ماهي آلية تسديد الدفعة الاخيرة للاجارمنتهي بالتمليك لدى البنوك

السلام عليكم ورحمة الله:
يا اخوان انا قربت اخلص من اقساط سيارة اجار منتهي بالتمليك عن طريق الراجحي
يعني حول خمس شهور تقريباً وباقي الدفعة الاخيرة ؟؟؟

سؤالي هل تتحول الدفعة الاخيرة تلقائيا الى اقساط أو مطلوب امر البنك اكتب عقد تقسيط جديد للدفعة الاخيرة
لان ما عندي امكانية للكاش.
اتمنى افادتنا بتجاربكم في الموضوع....وسلامتكـم

إبلاغ

الردود

اسواء تاجير منتهي باالتمليك الراجحي
والظاهر الدفعه الاخيره مايقسطها
لاني اعرف شخص كلمهم وقااوا بنرفع لك طلب
ويوم نزل الراتنب انخصم كامل وشيك علي الصرافه لقاها سالب
كلمهم وكل يوم بنرفع طلب وخصموا راتبه الثاني كامل وجزاء كلي من راتبه الثالث

النصيحه شف لك جمعيه وسدده وافتك
وخل عندك احتياط لااسواء الخيارات مع الراجحي

abojpl 372
قبل 10 سنه

لو هذا لو كان فيها اماكنية تقسيط الدفعه الاخيره لان تختلف من شركات
لبنوك لاكن ما انصحك فيها ياخذون فيها فايده ترا غير عن قيمة السياره
يكون في علمك يعني ولازم تفحص السياره لو كان فحصك منتهي
وعشان تريح بالك مر البنك قسم التمويل وكذا واسال عشان ترتاح
كلها ربع ساعه عشان تعرف الي لك واللي عليك والله يعينك ان شاء الله

sloo00 606
قبل 10 سنه

الي سمعت انك اذا قسطت الدفعه الاخيره حطيت عقدين باعقد واحد تصير حرام

الله يسهل امرنا وامرك حاول تدبر منا منا وعطهم دفعتهم وارتاح

dr.xl 248
قبل 10 سنه

افضل التاجير عن تجربه
1- الراجحي اقل فائده
2- اليسر افضل تعامل وخيارات كثيره
3- المتحده ( تويوتا) اسرع واسهل اجراءات ولا تسئل عن سمه

+1 لايك للجميع وربي يوفقك ويسهل امورك

الشرقية1 269
قبل 10 سنه

لازم تروح لهم وتجدولها على سنة بيزيد عليك المبلغ حق تامين شامل سنة تقريبا

mxxz 397
قبل 10 سنه

حاول انك تسدد مبلغ اكبر من القسط الشهري اذا تقدر يعني مثلا اذا القسط 2000 سدد 2500 او 3000 وحاول تضغط نفسك الفترة الجاية حتى اذا خلصت الاقساط تلقى انك دافع مبلغ كبير من الدفعة الاخيرة والباقي منها يكون سهل عليك توفيره ، والله يقدرك ان شاء الله على السداد

al_hayek2001 175
قبل 10 سنه

بيض الله وجيهكم وشكرا على التوضيح . ولايك1+ لكل من شارك

متعب2300 572
قبل 9 سنه و 12 شهر