أفضل ماء رديتر بعد البحث والتدقيق
21
2
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
من باب التسهيل على أخواني في الله ...
يا شباب مشيت على سيارتي ٨٥٠٠٠ وحان وقت الصيانة للسيارة
كتغيير زيت الجربكس وتغيير ماء الرديتر وتنظيف فلتر هواء المكيف وتغيير فلتر هواء المكينة ... إلى آخره.
وموضوعي هنا يخص تغيير ماء الرديتر
حيث أني لم أجد الأصلي والمطابق للموجود في السيارة من بلادها
( السيارة امبالا ٢٠١٤ )
والماء الأصلي هو : dexcool من أسيديلكو ويكون مركز
بحثت في السوق حتى اليأس وما وجدت إلا مخلوط
ومكتوب نسبة الخلط ٥٠ ٪ والتعبئة محلية ( عاد افهموها )
وفيه مركز dexcool ولكن من شركة أخرى ليست اسيديلكو
وطلبي ماء مركز من اسيديلكو كما هو مكتوب في كتلوج السيارة ....
فقررت اضع للسيارة ماء من شركة أخرى فوجدت أن تركيبة الماء والمواد المصاحبة له لا تختلف كثيراً من شركة إلى أخرى
ومن خلال اطلاعي على جميع المنتديات وجدت الجميع ينصح بماء
ميتسوبيشي
بنز
بي ام دبليو
الميتسوبيشي غير موجود لا في الوكالة ولا في السوق والوكالة عندها ماء من الإمارات وارد العيسائي لكنه ليس ياباني أصلي مثل اللي كان عندهم زمان
البنز موجود وسعر اللتر ونصف بـ 50 ريال مركز
البي ام دبليو موجود وسعر اللتر ونصف بـ 45 ريال مركز
ولازم تاخذ مركز وانت بنفسك تخلطه بنسبة 50% بماء مقطر
لأني بصراحة يوم فرغت ماء الوكالة تحسه كأنه زيت وفيه لزوجة ومادة جيلسرين ومواد تمنع الصدا وتقوم بالتنظيف المستمر لمسار دورانها في السيارة كما أنها أفضل من ناحية التبريد على المحرك
المهم : احترت بين البي ام والبنز واخذت من البي ام علبتين ووضعتها في الرديتر مع الخلط بنسبة متساوية
حيث قمت بوضع لتر مركز ويليه لتر مقطر ثم نصف مركز ويليه نصف مقطر وهكذا ...
وبعد كم يوم فكيت صرة الرديتر وشفت الماء اللي نزل ومسكته وفركته ... للأسف مو زي اللي كان فيها
ورحت وشريت علبة من ماء بنز لونه أزرق ( اللون مثل لون البي ام ) ولكن الفرق في مسكته وثقله وفركته
الصراحة الفرق واااااضح جداً جداً وأفضل من حق وكالتها اللي هو اسيديلكو Dexcool
ولذلك انصح كل من يريد تغيير ماء الرديتر بوضع هذا الماء المعلب في ألمانيا وتجدونه في وكالة ميرسيدس أو في محلات قطع الغيار المعتمدة
وصلى الله على نبينا محمد ...
إبلاغ
الردود
نسيت اقول ان العلبه 4 لتر
1
2
1
0
كنت اخذه سعره 40
0
0
كنت ناوي اغير للكامري موية تويوتا حصلتها الجالون ب45 ريال
بس بعد موضوعك باخذ نفس هالموية ماعندنا في الباحه
الا محلين لمرسيدس ان شاءالله احصل نفسه
شكرا لك بس انت غيرت فقط الموية
ماسويت قبلها تنضيف للمجاري كاملة
1
0
وجزاك الله خير
0
1
تزيد عليه مويه مقطر
افضل من الماء العادي من تجربه
1
1
غير يسحبون الماء كامل بعدين تحط فوقه ذا وبعدين 9 علب مقطر
انا اتكلم عن الشبح
والحرارة تثبت ماترتفع بالزحمه الا نادر
انصحكم يوم تغيرون غيرو معه بلف حراره مره البلف قفل
فجاءه وتورطت اللي يقول راس مكينه واللي يقول وجه واللي يقول طرنبه
واللي يقول الرديتر منسد
الحراره مشكله لان اكثر من سبب يرفعها
1
1
وكيف اوزن الكمية ؟
وكيف اتخلص من الماء الاخضر وأجعل مكانة الازرق .. بطريقة صحيحة
في محل ممتاز شغله في جدة دلوني جزاكم الله خير
سيارتي قربت على 100الف وحاب اغير
1
0
ماسوي الخلطه ههههه
0
0
اضمن واحسن من مويه مازدا خاصة انها نفس السعر
0
0
انا اخذ علبة لتر 60 ريال مرسدس بنز
بس هي مصنعة للسيارت الكبيرة اقصد التريلات الخ
كنه زيت وتضيف عليه ماء مقطر لين يمتلا الرديتر
0
0
بالنسبة للاخوان اللي بيغيرون
تقدر تغير الماء بنفسك ، تنزل اسفل السيارة وبتحصل محبس بلاستيكي في احد زوايا اللديتر ، تفتح المحبس وتتركه ربع ساعة حتى تخرج كل المياه وبعدها تقفل وتعبي الماء الجديد
شغلتها سهلة وقد سويتها بنفسي
واحذر ، عند لمس ماء الرديتر لابد تغسل يدك فورا ولاتتركها تطول
بالتوفيق لكم جميعا
2
0
عزيزي عضو منتدى حراج عندك سيارة داتسون أو هايلكس قديمة بالمزرعة ولا واقفة عند البيت
تعبت وأنت تصلح فراملها ولا يضبط جرب زيت فرامل BMW علبتها حديد كبيره رهيب
لايك بارك الله فيك خلك كريم
0
0
0
0
1
0
اسي ديلكو عندهم نوعين
في مركز اتوقع معبأ في امريكا لأنه الكتابة بالانجليزي فقط وسعره حول 60-70 ريال
وفي نوع 50/50 وهدا الكتابة عليه بالعربي و الانجليزي و سعره 40-45 ريال
الماء الاصلي مهم جدا لأنه لزج و لا يغلي بسرعه
وخاصه في التاهو ادا تعبي ماء عادي او مقطر بسرعه تخرب طرمبة الماء
لدلك ما اعبي الا الاصلي
قبل 8 سنه و 5 شهر