موقف صار وعطوني رأيكم

كان الله في عونك شوف وانا اخوك اللي يحلف وانا صامل ومن هالكلام قله ارسل عربونك عشان ارتبط معاك لكن مسألة خلاص بعتك واروح استأجر سياره وكل من كلمني اقول بعتها كذا انت خسرت وروحت عليك الزبائن ولكن الحمدلله على كل حال

والله ياخي الغلط للامانه غلطك 
بتبيع سيارة او تشتري حط الكلام والحلفان والمرجله على جنب 
وحط براسك انك تتعامل مع يهودي .. هذا هو سوق المستعمل 
محتاج السياره خلها معك وحدد معه موعد للفحص ان جاك  اطلب عربون ولا انقلع 
منت محتاجها خلها بمعرض والدم من راسه والحجر من الارض 
بيفحص بيتصور،معاها بيجيب مندوب الشركه المصنعه بكيفه 
عينه ميزانه لا تجي الا للمبايعه 

للأسف البيع والشراء عن طريق يفقتد للموضوعية والمصداقية
تحصل واحد مثلا بالرياض يعرض السيارة للبيع ويسوم منه واحد من اهل
جدة ولاشاف الموتر ع الطبيعة والبعض يسوم ويعلق صاحب السلعة وهو ماعنده
استطاعة للسفر 
والشي الثاني اللي ماشاف السيارة ع الطبيعة صعب تاخذ على سومته لأن لو 
شاف السيارة عن قرب ممكن يتضح له اشياء ماذكرها المعلن او ماوضحت بالتصوير
قبل سنة كنت ادور على لكزس es وحصلت شخص معلن
عن لكزس 2009 وكان من اهل القصيم اتصلت عليه واتفقت معاه على موعد 
وكنت بصراحة في نيتي اشوف موترم ولو ماجازلي انزل المعارض وادور بنفسي
لأني ماحصلت طلبي بالمدينة المهم اليوم الثاني قابلت الرجال وكان مقيم مصري
وماشاء الله على قدر من السماحة والاخلاق وقالي السيارة  سيمت بالموقع ب 
٧٦ الف وشاف شخص ع الطبيعة وسامها ب ٧٣ وقلت له
بصراحة اللي ماشاف السيارة مااقدر اخذ على سومته لأنه لو شافها ممكن
يتضح له اشياء بالموتر ويغير رايه لكن بدفع لك فرق ١٠٠٠
ريال عن ال ٧٣ وطلب ١٥٠٠ توكلت على الله وفحصت الموتر
وطلع ماشاء الله نظيف جدا توكلت على الله واخذت الموتر
وكان وقتها اقل من اسعار المعارض ب ٦ الاف ريال لأن
الرجل كان فعلا صامل بالبيع عكس اللي يوقف سيارته 
بالمعرض ويحدها بسعر عالي ولاتفرق معه انباعت اليوم او
بعد سنة
ومن واقع دوراني ع المعارض الاكثر منهم شريطية ورافعين
الاسعار بشكل خرافي اذكر حصلت لكزس ٢٠٠٧ ماشي
٢١٠ الاف وفيه طقة بالعكس ونتعه بالقير يقول مسيوم ب ٥٥ الف
وحاده ب ٦٠ الف.
فأفضل شي اللي يبي يشتري بسعر السوق ينزل السوق
ويشوف الناس المستخدمة تحصل السيارة بسعر مرضي جدا
عكس اسعار الشريطية بالموقع والمعارض.
واعتذر على الاطالة

جزاكم الله خير على ردودكم
والله اني كرهت المعارض بشكل غير طبيعي 
ولو فيه شركة تاخذ سيارتك وتنزلها السوق وتبيعها لك وتاخذ عليك عموله 
والله ما اتردد في اني اعطيهم السياره
المشكله الان تلقى سيارة سعرها من ٧٠ الى ٨٠ الف ويجيك واحد مطفي النور 
يقول ٤٠ الف شرط الفحص
ونفس الشي يجيك واحد دايخ يقول ٩٠ الف وهو لو تشوف حسابه مافيه الا ٢٠٠ ريال

اخوي انت الغلطان الطيبه الزايده ماتصلح الان 
ان شاء الله خيره لك يمكن الله كاتب لك حادث عليها بسبب دعوة امك ولا ابوك جعل الله هذا الرجل يسوي معك كذا لاتضيق صدرك الخساره هي خسارة العمر 

الزمن هذا مافي الا حط عربون و إلا الخلا

الدنيا دروس وعبر ياما نسوي في البعض خير لكن نحتسبه عند الله

يبن الحلال انحش عن المواقع
رح بنفسك لمعارض السيارات
وكانك سمح بتبيع في نفس اليوم
وكانك تبي زود قيمه اصبر يوم ثاني وان شاء الله انك بايعها

اسال مجرب عرضنا في موق حراج وصراحه انواع الاتصالات 
واللي يقول بقابلك وترتبط معه واللي يقول صامل والوعد الفحص
ويربطونك على خالي بلاش 
واللي يتصل في اوقات ماهي مناسبه
وغيرها الكثير

نصيحتي لك انزل المعارض يوم الجمعه وان شاء الله ما يجي المغرب الا وانا بايع

ياجماااعه والله شيء يقهر

اتوقع والعلم عند الله انك بعد ما تغديت وحليت وجالس تشيش
جا ببالك تكتب موضوع وتبي تقرفنا فيه وحنا مالنا ومال
الي وعدك ولا جا لو كل واحد حصل له موقف مثلك كتبه 90% من
سكان الوطن العربي كتب
تبي راي تستاهل

انت صامل تبي تشتري  عربونك 500 ريال  وافق  زين ماوافق  قله خلاص نتقابل الحين  وتفحصها  واذا قال مشغول قله  بسلامتك   ترا الشرايه كثرين والصامل واحد 

تسلمون على ردودكم والله لا يطيحكم بهالاشكال 
كرهنا المعارض والبيع بسبتهم 

الاخ غريب ١١١
اولاً اتمنى تكون محترم في نقاشك واذا ما اعجبك الموضوع ببساطة اتركه ولا ترد
ثانياً من الردود يبين لك ان فيه ناس صارت لهم هالمواقف وهالشي صار عادي عند البعض 
ثالثاً اترك عنك نظام (انا اللي ازبّد للعالم) 
الله يصلحك بس 

الله يعين على هالأشكال ويتصل ويشغلك وصامل ولانزلته من القيمه قال اصبر اشوف  ولا عاد تشوفه 
ناس فاضيه 

الغلط غاطك أنت 

واحد لا قابلته ولا تعرفه ولا شيء 

وش عليه تنقص من المبلغ و تتبهذل توقف السيارة بمعرض

و تستاجر سيارة

عندك إختبارات أجل البيع إلى بعد الإختبارات و روح و تعال بموترك

كنت بشتري سيارة لاحد زملائي - وذهبنا لفحص السيارة وكان هناك مطر كثير وما معنا سيارة ،
صاحب السيارة قال خد السيارة روح بها وتعالي في الصباح رجعها تاني 
** والحمد لله اشترينا السيارة منه لانه رجل سمح ومحترم