كم يسوى باص موستبيشي

عدد الحموله ١٥ راكب

وعليكم السلام 

ماودي اتدخل بخصوصياتك

لاكن لازم نعرف كم المبلغ علشان نقولك 

الموتر يسوى او لا بهل الباص اللي يعطيك 

ونصيحه لاتقبل الباص لانك ماتدري كم يسوى 

يمكن يعطيك اعلى من الدين حقك او اقل 

ولاتنسى مخبط يعني بينطرح من قيمته الكثيير 

انسب حل يبيع صاحبه الباص ويعطيك حقك افضل

ممكن تاخذه ويصير مايسوى قيمتك دينك 

اللي سلفته ويقولك مالك شيء عندي وتقعد

تبلش فيه ويصير بحلقك هل الباص ولايجيب قيمة 

دينك

ممجرد وجهة نظري 

والله ييسر امرك 

موفق يالغالي

والله ي خوك متسوبيشي مكاينه غاليه انا مادري عن الباص لكن واحد من الشباب عنده جيب ربع كلفه توضيبه ١٢ الف اقل محل فره الرياض كلها هذا اقل سعر ، ف انسب حل هو يبيع الموتر ويعطيك حقه . 

جيب ربع متسوبيشي 

والله ي شباب انا اطلبه ١٠الاف

بتبلتش فيه
مهو مطلوب غير مكينته مخبطه
و لو بتصلح و تستخدم لازم يكون بإسم مؤسسة النظام الجديد
يدبر لك 10 الاف لز يبيع الباص تشليح ما عليك منه

افضل حل 
ادخل موقع حراج وشوف اسعارها التقريبيه 
وروح سعر المكينه 

وانت احسب حسابك فيها ورش وفيها تعب ولازم تكسب منها 5 الف حق تعبك 
اكيد فاهمني 

فاهمك ي غالي انا مسالة هنا الا والله مالقيت نفس موديله بالموقع

اجل والله بتبلش فيه ماتدري وش في الباص اساسا 
الناس تشتري سيارات وتمشي وبرضو تنخدع فيها 

بالذات السيارات مافيها ثقه حتى لو جارك 

الباص هاذا عندنا في وزارة الصحه 
فية قوة وتحمل مجنوووونه
بس القطع الله لايوريك
خربت مراوح الرديتر على واحد من الشباب معنا في العمل
طلعت بحول 2200 بحساسها 
حساس بمراوح ب2200 بعد الخصم 
اجل المكينه بكم 
بس الله الشاهد فية قوة وتحمل ومكيف ثلااااجه مجنون مكيفة

الله يكتب اللي فيه الخير

مشكلة باص ميتسوبيشي الموضح بالصورة ان سعته 12 راكب فقط ، بينما تويوتا أو نيسان 15 راكب . 

طيب ليش مايبعه هو ويعطيك فلوسك؟؟ طريقته اعطيك الموتر بدل فلوسك 
ياما ناس اكلوها سواء بأرض ولا بسيارة نصيحه لاتقبل كانه صادق يبيع الموتر ويعطيك فلوسك 

تعذر وقله مالي بالبيع ولا لي معرفة بالباص  انت بعه وعطني فلوسي وشف وش يقول
كان تردد واموره تلخبطت اعرف انه كان يبيك تأكلها ومثل ماشفت الردود الباص قليل وقطعه غالي 

ماقصدي اشكك بالرجال لكن انا حاط نفسي مكانك وعشان كذا قلت هالكلام سلفته فلوس يرد حقك فلوس