تجربتي مع الصناعيه في تعديل رفرف السيارة
49
15
إضغط هنا للإخفاء
السلام عليكم ورحمة الله وبركاته
صباح/مساء الخير كل واحد بأسمه
من باب حب لأخيك المسلم ما تحب لنفسك ؛ حبيت أطرح لكم تجربتي مع الصناعية في تعديل رفرف السيارة الخلفي
السالفه وما فيها أن سواق هندي صدمني عند إشاره في الرياض وزحمه وغثاء وسامحته لان الصدمه خفيفه وما تسوى
المهم خليت الصدمه اكثر من اسبوعين ولا عدلتها لان السياره جديده وخفت يجي احد بيكحلها ويعميها
دلوني بعض الشباب على ورشات تعديل وشغلهم زين في المزاحميه
رحت لمهم وأعطوني أسعار فلكيه !! والسبب أنهم مشهورين ومرفعين في اسعارهم يعني أقل واحد قال ب٦٠٠ ريال وأعلى واحد قال ب١٤٠٠ ريال ويقولون أقل شي تقعد يوم وبعضهم اكثر من يوم ، طبعاً الصدمه خفيفه (مرفق صور لها) ولا تسوى
رجعت البيت جلست كذا يوم ثم نزلت انا واخوي لصناعية العاصمه الصبح ودرنا على كذا ورشه لين طحت في ورشه يقولون نعدلها بهدروليك (مرفق له صور للي ما يعرفه) وانا وياهم في السعر اتفقنا على ١٠٠ ريال المهم بدوا في الشغل الساعه ١٠ الصبح ، الساعه ١١ خلصوا يعني شغلهم ما أخذ الا ساعه واحده
ورجع ولله الحمد والشكر الرفرف كما كان ولا تقشرت البويه ولا شيء
وللي بيسأل عن اسم الورشه اسمها بيرق النخبه او نخبة البيرق المهم ياخوان اي احد بيعدل صدمه في سيارته ينحاش عن ابوشاكوش لانه بيلعب في بدي السياره ، هيدروليك شغله روعه ونظيف
طبعاً شفتوا اسعار الصناعيه من ١٤٠٠ ريال الى ١٠٠ ريال وهذا فرق ماهو بصيط أبداً ، فالحذر الحذر من الكذابين في الصناعيه
وهذي صورة للسياره قبل التعديل وبعد التعديل
والصورة الثانيه صورة الهدروليك أثناء التعديل ؛ للي ما يعرفه
[ أنتهى الموضوع وهذا ما حصل لي وأتمنى أني أفدتكم ، وصلى الله وسلم على نبينا محمد ]
إبلاغ
الردود
رجعت مثل اول بس يبيلها شوية تلميع وتختفي تماما
3
1
السياره وسخه ، وهذا مكان الشطرطون لان الصدام انطلق ومسكت بشطرطون
3
3
و الشكر ايضا موصول لفنيين ورشة بيرق النخبة على امانتهم و عدم استغلالهم
2
1
2
0
اذا دخلت الصناعيه وصارت محلات القطع على يمينك
اول لفه على يسارك خش معها تقريبا ٥ او ٦ ورشه على يسارك
مقابل ورشة البقاع اللي طايرين الناس فيها
وعلى فكره جيت ورشة البقاع وتهاوتشت معهم
تعملهم سيء مره
+ ١ للجميع ..
1
0
والصدمة ماتستاهل 600
لكن اللي يبحث مثلك وشرواك مابيخسر ويتحسر بعدين
+1
2
1
الي يخبر محل في الدمام يسوي كذا يعلمنا
1
1
هل فيه بجدة احد يعدل هيدروليك ؟ لاني لفيت ولقيت تركي يعدل ب٢٥٠ ويقول ماترجع زي اول
1
0
أيه نعم فيه ورشات كثيره تعدل بهدروليك
طبعا حاول أنك تعدلها عند عمال هنود او بنقاليه
وأنحش عن اليمنيه والأتراك وطقتهم
بخصوص أنه يقول أنها ما ترجع زي اول
انا دخلت ورشه وقالي ان الصدمه هذي ما تتعدل
لزم سمكره ، قلت له اذا هذي ما تتعدل اجل وش بيتعدل
هم كذابين يبون يسحبون فلوسك باللي هو به
1
2
والله يوفقك ،
لكن وش آليه عمل الهيدروليك ؟؟
اول مره اسمع فيه !! متعودين يا شاكوش او سمكره ...
+١
1
0
آليته أقرب تشبيه لها العفريته
يعني يوضعه محل الصدمه ويوضع بينه وبين البدي خشبه ثم يبدى بالضغط حتى ترجع لمكانها الاصلي
1
1
1
0
وجزاكم الله خير على ردودكم الطيبه
0
0
مريت حق الجنوب الظاهر بصناعية العاصمه يقول 500 مع ان الدقه خفيفه بمر الورشه اللي قلت عليها
لاهنت ولك تقييم لايك...,
1
0
1
0
هذي المواضيع اللي الواحد ينبسط عليها ويتعلم ويستفيد منها
قبل 9 سنه و شهر