اللي يوظفني له15الف

شوف اخوي ركز بالكلام اللي اقوله .. 

اذا بتخلي الواسطة هي كل شيء بحياتك ماراح تعيش ابدا 

الله سبحانه يقول ( وما من دابة في الارض الا على الله رزقها ) ، ويقول سبحانه ( و أمر اهلك بالصلاة واصطبر عليها لا نسألك رزقا نحن نرزقك ) 

أعطيك مثال ، انا تخرجت من الجامعة السنة هذي ولله الحمد ، ما جلست شهر الا انا موظف والحمد لله ، وخلال الشهر سويت مقابلتين شخصية وكلها في البنوك 

مع العلم اثنين من اخواني مدراء فروع ، والله ما رفعت سماعة على واحد فيهم وقلت له ، وظفني يا فلان ، كذا مع انهم اخواني بس مابي بكرة النهار واحد فيهم يقول انا وظفتك !!

ماهي حلوة بحقي ، ونصيحة لك ولكل الاخوان المهمومين او يمرون بظروف واللي يدورو وظايف ، عليكم بالاسسسسسسسستغفار ، استغفر ككثير ، انا مجربها شخصيا 

والله أمورك كلها تزين ... اسأل الله سبحانه لي ولكم التوفيق في الدنيا والآخرة '

نيجي الحين لموضوع شهادتك ، واللي يقلك ما تتوظف في بنك بالثانوية غلطان ، وظايف الفروع للشهادات الجامعية 

اما حوالات البنك ، للثانوية والدبلوم ، على سبيل المثال  :

البنك الاهلي عنده قسم حوالات اسمه ، كويك باي

البنك العربي عنده قسم حوالات اسمه ، تلي موني 

بنك البلاد عنده قسم حوالات اسمه ، إنجاز 

،،، و قس على ذلك 

كل اللي تسويه ، تروح قوقل بخانة البحث وتكتب اسم البنك وتحط بعده كلمة توظيف ، مثلا ( البنك الاهلي توظيف ) ومر على كل البنوك بنفس الطريقة 

تدخل على موقع البنك وتنشأ سيرتك الذاتية  ،  و تنتظر منهم اتصال ، انا هذا اللي صار معاي .. ودام معك لغة ماشاءالله ما عليك خوف لان قسم الحوالات اغلبه أجانب فيحتاجونك '

طيعا راتب الثانوي ما يقل عن ٦٠٠٠ ، وحط في بالك انه دوام الحوالات فترتين ، ويومين اجازة ماهي ثابتة جمعة وسبت ، كل أسبوع يومين مختلفة 

انت راح تتأقلم مع الوضع عادي يعني ، واي استفسار انا حاضر

وفالك التوفيق ي غالي '

طيب ليش ما تعتمد على نفسك بنفسك وش اللي ، اللي بيوظفني له 15000 الف طيب انت سألت فيها المشايخة هل هالطريقة حلال ولا حرام ؟؟؟


هل هي تعتبر رشوة ولا لا ؟؟؟ انا منيب شيخ افتي لك


لكن ان صارت حرام معناها كل رواتبك حرام في حرام وش الله حادك



يخوي انت تقول انك تدرس انتساب ادارة طيب شف لك شركة اشتغل فيها على الاقل تعبي ماء وجهك بدال ما انت قاعد متسدح ومتبطح هذا اولاً وثانيا تعتمد فيها على نفسك وتصرف على نفسك بدال ما كل يومين يمه يبه عطني وثالثاً تكتسب خبرة في ذي الفترة ومن شي لشي احسن



يخوي مستحيل انك من اول وظيفة تبي شي سنع وتتوظف في مكان مرموق وفيه كل شي اكسب خبرات واجتهد وثابر واحصل على المؤهل وشف كيف بيتغير حالك



ومع احترامي لك يا اخ بندرا انا ما اقلل من حكومتنا لكن تقدر تقول لي لين متى بقعد اطامر ادور وظيفة حكومية ولا اترجى العسكرية يقبلوني فيه ناس ما تنطبق عليه ضوابط العسكرية يا سمين ولا قد سوا عملية من اول او فيه شي معين يمنعه من دخولها يعني يقعد مايتوظف لين يدقون عليه الحكومة



ياحبيبي فيه ناس معهم بكالوريوس بالثلاث والاربع سنين يامنطق في بيتهم ولا متوظف في شركة وبعدين ماكل شركة شركة فيه شركات تعز موظفينها وقوية وساسها قوي ، وان اجتهدت وثابرت يوصل راتبك راتب مدير في الحكومة


تقدر تقول لي ياحبيبي وش بتنفعني وظيفة الحكومة وانا اكد 7 سنين وتو راتبي يوصل 7000 وش نفعتني فيه وظيفة الحكومة ؟؟؟ اقعد ميت جوع ولا مقصر على عمري


اغلب اللي يدور وظيفة حكومية يبي يدوام 8 ويطلع الظهر وبزوطه ومهوب راعي شغل تسدح وتبطح ونوم وكسل ونفس شينه ما اقول الجميع لكن والله اغلبهم



لكن الانسان الطموح ماتفرق معه لو التحق في شركة كبرى لأنه عارف انه شغيل وطموح وراتبه بيطمر لفوق لاجتهد ياحبيبي فيه بزارين عمرهم 27 سنة في شركة يستلم 12 و13 الف ذي تقدر تقول لي متى تستلمها في الحكومة ؟؟؟



وانت ياصاحب الموضوع الشركات فاتحه بابها انا دخلت ثلاث شركات شي قبل ادرس التقنية وشي بعدها لين الحمدلله استقريت والحين لي سنة ونص في الشركة السعودية للكهرباء بوظيفة اداري ومرتاح ولله الحمد