المنتدى للقراءة فقط. تم نقل المنتدى إلى حراج السيارات.

تجربة ددسن دبل

تقييم إيجابي 21 تقييم سلبي 6
هلي 11 6
قبل 11 سنه و شهر



السلام عليكم ورحمة الله وبركاته 
مساكم الله بالخير ✋
ندخل في الموضوع حبية انزل تجربتي اليوم لددسن 2014 دبل او دفرنسين نبي نتكلم عن  الايجابيات والسلبيات نبدا في السعر هو اهم إيجابية فيها أخذنها حول 64الف موصفاتها دبل درايش كهرب عداد ضغط مسجل cd و aux وسماعتين في باب السواق والمعاون سواقتها اخف من الهايلوكس الدفرنس والمكيف مشاء الله ثلاجة جربت دبلها في النفود والشعبان تعرفون الفتره اللي راحت كان وقت صيد دبلها يمشي الحال يعني ماينفع للسحب  اما عزمها بارد في الخط تمرضك يعني اذا كان الهوى ناطحك الله يعنيك ماتمشي وعازله سيء جدا خاصة صوت المكينة تحن في اذنك وصرفها للبنزين تشرب اكثر من ددسن الدفرنس بسب ارتفاعها وعرض كفراتها الموتر ماينفع في السفريات يصلح دخل الديرة وطلعات البر فقط المشكال اللي وجهتها الحين تهرب زيت بس مدري منوين  للمعلومية الموتر ماشي67الف وحبية أضيف الموضوع ذا ليستفيد اللي مقبل على شراء السياره والسلام عليكم✋ .











الردود


بيض الله وجهك .. انا عندي 2009 غمارتين دفرنس واحد .. وفعلا حاس انها تشرب بنزين . 

تقييم إيجابي 1 تقييم سلبي 1
مستريح البال 1 1779
قبل 11 سنه و شهر



كل السيارات تسرب من 140كلماتزيد تشرب اكثر ماعاد الامريكي واللماني يقل شربه بالخط لاكن بالديره يشرب

تقييم إيجابي 2 تقييم سلبي 1
ابوالحيادر 21
قبل 11 سنه و شهر



انا كانت معي 14 كنت اسحب جموس مغرزه لكن انت مشكلتك تسحب بالدبل الخفيف 
وكذالك الكفرات كنت مركب عريضه وانسم اخليها 10 تقريبا 

وشوف كيف تمشي في الطعوس 


تقييم إيجابي 5 تقييم سلبي 2
ابو ابراهيم2021 352
قبل 11 سنه و شهر



انا كنت مركب كفرات عريضه دنلوب 225  وعجزت اسحب الهايلوكس بغيت اجلس جنبها  هي دبلها يالله يخارجه

تقييم إيجابي 3 تقييم سلبي 1
هلي 11 6
قبل 11 سنه و شهر



غلطان تركب 225 انا مركب 255 نفس مقاس الهايلكس دبل 

مقاس 225 هذا الي بدون دبل حتى ظغط الكفر من 70 الى 75 لانه بعد التنسيم يكون فارش 

الكفرات كم تنسم تخليها 10 ولا اقل ؟

تقييم إيجابي 4 تقييم سلبي 0
ابو ابراهيم2021 352
قبل 11 سنه و شهر



انا كنت مركب عليها كفرات الهلي الدنلوب وبعده صارة ثقيلة وفكتها ورجعة كفرات بلدها اللي هي دنلوب 215 أحط الهوى10 ومرات اقل على حسب الرمل 

تقييم إيجابي 3 تقييم سلبي 1
هلي 11 6
قبل 11 سنه و شهر



صح ثقيله في الخط والمدينه لكن في الرمل كلام ثاني تمشي في الطعوس تطربك بعض الاوقات مااشغل دبل اذا نسمت صح 

تقييم إيجابي 2 تقييم سلبي 0
ابو ابراهيم2021 352
قبل 11 سنه و شهر



موتر ممتاز عن تجربه وسعره مناسب مقارنه بالسيارات في فئته



تقييم إيجابي 3 تقييم سلبي 0
abomesal 1037
قبل 11 سنه و شهر



الله يجزاك خير على هالتقرير المختصر الجميل ، خلاص صرفت نظر عن الددسن الدبل و بأشوف الشاص يمكن انه أصرف

تقييم إيجابي 1 تقييم سلبي 1
abuhamad 8027 -45
قبل 11 سنه و شهر



نسيت تذكر ضيق داخليتها خصوصاً المراتب الخلفية . 

تقييم إيجابي 1 تقييم سلبي 1
النهراني 273
قبل 11 سنه و شهر



الي يبيها للبر فقط تنصحه فيها لان سعرها 64 وتجهيز تطلع بقيمه مناسبه لاكن ما مره استخدمت الدبل وما ادري الاقي تجربه

+1 لايك للجميع

تقييم إيجابي 0 تقييم سلبي 1
الشرقية1 269
قبل 11 سنه و شهر



تهريب الزيت من وين مكينه ولا دفرنس ولاقير اذا مكينه لاتركب فلتر تجاري اكيد بتهرب الدبل ماجربتها بس الاخوان اللي قالو الددسن يشرب بنزين وش خليتو للهايلكس مشكله الددسن في القومه ميت عزمه للبر الخفيف حلوه اما نفود اكيد هايلكس عندي لك حل يالغالي ركب بواجي رياضيه وعدل على المكينه وبتطربك 

تقييم إيجابي 1 تقييم سلبي 0
بريق الرياض 257
قبل 11 سنه و شهر