إستفسار .. مخالفة عدم تشغيل الانوار ..

سؤال 
عندك انوار لد ليلي ولا وش سيارتك ؟

http://www.rt.gov.sa/breachs.php    الرابط لمعرفة قيمة المخالفات المرورية 

عوافي يا رجال الحياه حلوه  انا  وقفني المرور السري وقالي تغيمه مع ان التضليله حقتي خفيفه وعدم ربط حزم وقلت له التضليله خفيفه قالي طيب خذ هذي مخالفه ربط حزام

 ولوني مكانك كان قلت اي انا اعترف اني غلطان بس مادريت يمكن يتساعد معك  انت تهون لكن بعضهم على الطرق السريعه  والطريق مضلم  ومافيه انوار ذيك المره دينا بدون انوار شين وقوي عين ماسك الوسط ويتجاوز بعد اشوا اني كابس العلي وزنن ماشاء الله  صدق ان الزنن يقنص الاشكال هذي 

 واتوقع ماهي كثيره مخالفه الانوار زيها زي الحزام ويمكن اللواء حقه قاله  خلص الدفتر المهم  انتبه المره الجايه 

هلا اخوي شيخ المعارض لا ماعندي انوار ليد سيارتي سيراتو

للأسف المخالفة اذا على الرابط اللي ارسله يحيى 500 ريال والله مشكلة كذا ,, لكن الحمدلله على كل حال كله قسمة ونصيب

والله يا سكودر انا معاك في كل كلمة قلتها لو الشارع مظلم ولا انواره خفيفة هذا يستحق ياخذ مخالفة وسجن لأنه ممكن يسبب بحوادث لا يعلم بها إلا الله عز وجل

بس والله الشارع اللي امشي فيه ,, النور فيه مرررة قوي يعني لو واحد من أول الشارع يشوفك بالراااحة ,, لكن الحمدلله على كل حال ..

اذا نقص انوار
ب ١٠٠ او١٥٠

لانها نزلت لقريبي

حياك ابو ياسر فدا يالنشمي
انا قبل يومين في المخواة عديت الاشارة وهي برتقالية لسى ماولعت احمر
وبلغ علي ضابط بسيارته الخاصة ومسكوني عند الاشارة الي بعدها
وش العلم قالوا قاطع اشارة ومبلغ عليك ضابط من المديرية
قلت يابن الناس ماقطعتها 
والله طحت في واحد امير قالي وربي مابيدي شي
وموصي عليك نطبق اي مخالف فية تضليل رخصة استمارة يقول بدعوا فية
المهم قالي انتضر 10 دقايق اكلم واحد 
وفعلا كلمه وقالي خلاص بعطيك ربط حزام والله يوفقك
والله خذيتها وانا مبسوط وبوسة فوق راسة
150 ولا 500 وبهذلة وفيها توقيف

بغض النظر عن صاحب الموضوع 

اعاني من بعض الشباب الله يهديه 

زي الهوندا الجديده والسوناتات وبعض السيارات اللي فيها نور ليد يشغله ويتمشى ولاتدري الا فجاءه تكبس فرامل طالع

بوجهك فجاءه بنوره الليد (( السكن ))

طيب الله عطاك نور واطي وعالي مطفي الواطي ومشغل الليد السكن ليه 

وتدور بحواري كم مره بغيت اسوي حوادث بسبت هل الجهله الله يهديهم 

شغل نورك علشان نعرف ان فيه احد بالحاره اما فجاءه كذا مااشوف الا شبك موترك وصدامك وتخرش العالم 

فجاءه 

والله الوضع عندنا من بعض الشباب الله يهديهم فيه تدهور 

اتمنى تشديد العقوبات على هل الفئه لانهم اذونا الله يهديهم

حتى بالدايري تلقاه يخيط بالسريع بنور الليد يمكن فجاءه تروح يمين الا طالع من اقصى اليمين لليسار 

شغل نورك يمكن احد نظره ضعيف ماتدري الافجاءه يطلعون 

الله يهدي البعض صدق البعص احسه مولود لشقاء الناس ويكرهك بمشوارك اللي بتطلعه

طيب ي اخوان الي يمشي بالكشاف والنعاس الصغير عليه شي

المخالفه 500 ريال مع سطحه يعني الحمد لله العسكري تساهل معك

لاني جربتها مره بطريق المطار كنت رايح المطار وعندي السيارة الى طلعت فيها مافيها انوار اماميه الا الكشافات القوية والنور البرتقالي ( الظفيره للسيارة تعبانه ) وصكني مخالفه وزهم السطحه لكن الحمد لله مشت الامور بعد ماجا الرقيب حقهم

المخالفه ذا كان مكتوب في نصيبك  لاشيل هم يارجال الله كريم 

في نقطه مهمه اذا حصل حادث لا سمح الله يكون الغلط عليك بنسبة 100% حتى لو كان فيه نسبه على الطرف الثاني

يا اخوان انتو فاهمين خطأ.. انوار سيارتي شغالة 100 % وهو جالس يلفلف في الممشى انا وقفت شوية.. 

فقلنا نوقف على جنب لان كان عندي شغلة على الجوال لازم اخلصها ونمشي انا وقفت بالمواقف ومشيت والعداد عندي ليزر فلما امشي ما يبين هل انا مشغل النور او لا

ونور الشارع مرة قوي فانا ما انتبهت لكن الحمدلله على كل حال كله مقدر ومكتوب.. 

لما وقفت بالمواقف طفيت الانوار وبعدها مشيت ونسيت اشغل النور

الان نبي الاكيد السعر 500 او 150؟ 

سبق اني اخذتها وسددتها 500 

الله يعوضك خير
والله اخذتها وسددتها ب٥٠٠ ريال
وانا توي طالع من البقاله تو السياره ماشيه ٢٠ 
لاكن الشكوى لله 

السالفه على مزاج الجندي لا اقل ولا اكثر والله يعوض عليك بخير

توي اخذتها وفوقها سرعة كلها 800ريال تسجلت علي

كنت والله جالس بالبيت وطلعت بس اجيب اهلي من الدوام بعهم

وارجع للاسف رجعت البيت ب800ريال سرعة  والنور كنت مشغل 

انوار النعاس الصفراء