طالب مشورتكم ..سوناتا 2011 نظيفة او جيب جيلي x7 2016

حسب استخدامك يا طيب اذا انت تحتاج جيب خذه و اذا انت محتاج سيدان عليك بالسوناتا 
مع اني انصحك تاخذ كاش و لا تنسى الفحص و الاستخارة و توكل على الله

انصحك بالسوناتا السيارات الصينيه الى حد الان جودتها تعبانه
جدا وقطع غيارها بالوكاله وبعض القطع طلب خذ السوناتا
وكان نفسك في جيب خذ لك سبورتاج او توسان ترى حلوات
وتحصل موديلات 2013 او 2012 على قد فلوسك

جزاكم الله الف خير..
بالنسبه للسيبرتاج والتوسان يحتاج كاااش ..
وانا ما اقدر الا الاقساط

السونانا 2012 تشتريتها ب 25 و 30 
اللي عارضها عليك وش فرقها عن 2016 الا 30 الف 

خذ اوبتيما 2014 بالسعر ذا سياحي او كورلا 2014 

موديل احدث 
السونانا فيها كم مشكله زي abs وتنسيم الهوا 

الجيب الصيني لابأس فيه و خصوصا" اذا كان فل كامل
مكينه 2.4 مع نسيبي له سنتين او اكثر
استخدام وسط البلد محافظ عليه و ماشي معه ما في مشاكل
و الجديد مهما كان افضل بشرط المحافظه
و المستعمل اذا بتاخذه كاش زين توفر
اما تقسطه ما تدري وش الوضع لو بتبيع بعدين

انت كم معك كاش و اذا بتقسط كم تقدر تقسط شهري ؟

الله يعطيكم العافيه ..
ياخوي اذا كان معي الكاش مادورت للاقساط ولاتزيد عن 1000

انا عندي جيلي ec7 2012 وبما اني مجرب الصيني قبل كذا ومجرب هيونداي فأقول لك انهم في الجوده زي بعض لحد
يقول لك الكوري احسن ولا الصيني احسن ترا والله العظيم زي بعض انا مجربها الاثنين 

لكن الفرق ان الصيني ارخص وان الكوري احلا

فإذا تبغى شكل حلو واكسسوارات وفخامه عليك بالكوري اما سعر رخيص عليك بالصيني 

والجوده اقولها لك نفس بعض 

ولعلمك جميع القطع متوفره في الوكالة ما قد قالو لي مافي توفرها بنفس توفر هيونداي ووكيلها الحاج حسين علي رضا
لو انك في جده عنده فروع كافيه والوكيل قوي بتواجده في جده أما باقي المناطق ما ادري ونفس الشي هيونداي وكيلها
الناغي وفيه تواجد قوي للوكيل وايضاً محلات قطع الغيار في جده متوفره بكثره

نصيحتي النهائية لك 

لو تبغى شي فخم ومكيف افضل واكسسوارات و بانوراما ودلع عليك بالسواناتا

لو تبغى شي مرتفع وينفع للعائلة عليك بالجيلي 

الاوبتما اصفار اقساط قير عايدي مكينه 2000 سي سي 2015 ب 888 ريال 

عليها عرض الان

موفق

مشكروين على تفاعلكم

دامك مقصد مقصد انا اقول لك اياها لاذي ولا ذي


وش الله حادك تاخذ سوناتا ممشاها لايقل عن 200 الف وموديل 2011 يعني كملت الآن خمس سنوات هذا غير التلقيطات اللي بتسويها لها بعد ما تشتريها لأن مافيه سيارة كاملة


وبرضوه منتاب مجبور تاخذ ذا الصيني ماقلنا فيه شي بس الصيني توه عندنا ويبيله فترة ليصير اعتمادي بدرجة الثقة


بتقصد وتبي من فئة السوناتا او هالسيارات ورخيصة عندك الاوبتيما 2015 نص فل الدرجة الثالثة يسمونها ومدري وش طاعونها مواصفاتها كالاتي :

مكينة 2.4 لتر ، شكمانين ، كبوس ، تحكم مسجل ومثبت سرعة ، ثلاجة ، جنوط


يعني فيها اهم احتياجاتك وسعرها مغري 62 الف والله ماتحصل سيارة من هالفئة وبهالسعر الا المازدا 6 بس المشكلة كم يبيلها على ماتجي شهرين وعليها ولا يوم نزلوا عليها مكينة 2.5 على الاستاندر وبالسعر هذا 66666 على كلام الشباب صارت منافس قوي لكن المفروض توفرها يكون بكثرة ويشتغل شوي الوكيل على نفسه



تحياتي لك وفكر الف مرة قبل ما تقدم على أي شي

أنا ضد التقسيط في مستخدم مستهلك!! 
طلع السوناتا من القائمة بما أن الموضوع فيه أقساط 
لا تاخذ إلا جديد وأشوف أنك تدور خيار غير الجيلي , وإن كان ولابد خذ الجيلي تعتبر جديدة 
نصيحة أبعد عن المستخدم قدر الإمكان وخاصة انك بتقسط, لاتستعجل وأستخير الله 

موفق

الاوبتما طبعا من الوكاله اعتقد وسعرها 53500 الف ريال بس قير عايدي الاوتوماتك ماعرف قيمتها

مشكور كل من شرفني مروره..
لكن السوناتا لاخوي ومطلعها وكاله واستخدامه نظيف وماشيه 150000