الحل مع وجهية الموتر

4 3

لايمكنك التصويت حتى الحصول على 20 نقطة على الأقل
إضغط هنا للإخفاء

ibraheem bin abdullah 264
قبل 9 سنه و 2 شهر

السلام عليكم ورحمة الله وبركاته 

حيّ الله أعضاء حراج كلن بأسمه 

سؤالي يالربع بإختصار
أنا إنسان راعي خطوط ، يومياً أقطع 450 كيلو ، طبعاً موتري موديله 2015 ، من أول ما شريته وأول سفره لي كانت لمكة وقتها ما كان ماشي إلا 9000 آلاف ، وأول ما رجعت للرياض لقيت الوجهية رايحه فيها ، طبعاً هذا خطأ مني ما حطيت شيء للوجهية ضد السافي 
المهم يوم رجعت للرياض دخلت الموتر محل تلميع لكن ما ضبط الوضع وبرضوا فيه شهابه بالوجهيه 
وطنشت الموضوع واسافر فيه كل يوم لين ما الوجهية إنتهت ، حتّى لوحة السيارة بيضاء ولا تقدر تعرف الحروف ولا الأرقام 
وعلى فكرة يا شباب ، كثر ما ضاق صدري على وجهية الموتر الإ اني مستانس بنفس الوقت من اللوحة ، لأن ساهر رصدني كثير ولا نزلت لي 
اللي أبيه منكم تعطوني الحل 
هل تنصحوني بمحل تلميع مضمون ويقدر يرجع الوجهية لحاله ممتازه ( إذكروا لي محل معين بالرياض إذا كنتم تؤيدون الحل هذا ) 
أو هل أرش الوجهية كاملة وأغير الشمعات 
علماً بأن القطع المتأثرة هي 
الشمعات و 20 سم من الكبوت و الصدام 


عطوني الحل الله يرضى عليكم 
ومشكورين مقدماً 

إبلاغ

الردود