كم تسوى مخالفة رفع صوت

رفعت الصوت أغنـي و قلبـي شــــــال فنه ههههه

روح أعترض قول أنك كنت مقفل الطاقه 

سبحان الله كل الشعب مظلوم طيب الي منشوفهم بالشوارع رافعين الصوت و المفحطين و الممظللين كتم و المسرعين  كل يوم وين 

على طاري الصوت العالي

عندنا بالرياض في اماكن الممشى فيه ناس ياخي ماتستحي على وجهها تلاقيه فاتح الدريشة والاغاني على اخر شي والله شي مزعج والمشكله ما في اي احترام للناس والبسطه وتلاقي العوائل طالعين يغيرون جو وهذولي ازعاج وصراخ يعني لها الدرجه ما عندك ذوق وحيا؟
والمشكله اللي اكبر من هذي انك تلاقي في دوريات ولا كنهم يسمعون شي والله لو وقفهم وعطاهم انذار اقسم بالله تلاقيه يطلع من الممشى على طول او يوقف وينزل يتمشى على رجلينه وبعدين اذا عاجبتك الفرفره افتح دريشتك وركب سماعات جوالك واستمتع لين تطفش ولا تزعج خلق الله 

من اسمك واضح انك رافع الصوت ^_^ 

ترا امزح معك 

الاسبوع هذا اعتقد انه اسبوع المرور لانهم مايشتغلون الى في بداية السنه 

وباقي الايام كبر الكرشه 

واللي عاجبني فيهم تلاقيهم في الشوارع العامه موقفين ومشغلين السفاتي 

يعني يعلمون المطلوبين سوا كانو مفحطين او اللي معه سياره ومغطي اللوحه او بدون لوحه انه يديور او يحول من اول لفه 

واللي حاله حال نفسه بس مظلل عازل حراري او نسي يربط الحزام او راعي خطوط والوجهيه مشهبه وممسوحه اللوحه 

يوقفونه ويخالفونه !!!!

اخي رجل المرور طبق النظام على الكل وباامانه او لاتخالف احد وتذكر انك اقسمة على المصحف في حفل تخرجك 

الحي اللي انا ساكن فيه لنا اسبوع والمرور مسوي نقاط تفتيش في مداخل ومخارج الحي فقط 

وقلب الحي انواع الهماجيه ولاحياة لمن تنادي عكس سير تفحيط وقوف خاطي سباقات ازعاج وخاصه اصحاب الدبابات 

والدرباويه انا ماادري متى ينتبه الواحد ويركز في وجهه ؟؟؟؟؟؟ 

ابغاه بس يركز في هيئة العجيبه !! 

سلام 

رجعنا لسالفة المرور يظلم ترا له اذن يسمع ورا ماوقفني وراه ماوقف اللي جنبك ليه ؟؟؟؟

اسمها مخالفة الاخلال بالاداب العامة قيمتها 300 ريال

مرة كان واحد من العيال الجو مغيم وحلو وطلع من فتحت 

السقف واحنا ماشيين بالخط وقفنا دورية وعطاه المخالفة على هويته

الرجاء الرد على قدر السؤال بلاش الفلسفه الزايده .. 

انا كنت رافع الصوت اعطوني مخالفه تركيب اجهزه غير مصرحه ووضع لاصقات مخله بالاداب 
قيمة المخالفه 3000 ريال ☹️

اخوي انا اليوم اخذت مخالفة يقول رافع الصوت وقيمتها 3000 الاف معقول صحيح الكلام هذا

ما فهمت ولا واحد منكم انتم تتكلمون عن صوت الاغاني ولا صوت السيارة انا دخلت الموضوع اشوف اذا احد تخالف من صوت سيارتة صوت موتري عالي يسمعة البعيد قبل القريب و ما خذيت مخالفة