أضف سؤال أو موضوع جديد          

سؤال لأهل الخبرة .. ولكم الأجر إن شاء الله

up 1 down 1
carssouq 204
قبل 5 سنه و 5 شهر



السلام عليكم ورحمة الله وبركاته
سؤال لأهل الخبرة في عالم السيارات ..
إذا توفر مبلغ 45000 ريال كدفعة أولى .. وأرغب بشراء سيارة بنظام التأجير على أن لا يزيد سعر السيارة النهائي بعد الانتهاء من دفع أقساطها عن 85 ألف 

لا يهم نوع السيارة سواء سيدان أو جيب المهم القوة والجودة والقطع .. يعني من جميع الجوانب لأني والله تلخبطت كثير .. وشفت تعليقات كثيرة عن السيارات .. وكل واحد يحط مشكلة في نوع سيارة معينة .. 
يا ريت تفيدوني لأني والله محتار من كلام الناس واعضاء الموقع .. 

ولكم الأجر إن شاء الله .. وبارك الله فيكم ..

ملاحظة: السيارة المطلوبة من حجم الكامري وفوق أو جيب. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
ولد عمي نفسك كان معه ٤٠ الف
ودور بالقيمه هذي موتري زين على قد فلوسه ما حصل

المهم شاف عبداللطيف جميل مسوي عرض على الاوريون
الظاهر كانت قيمته (٩٠ الف) ماني متأكد من القيمه بالضبط
المهم الرجال عطاهم اللي معه من فلوس والباقي قسطه
والحمد لله الحين الرجال مرتاح بموتره الجديد


up 2 down 0
ابوناصر 454 655
قبل 5 سنه و 5 شهر



و عليكم السلام ورحمة الله وبركاته

45 الف اشتري فيها سيارة لو موديل 2010 نظيفه بالنهاية حلالك ما احد له شيء عندك

لا مذله الشركات ولا لو احد صدمك لو دقه بسيطه تجلس تتمرمط وراهم عشان التأمين 

بالنهاية ينزل مبلغ كبير بالتأمين ويجبرونك تسوي عندهم وتجلس عندهم فترة طويله السياره


up 4 down 3
التركي 1403 12
قبل 5 سنه و 5 شهر



و عليكم السلام و الرحمه
مشكلة الايجار المنتهي بالتمليك
اذا كنت ناويه تطلع موتر بطريقته
لازم تسأل و تتأكد قبل
اذا صار حادث و راح الموتر تالف لا قدر الله
هل ترجع لك الدفعة الأولى كله او كم النسبة ؟
او في حالة التنازل اذا صارت عليك ظروف او تبي تمويل من البنك
 ما في احد بيرجع لك و لا نص الدفعة الأولى

كنت ابطلع من بنك الراجحي الزمني الدفعة الأولى 24 الف و القسط 1400
و ما تم الموضوع و الحمدلله خيره
طلعت من الأهلي الدفعة 5000 و القسط 1600
فخذ اقل نسبة دفعة و الباقي خله في الرصيد
يخصمون منه حق الأقساط لو يزيد عليك


up 3 down 0
أبو نجوى 2442
قبل 5 سنه و 5 شهر



شف تقسيط ولا ايجار منتهي بالتمليك لا اشرد بشحمك ولحمك 
خذ بالقيمة هذي اي سيارة كاش ويوجد سيارات جديدة حتى لو ماعندك خذ صينية جديدة (جيلي وغيرها ) ممتازة
وترتاح من ان راتبك ينزل ناقص او تاخذ سيارة ماهي على يدك لعن ابوها اللي قبلك 
الجيلي انا مجرب EC8  >> عشان لا تقول اني افتي من راسي
من موديل 11 الى الان حوالي 5 سنوات 
ما تغير فيها الا الزيت والقطع الاستهلاكية 


up 4 down 0
yasserbenghsab 399
قبل 5 سنه و 5 شهر



والله ٤٥ الف تجيب لك سيارة حلوه ونظيفه من اي فئة ابعد عن الاقساط نصيحة اخوية


up 3 down 0
ابوسطاام -1
قبل 5 سنه و 5 شهر



مبلغك ممتاز ويجيب لك سيارة موديل ٢٠١١ بالراحة ليش تحد نفسك ع الاقساط والخسائر 
والمرمطة اللي لها اول ومالها اخر


up 2 down 1
دكتوراه في الحب 164
قبل 5 سنه و 5 شهر



الله يبارك بعمركم يا رب جميع من قام بالرد .. ونصايحكم كلها على راسي من فوق .. والله يا إخواني الأحباء .. يقول المثل إيش يرميك على المر إلا الأمر منه ..
والله طول عمري ما أقتنع بالأقساط .. لكن صارلي أكثر من سنة وأنا ادور مستعمل نظيف وبسعر معقول ما قدرت ألاقي .. يا إنه السعر عالي او السيارة غير نظيفة .. ومعظم المستعمل أصحابه رافعين سعره فوق فوق وقريب من الجديد ..

وأحلى +1 لايك للجميع لاحلى شباب.


up 3 down 0
carssouq 204
قبل 5 سنه و 5 شهر



اذا ملزم طلع من البنك قرض بقيمه السياره وادفع لهم من 
ال 45 لين م تجمع لك دراهم وتدفع لهم الباقي 
لان البنك فوايده اقل والسياره تكون باسمك يشتريه لك البنك 


up 1 down 0
m7mas9 178
قبل 5 سنه و 5 شهر



طيب هل التعامل مع البنك كتمويل شخصي حلال .. لأني سألت فتواها قالوا فيها مسألة .. والأفضل الابتعاد عن ذلك للشبهة


up 1 down 0
carssouq 204
قبل 5 سنه و 5 شهر



اكسنت نص فل 2016 علي يدك بي 39 والباقي انبسط فيه 

عماد الدين


up 0 down 2
الـتاجر الـكبير 726
قبل 5 سنه و 5 شهر



فكك من السيارات الصغيره ذي 

خذلك باجيرو 2015 ب 75 الف والمكينه الكبيره 87 
ولون عنابي ولا بحري احسن من السيارات الصغيره حدك للمدينه 


up 0 down 1
i6rb_ 160
قبل 5 سنه و 5 شهر



كله الايجار والقرض فيه مساله حرام وحلال والغالبيه قالوا حرام
بس اقولك اذا مجبور فالبنك قرض ارخص والسياره باسمك من وقتها


up 0 down 0
m7mas9 178
قبل 5 سنه و 5 شهر



خدلك سيراتو اصفار استاندر ب42000


up 0 down 0
حماده عزو 440
قبل 5 سنه و 5 شهر