يجب الحرق والتمثيل بجثة فلان الفلاني عبرة لغيره

يعني واحد مستهتر وجالس يفحط وصدمك او صدم اعز اقربائك
هذا نقول قضاء وقدر ونجلس نداري بالمفحط كذا تبينا يعني
الي يسوي مثل هذي الافعال ويرتكب مصيبة بحق الاخرين هذا لازم اعدام
انت تقول كذا لانك ما جربت لو تجرب لا سمح وان شاء الله ما احد تيجيه المصيبة هذي صدقني انه لو يصحلك تشرب من دمه ما تقصر

الي يده في الموية مهي مثل الي يده في النار
تفرق

شكلك فحطت وصدمت واحد ومسكوك والرجال نجا بس فيه اصابات وطالب بالدية ودفعتها
 ويوم ماخرجوك من السجن دخلت على النت وخشيت سبق ولاقيت خبرك انتشر
 وانك صادم آدمي وحاطين صورة مفحط  والتعليقات تحت كاتبين لازم يحرقونك ويعذبونك
 فقلت وش هالاوحشية انا تبون تسوون فيا كذا ؟!!

 هههههههههههههه امزح معاك لاتزعل ""

*انت قلتها بنفسك يدورون لايكات ولا تلقاهم صغار متاثرين بالالعاب وجاك هنا يفتي*

 صدقني لاتشيل هم اتفه الامور مامنها غير وجع الراس واذا شفت تعليقات زي كذا قل له في قلبك

(( الْحَمْدُ لِلَّهِ الَّذِي عَافَانِي مِمَّا ابْتَلَاكَ بِهِ وَفَضَّلَنِي عَلَى كَثِيرٍ مِمَّنْ خَلَقَ))

بالقولك لكم سالفتي

انا شخص قدر الله علي وصدمني واحد وانا عمري ٥ سنوات
 وكنت امشي فوق الرصيف
وتسبب هاذا الحادث باشلل نصفي
والدي زعل وعصب هو ووالدتي
وقال له الدكتور قبل لاتتخذ اي قرار صل ركعتين 
وبالفعل الوالد صلى ركعتين وراح وتنازل عن الي صدمني 
بدون اي شي 
والحمد لله انا الان عايش حياة طبيعية ماتفرق عن السليم بشي

يعني مو كل واحد لازم يكون داخله اجرام

لا تاخذ كل كلام الناس بعين الاعتبار عشان ما تتعب في حياتك اللي يعجبك خذه و اللي ما يعجبك اترمه و اللي ضد دينك وقفة عند حده  .

و التصليب و غيرها في اشياء نادرة كل واحد يعرف انها في اشياء محدودة . 

القهوة أثرت عليك وجالس تمخمخ علينا ههههههههههههه

واللي قال كل واحد داخله اجرام جاته لايكات يا مجرمين انتم ههههههههههههه

موضوع شاطح شكلك فاضي
ديسلاااايك

الديسلايك حق مكفول لكل عضو في المنتدى اهم شيء ما يطق المية ديسلايك هنا عاد بزعل خخخخخخخ

ابشر بلايك
بس نبغاك تنزل موضوع كويس عن السيارات وبعد عن الاجرام ههههههههههههههه

المفحطين من اسوء الافراد في المجتمع لانهم يستمتعون بالتلاعب بأرواحهم وارواح غيرهم من الابرياء ... وعليه يستحقون اقوى العقوبات بحسب شرع الله ... اما الحرق وما الحرق كلها انفعالات المفترض ما تلقي لها بال لان مافي مشرع يقر بها او ممكن يعمل بها

اللهم عافنا ما ابتلى به الاخرون

الواحد اول شي يحمد ربه على العافيه وانه سليم مععافا هو وعياله واهله ومن يحب ...

الله لايواريكم مكروه يارب

بدل م تقولون ليه م يسون فيه كذا يخي ادعوله بإلصلاح
ترا الشيطان م مات م تدرون عن الواحد انا اعرف مفحطين
وجت فتره ثابروا ع الصلاه حتى اوقات التفحيط واعتزلوا 
لوجه الله والحين كل واحد يكمل دراسته والله يوفقنا ويوفقهم

كلكم تقولون ادعوا لهم بالصلاح

وانا ادري كلكم لو احد فيكم ابوه مات دهسا تحت سيارة مفحط
ماراح يجي يقول الله يصلح هالمفحط ويسامحه

اقل شي بتقول ارموه فجهنم الله لايرده

الواحد يعفوا ويسامح لحوادث بدون قصد
اما المفحطين ماقول الا لعنة الله عليهم وين ماراحو 
سياراتهم اغلبها مسروقة
حقين حبوب وشراب وبزرنجية 

مثل هالعينات تستاهل من يدعي عليها بالهلاك

فئة ضالة فاسدة الكلاب ابرك منها 

وما استفادو من التفحيط الا دعاوي الناس عليهم 

انا من رايي الشخصي يكون بالسجن تاهيل للشخص 

ماهو يجمعونهم كلهم مع بعضهم المترديه والنطيحه 

ويكون عصابات اجرام اكثر وتتوسع لهم افكار الاجرام ومعرفة مكاتب التاجير اللي تاجر بدون اسم 

من بعض المسجونين القدام ويكون بدال مايكون اصلاح يكون افساد مدة محكوميته واذا خرج من السجن 

يكون المجتمع رافضه فبيرجع اسوا من السابق 

فلازم يكون فيه تاهيل وماهو السبب دراسه اللي ادت الى هذا الشيء 

وتوفير اماكن للشباب بضوابط وانظمه وعدم التضييق على الشباب البعض 

من بعض الاباء اللي يهديهم عنده عيال صغار ويقول الله يحرق المفحطين انت عندك ابناء باامكان بكره 

واحد من عيالك يكون مكانهم لان سبل اغواء الشيطان والشباب بالمجتمع الخارجي غير المجتمع الداخلي المحافظ

فلازم يكون تاهيل وتكون فيه عقوبات رادعه 

ويطبق القران والسنه لانه من حق اهل القتيل اذا حصل قتل متعمد 

صدقوني بكذا تقضى على هذي الظاهره 

واسف على الاطاله