محل بيع مستلزمات المناسبات و الرحلات........استشارة لاهنتوا

وعليكم السلام 
صبحك الله بالنور 

ابدا بدون محل بالانترنت اذا شفت المشروع مجدي توكل على الله وافتح محل 

وزود عليها مساند و منقل كبير و دلال واباريق وبيالات وفناجيل ومباخر 

والله يكتب لك الخير والرزق الحلال 

دامك صامل علی المشروع حبيت أنصحك إبداء اشتر ع خفيف بعدين طور المحل مثلا 150فرشه خلها 100 فقط والمراكي خلها 40 عشان توفر لأشياء ثانية مثل الدلال والاباريق وفر وخل الأغراض محدوده عشان اذا صار محلك معروف وزاد الطلب اشترى زياده. ..
الله يوفقك وييسر أمورك

رأيي من رأي التميمي ابد بالنت إذا شفت الأمر مشجع افتح محل أحسن من تتوهق بالمحل و إيجاره من البداية و أنت منت ضامن نجاح المشروع 

انا بالمزاحمية قريب من طعوس الخراره
مشروع تعبية الهواء مربح جدا خاصه اذا سكنك قريب من غرب الرياض

السياره تعبية الهواسء ب 10 ريال

اقل عدد للسيارات في الخميس والجمعه والسبت 50 سياره ووقت الموسم ماانت ملحق بتوصل 150 سياره بالراحه


الدوام 3 ايام تعال من بعد العصر او بعد المغرب الى 3 الصبح

ولو تبي تزود المشروع شوي جيب حطب ومويه جراكل وفرشات ولمبات ومفكات تنسيم الهواء واي شئ يحتاجه الشخص بالمكشات


الماطور يكلف حول 6 الاف وقبل تسوي المشروع مر على الخراره واسال اللي هناك وراقب من بعيد واي استفسار حاضر





بالتوفيق

15000 ماتكفي ياغالي

روح شوف اول شي بكم الفرش والمراكي والاشياء هذي

واحسبها على دفعة الايجار اول ست شهور

احسب كل شي من البداية لاتتورط

وخل لك احتياط مبلغ وقدره لاسمح الله 

والتجارة مثل هذي مافيها خسارة ابد ان شاءالله

رأس مالك قليل بتصرفه ايجار محل وديكور ورخصة دفاع مدني وبلدية

نصيحة تبدأ من النت وتسوق بضاعتك في موقع مكشات والانتسغرام وبعد ما تمشي أمورك تفتح محل

حاول تاخذ أفكار من الشباب وتشوف الأشياء المطلوبة والأفكار الجديدة وممكن تستعين بحداد ومنجد وتفصل أشياء على الطلب

السلام عليكم ورحمة الله وبركاته

شدني موضوعك وخصوصا انك تحاول تطوير نفسك ومدخولك وانا دائما احترم اي واحد يطور من نفسه حتى لو يبيع اعواد كبريت ....

اولا يا اخي  في مقوله وحكمة سمعتها من شخص عزيز علي نفسكم وشرواكم يقولي (العنب ياكلونه حبه حبه ) .... كم احبها واحترمها هذه الحكمة

نشوف ايش عندك من نقاط قوة اولا عندك فكرة مشروع 
و وقت المشروع جيد دخول فصل الشتا و مكشات 
وعندك وسيلة توصيل ونقل بضائع 
وعندم خلفية ولو بسيطةعن السلع و جودتها واللي مرغوب بالسوق...

السلبيات اعتقد مبلغ ليس كافي نوعا ما او راح يكون بالضبط اللي تختاجه
دفع ايجار و كهرب و خدمات
احتمال تحتاج بائع معاك يساعدك
ايضا نوع العمل اللي ترغب فيه موسمي يعني بالشتا والربيع و انت عارف جونا السنه 9 شهور صيف و 3 شتاء وربيع 

انا انصحك دامك جديد و تبي تجرب نفسك اشحن صندوق السيارة بالبضاعه و روح مكان اللي يتجمعون فيه اللمكشات والبر و افرش بضاعتك و جرب نفسك 4 ساعات ف اليوم مناسب واذا انت عاطل خلها 6 الى 8 ساعات والجو الحين يشجعع ...

منها وفرت الايجار و حافظت على راس مالك و بضاعه راح تكون اقرب للزبون و بالمرة تغير جو ....

واسال الله ان يرزقك بواسع رزقه وفضله وبارك الله في حلالك