اقتراح للمرور لرصد المخالفات وتنظيم السير وانهاء الهمجية
12
9
إضغط هنا للإخفاء
كلنا نعاني من الهمجيه بالشوارع بالذات عندنا بجدة ونتمنى نصير زي الدول المتقدمة يحترمون النظام والقانون واقرب مثال دبي انا بختصر كلامي وياليت تشاركوني ارائكم
اولا المخالفات اللي نشوفها بشكل يومي
تجاوز الخط الاصفر
استخدام الجوال وقت القيادة
الوقوف علي خط المشاة بالاشارات اللي فيها ساهر
عدم ربط حزام الامان
عدم احترام لمن داخل الدوار
السير بدون لوحات او طمسها
القياده بدون انوار بالليل
الوقوف علي الرصيف او الدوران علي الرصيف
-------
اقتراحي بانشاء مبنى كبير وتوظيف الشباب بعدد لا يقل عن ٢٠٠٠ شاب وتغطيه جميع شوارع جدة الرئيسيه والفرعيه وبعض الاحياء بالكاميرات وتقسيم العمل مثلا مثلا كل موظف يمسك كاميرا ويرصد المخالفات مع توثيقها مثلا كل كيلو فيه كاميرا وموظف بالمبنى يرصد المخالفات
والمخالفات طبعا تفرق من شخص لشخص يعني مثلا بعض المخالفات يعطون المواطن او المقيم علي قد دخله مثلا اللي راتبه ١٠٠٠٠ مخالفاته غير عن اللي راتبه ٣٠٠٠ وغير كذا يكون فيه محكمه للمرور مثلا فلان خالف عدم التقيد بالسرعه القانونيه اكثر من ٢٥ كيلو هذا يتحول علي المحكمه والقاضي يحكم عليه ولو تكررت يا تسحب الرخصه او توقيف صدقوني باقل من شهرين يصير النظام عندنا زي الدول المتقدمه وممكن الميزانيه اللي تطلع من المخالفات يجددون الخطوط والبنيه التحتيه ويسلمون المشروع لشركات اجنبيه بما ان اللي عندنا فاشله
إبلاغ
الردود
طيب كل ماسددت مخالفه عشان اطلع رخصه يجيني عسكري
واعطاني مخالفة رخصه !! وكأنك يابو زيد ماغزيت ،،،
كل شيء عندي نظامي الحمدلله لكن ماعندي رخصه !! وكل ماجيت
نقطه وشاف كل شيء ممتاز >> قال وين الرخصه ! واعلمه بأني
اسدد كل فتره من المخالفات من شان اطلع رخصه ويروح يعطيني
مخالفة رخصه !!!!!! بالله كيف اسدد واطلع رخصه كيييييف ؟؟؟؟
واما عن تطبيق النظام ورب الكعبه لو فيه اهتمام في الطرق
وتخطيط عالي واخلاق تعامل من العسكر وانجاز في المعاملات
صدقوني لها مردودها العكسي على المواطن
(( الشاااارع يجلسون يحفرون فيه فتره طويله واذا خلص المقاول
الخط تعبان وفوق كذا يحط لك ستين الف مطب وقبل المطب عيوون
قطط !!!!! ياخوي يكفي على الاقل حط مطب وقبله لوحة تنبيه وانتهى
حسبي الله ونعم الوكيل
حسبي الله ونعم الوكيل
0
2
هو صحيح انه في حجز للسيارات المضللة وزي المخالفات هاذي في الوقت الحالي
لكن زمان قبل 9 سنوات الحجز كان مو أقل من 6 أشهر وتطلع السيارة من الحجز بطلوع الروح وكله عشان تظليلة
لكن الحين السيارة تتحجز تطلع في نفس اليوم وش فايدة الحجز انا اقولك فايدته انك تحاسب سطحة المرور 150 ريال + قيمة المخالفة شايفين كيف الهرجة كلها مكاسب
الحين لو حجزو السيارة 6 أشهر زي زمان المخالفات بتقل وسطحات المرور ما هتكسب ولا ريال هما تفكيرهم انها تطلع السيارة عشان راعيها يجيب عليها مخالفات احسن من حجزها
بس الله عطانا عقل نفكر فيه اول شئ عسكري المرور لما يحررلك قسيمة مو همه انك تنظبط ولا لأ كل همه انه يديك قسيمة وخلاص يعني همه انك تدفع
أقرب مثال لأغلب عساكر المرور مو كلهم اول شي يشيك علي التضليل ماحصلك مظلل يدور تاريخ الأستمارة لقاه سليم يقولك الرخصة ويقعد يدور الأسطبات اذا لقي كل شي سليم يقولك حزام
للأسف كل المخالفات اللي عليا كلها ربط حزام من سنة 2004 إلي سنة 2015 ما عمري اخذت سرعه ولا ساهر ولا اشارة
لا وغير العساكر اللي يعطيك على تظليل الشركات الحراري ويكون اصلي. طيب يا خوي التظليل 00 مسموح فيه وبرضو بيعطو قسايم عليه وتطالع في الدوريات السرية كلها مضلله كاتم
وأحنا للأسف زي الدلوخ ناكلها ونسكت
أنتا أظبط النظام أول وبعدين أظبط الناس اللي متقيدة في بالنظام
كيف تظبط المتقيدين بالنظام والنظام نفسة خربان
قبل 9 سنه و شهر