محتاج وظيفة حكوميه

الله يرزقنا ويااك ويفرجهاا يااررب ومشي حالك ياخوي بالقطاع الخاص تستفيد شووي وتزيد خبراتكك والله كرريم

سجل بطاقات 
والله يرزقك من واسع فضله

الله يفرج همك في القريب العاجل

طيب حاليا توظف بالقطاع الخاص

دايم يطلبون تخصص الموارد البشريه

الى انك تجد وظيفه حكوميه

واتوقع حتى ماعاد بتبحث للوظيفه الحكوميه اذا توظفت في شركه محترمه

لاتوظف حكومي موارد بشريه شركات احسن لك واكثر راتب

حكومية روتين ممل ودوام سهل صح لكن تحس عقلك
يقفل وماعندك حركة ولاتفكير كل همك متى ينزل راتبك اخر الشهر
تبغى تبدا صح وباقي شباب انت انصحك تبدا بالقطاع الخاص 
وتعود نفسك على نظام معين في جدولك اليومي وبعد اقل من 5
سنوات راح تشوف حياتك انك انسان مختلف ومرفه 
حط ببالك تنمية نفسك دايما وراح تتوفق بحياتك 
الزم القطاع الخاص حتى لو بديت كاشير اقل من 5 سنوات راح
تتزوج وتاخذ بيت ايجار وسيارة وتعيش عزيز نفس لين تكبر 

حكومي ردد ياليل مطولك

غير ماسكين سرا على 10 سنين وشهادات ولاحصل

خلك على الشركات وقدم حكومي وان شاء الله راح يتصلون عليك

وين مكانك ؟ اذا بالرياض كلمني أخوي يشتغل بشركة تأمين و ان شاء الله ادبرك راسلني عالخاص 

الله يوفقك ويرزقك اخوي لو معك سياره اشتغل عليها مندوب توصيل انا مثل وضعك معي شهاده جامعيه بس للان ما توظفت سويت حساب انستقرام واشتغل على سيارتي توصيل طلبيات اكل اغراض مقاضي اي شي والحمدلله دخلي اليومي ممتاز ونمشي الحال حتى نلاقي وظيفه حكوميه او شركه جيدة

الله يرزقك من واسع فضله ويفرج همك  أكثر من الاستغفار والدعاء 'ولاتنسى أن التأخير قد يكون خيرا لك 

الكل يدور الحكومة عشان الكسل والنوم الى متى هذا الحال اكثر من الوظايف الخاصة مافيه قدم هنا وقدم بالحكومة احسن ماتردد ياليل ما اطولك وانت في الاستراحة 

ولا بقسم مرسيدس AMG ههههه

نصيحة في البداية قدم على برنامج جدارة لدى وزارة الخدمة المدنية ، وقدم على أي شركة من الشركات الكبيرة مثل المراعي ،

لا تجلس تنتظر الوظيفية الحكومية ، القطاع الخاص فيه فرص كبيرة ومجاله طيب لتخصصك ،