موقف صار وعطوني رأيكم
18
5
إضغط هنا للإخفاء
السلام عليكم جميعاً
يا جماعة انا عرضت سيارتي للبيع وكثير اتصلو ووووو الخ
المهم كلمني واحد ويحلف انه صامل وانه له فتره يدور
طبعاً انا شخص سمح بالبيع والصامل دايم اساعده لأني يوم شريت السيارة .. الرجال اللي باعها علي من اهل الجنوب ويشهد الله انه ما قصر معي وتعلمت منه السماحة بالبيع
المهم اتفقت مع هالشخص اللي كلمني وقلت له دامك صامل ابشر بعزك
والله نزلت له ٣٠٠٠ ريال وقال خلاص تم بإذن الله انا ابي افحص الموتر
قلت له ابشر انا لظروف الاختبارات عندي بوقف سيارتي بمعرض وانت تعال وافحصه وشيك عليه .. وقفت السيارة واستأجرت لي سيارة
والرجال جا للمعرض وكان الشارع زحمة على كلام العامل اللي بالمعرض فوعدهم يجي بالليل
واتصلت عليه مرتين ما رد .. ارسلت له رساله بالموقع قراها وما رد
طبعاً انا والله احسنت الظن وقلت يمكن عنده ظروف.. لكن يوم قرا الرساله وما رد وسحب علي وهو عارف اني مستأجر انغبنت صراحة
والله اني يوم شفته صامل قلت يستاهل نخصم له
ومع ذلك صار ما يرد
طبعاً انا ما ابيه يشتري السيارة غصب لكن يا اخي بكل بساطة اتصل وقل انا اعتذر ما اقدر اشتري سيارتك وبس
لكن تخليني اقول للزباين ان السيارة فيه واحد خلاص بيشتريها بعد حلف واقسام وفوق هذا تخليني استأجر سيارة ولا تقولي انك هونت او ما تبي السيارة؟
انا اعترف اني اتحمل جزء من الغلط أني اخذت بكلمته وعاملته كرجل لكن مع الاسف صارت الدعوى استهبال
ما اقول غير حسبي الله ونعم الوكيل..
إبلاغ
الردود
بتبيع سيارة او تشتري حط الكلام والحلفان والمرجله على جنب
وحط براسك انك تتعامل مع يهودي .. هذا هو سوق المستعمل
محتاج السياره خلها معك وحدد معه موعد للفحص ان جاك اطلب عربون ولا انقلع
منت محتاجها خلها بمعرض والدم من راسه والحجر من الارض
بيفحص بيتصور،معاها بيجيب مندوب الشركه المصنعه بكيفه
عينه ميزانه لا تجي الا للمبايعه
11
3
تحصل واحد مثلا بالرياض يعرض السيارة للبيع ويسوم منه واحد من اهل
جدة ولاشاف الموتر ع الطبيعة والبعض يسوم ويعلق صاحب السلعة وهو ماعنده
استطاعة للسفر
والشي الثاني اللي ماشاف السيارة ع الطبيعة صعب تاخذ على سومته لأن لو
شاف السيارة عن قرب ممكن يتضح له اشياء ماذكرها المعلن او ماوضحت بالتصوير
قبل سنة كنت ادور على لكزس es وحصلت شخص معلن
عن لكزس 2009 وكان من اهل القصيم اتصلت عليه واتفقت معاه على موعد
وكنت بصراحة في نيتي اشوف موترم ولو ماجازلي انزل المعارض وادور بنفسي
لأني ماحصلت طلبي بالمدينة المهم اليوم الثاني قابلت الرجال وكان مقيم مصري
وماشاء الله على قدر من السماحة والاخلاق وقالي السيارة سيمت بالموقع ب
٧٦ الف وشاف شخص ع الطبيعة وسامها ب ٧٣ وقلت له
بصراحة اللي ماشاف السيارة مااقدر اخذ على سومته لأنه لو شافها ممكن
يتضح له اشياء بالموتر ويغير رايه لكن بدفع لك فرق ١٠٠٠
ريال عن ال ٧٣ وطلب ١٥٠٠ توكلت على الله وفحصت الموتر
وطلع ماشاء الله نظيف جدا توكلت على الله واخذت الموتر
وكان وقتها اقل من اسعار المعارض ب ٦ الاف ريال لأن
الرجل كان فعلا صامل بالبيع عكس اللي يوقف سيارته
بالمعرض ويحدها بسعر عالي ولاتفرق معه انباعت اليوم او
بعد سنة
ومن واقع دوراني ع المعارض الاكثر منهم شريطية ورافعين
الاسعار بشكل خرافي اذكر حصلت لكزس ٢٠٠٧ ماشي
٢١٠ الاف وفيه طقة بالعكس ونتعه بالقير يقول مسيوم ب ٥٥ الف
وحاده ب ٦٠ الف.
فأفضل شي اللي يبي يشتري بسعر السوق ينزل السوق
ويشوف الناس المستخدمة تحصل السيارة بسعر مرضي جدا
عكس اسعار الشريطية بالموقع والمعارض.
واعتذر على الاطالة
7
1
والله اني كرهت المعارض بشكل غير طبيعي
ولو فيه شركة تاخذ سيارتك وتنزلها السوق وتبيعها لك وتاخذ عليك عموله
والله ما اتردد في اني اعطيهم السياره
المشكله الان تلقى سيارة سعرها من ٧٠ الى ٨٠ الف ويجيك واحد مطفي النور
يقول ٤٠ الف شرط الفحص
ونفس الشي يجيك واحد دايخ يقول ٩٠ الف وهو لو تشوف حسابه مافيه الا ٢٠٠ ريال
0
2
ان شاء الله خيره لك يمكن الله كاتب لك حادث عليها بسبب دعوة امك ولا ابوك جعل الله هذا الرجل يسوي معك كذا لاتضيق صدرك الخساره هي خسارة العمر
2
1
1
1
0
0
رح بنفسك لمعارض السيارات
وكانك سمح بتبيع في نفس اليوم
وكانك تبي زود قيمه اصبر يوم ثاني وان شاء الله انك بايعها
اسال مجرب عرضنا في موق حراج وصراحه انواع الاتصالات
واللي يقول بقابلك وترتبط معه واللي يقول صامل والوعد الفحص
ويربطونك على خالي بلاش
واللي يتصل في اوقات ماهي مناسبه
وغيرها الكثير
نصيحتي لك انزل المعارض يوم الجمعه وان شاء الله ما يجي المغرب الا وانا بايع
2
0
0
0
جا ببالك تكتب موضوع وتبي تقرفنا فيه وحنا مالنا ومال
الي وعدك ولا جا لو كل واحد حصل له موقف مثلك كتبه 90% من
سكان الوطن العربي كتب
تبي راي تستاهل
2
14
1
1
كرهنا المعارض والبيع بسبتهم
الاخ غريب ١١١
اولاً اتمنى تكون محترم في نقاشك واذا ما اعجبك الموضوع ببساطة اتركه ولا ترد
ثانياً من الردود يبين لك ان فيه ناس صارت لهم هالمواقف وهالشي صار عادي عند البعض
ثالثاً اترك عنك نظام (انا اللي ازبّد للعالم)
الله يصلحك بس
3
3
ناس فاضيه
1
1
واحد لا قابلته ولا تعرفه ولا شيء
وش عليه تنقص من المبلغ و تتبهذل توقف السيارة بمعرض
و تستاجر سيارة
عندك إختبارات أجل البيع إلى بعد الإختبارات و روح و تعال بموترك
1
1
صاحب السيارة قال خد السيارة روح بها وتعالي في الصباح رجعها تاني
** والحمد لله اشترينا السيارة منه لانه رجل سمح ومحترم
2
1
قبل 8 سنه و 5 شهر