أستاجرت معرض سيارات ولكن ما أعرف شي

الللف مبرووووك           

اخوي غلطان المفروض قبل لاتستأجر معرض تبحث في الموضوع كامل وتسوي دراسه 

الان من الصعب عليك حتى تخسر اجار وانت باقي مااشتغلت 

وممكن الاجرات معقده 

لو تبى احد  يشتغل عندك في المكتب للنقل.ملكيه كلمني  ع خاص 

و مبرووك  الله يوفقك 

أنت زيك زي إلي اشترى طيارة ولا هو عارف يسوقها ولا هو عارف كيف يطلع رخصتها
ودفع مبلغ و قدرة فيها

الف مبروووك اخوي 
وانصحك بعد تستورد فوردات وافالون ولكازز 
وجمووس فيها خير اهم شي الله الله بالنضيف 
يعني تجيب افالون 2011 من امريكا تطلع عليك ب65 الف
وتبيعها ب75 الى 80 مكسب طيب 
والماركيز 2011 واليوكن والتاهو فيها شغل 
والله يرزقك 

ياسلام عليك يارفاعي جمعت الي ماينجمع اجل لكازز ههههههههههه

ههههههههه ياخوي الكزس فئات قلت اختصرها لكازز
ربي يسعدك ويسعد الجميع

الف مبروك وكلام الرفاعي مية مية 

الله يباركلك ويجعله فاتحة خير عليك لاتشيل هم الرزق ابدا بس نصيحة اخ ابتعد عن الغش وخلي شغلك نظيف 
عندك الاستيراد هو اللي ماشي في السوق بس يبغالك رأس مال جامد أو المستعمل 

باالنسبه للراجحي وشركات التقسيط والتاجير هم يجونك ويحطون ارقامهم عندك
اذا شافوا السيارات الجديده والمرغوبه عندك

طبعا لازم يكون راس مالك مايقل عن خمسه مليون عشان تعبي المعرض سيارات من النوع الخفيف والمتوسط

مثل سيارات هيونداي السيدان وكيا وتويوتا 

ثانيا تسوي اتفاقيات مع الوكالات بشراء مجموعة سيارات

طبعا كل شركه لها شروطها 

راح اضر مثال شركة المجدوعي
لو تبي سوناتا اقل فئه بسبعين الف ريال 
سيارتين 140 الف ريال

عشر سيارات بيخصم لك الف ريال من كل سياره
خمسين سياره بيخصم لك 3 الاف ريال وهكذا غالبية الوكالات
100 سياره بيخصم لك 4 الاف
100 سياره يبيلها معرضين
وش تسوي تاخذ النص وتبيع النص علي معرض ثاني وتخصم له الفين ريال 
وتسوي الخصم علي العدد الي بياخذه منك

ارجو ان تكون وصلت الفكره 

وتكفون حبتين لايكات

اول شيء مافيه معرض طلع كذا
يعني اول شيء فاضي ثم على شوي شوي طلع تاجر ما شاء الله

أن وجهت نظري وهي فيها تهور شوي
هي تشتري لك ٢٠ سياره مثلاً من نوع تايوتا
تأخذها دين ثم تبيعها كاش بسعر اقل من الوكاله
فيطلع معك مكسب طيب وهذي الشغله اكثر المعارض طايحين فيها
هذا اذا ما عندك راس مال ، اما اذا عندك ففك نفسك من الدين وهمه

ومثل ما وضح بعض الاخوان المفروض ما أخذت المعرض الا وانت عارف كل اموره

اخوي احييك على المشروع المربح نصيحة شوف واحد من الجماعة أو القبيلة مشهود له بالصدق والأمانة والتدين يكون عنده خبرة وخله معك بالنسبة واتعلم الشغلة على مهلك دام الخبرة معك

مشروع حلو وفيه رزق طيب ومبروك عليك حبيبي مقدماً والله يوفقك ويرزقك

مبروك والبنوك يجوك هم بعدين او لاحقا وحاول تتعاقد مع الوكالات انك تصرف السيارات حقت الموديلات القديمة وتدفعلهم بعد البيع وتنفع مع الموديلات الجديدة