارة ثانية 

غالبا 6 سلندر ياباني قوته قريب من 8 سلندر امريكي

بغض النظر عن عدد الاحصنة انا اتكلم عن التسارع و النشاط

مثل الاوريون الافالون 6 سلندر لكن اقوى من 6 سلندر تشارجر و الكابرس و التورس

تقارنها بالكابرس و التشارجر 8 سلندر

عندك الكوري 6 سلندر منها على الاوبروس وهي موديل قديم اعتقد انها اقوى من الكابرس

و عندك الكادنزيا قوة جبارة وتسارع رهيب وهي 6 سلندر


up 9 down 7
التركي 1403 195
قبل 3 سنه و شهر



مثل ما قال التركي ..
والياباني اذا نزل 8 سلندر اعدم منافسيه
مثل اللكزس isf مكينة 5 لتر مايجيبها لا srt ولا غيره
بس المحركات الامريكية وحوش ماشاءالله صوتها يطرب عكس الياباني صوته مزكم ومزعج


up 3 down 3
al_orainy 53
قبل 3 سنه و شهر



الميزة بالامريكي اللي مستحيل ينافسها الياباني 
(تحمل) المكائن  وعدم ضعف (العزم) بشكل كبير بعكس الياباني بعد سنوات يختلف كثييييير للاسوء






up 3 down 1
المنطق يقول 679
قبل 3 سنه و شهر



بعطيك مقارنه بسيطه عندك الكورفت محرك 8 سلندر  مكينه تعتبر جباره وعندك محرك zr1  توب  لكن  فيه محرك اصغر من هذا واقوى من الكورفت الي هي جي تي ار اسطوره اليبابان قويه وعزمها نشيط واقوى من كورفت واقوى من  دوج فايبر 


up 3 down 1
سكودر 14890
قبل 3 سنه و شهر



على حسب علمي مكينه الباترول 317 حصان امريكية ومكينة 400 حصان المانية وهي نفس المكينه الاولى بزيادة تقنية 


up 1 down 1
بريق الرياض 260
قبل 3 سنه و شهر



الباترول نفس المكينة بس زيادة شاحن او صماما على راس المكينة سمعت المعلومة من برنامج للباترول 


up 0 down 1
abdulkareem99 1257
قبل 3 سنه و شهر



ولاتنسا  ان مكينة الجمس هي  الافضل بالشوط  وهي الوحيدة  بالعالم  ثم بعده يأتي الفتك  بالشوط  
اما المكاين الي انت قلت وغيرها كلهن اضعف شوط من الجمس

وبانسبه للي يقول 16 صمام  انا اقوله ( هذا بلا ابوك ياعقاب)  
ولاتنسا  ان المكاين الي انت قلت يعملن بنظام الاحتراق الخليط
الا الجمس يعمل بنظام الاحتراق الأامن   


up 2 down 1
الاش 616
قبل 3 سنه و شهر



انا شخصيا مايهمني لغة الارقام انا يهمني التسارع 

لما تحيك تورس مكينه 6 سلندر...  والاقيها ماتتعدي 175 كيلو متر في الساعه..  حتى الاكسنت افضل منها 

اكيد ولامحال للمقارنة ان التورس افضل من ناحية المواصفات والراحة والعزل والامان 

لكن دائما الحلو مايكمل 


up 0 down 1
راااضي 2529
قبل 3 سنه و شهر



والله مكاين الامريكي تجيب الهم لازم تغير الزيت بالملي وماتوصل ١٦٠ الف الا تخرب طرمبة الزيت 

واذا دخلته البر سخن وحالته حاله

اما الياباني تلعن جد جده تبيه يخرب مايخرب ولا يسخن


up 0 down 0
maximum speed 569
قبل 3 سنه و شهر



رحم الله والديك يالشنب والله أنك كفو


up 1 down 1
legaacy -318
قبل 3 سنه