ابي ادرسة لغة E ل 3 أشهر ابي شوركم ونصائحكم لاتحرموني منها

ايرلندا او نيوزلاندا 
وعندك الان الاتجاه على الفلبين والهند 
بالذات الفلبين 
والله يوفقك 

روح بريطانيا مدينه مانشستر صدقني رحت انا شهر وحبيت كل شي فيها وفيها كل شي تبغاه مدينه بسيطه وعمليه وقريب كل شي منك لكن الجو متقلب لكن حلو بسرعه تاخذ جو فيه وفكر في استراليا او نيرزليندا ممكن الصيفيه الجايه انا اروح استراليا

٣٠ الف تمشيك بالدول الاروبية الرخيصة نوعا ما
او استراليا والفلبين
بريطانيا المعيشة فيها غالية جدا و ٣٠ الف قليلة جدا
على بريطانيا طالما ان السكن والتذاكر فيها
بريطانيا راح لها واحد من الشباب الساندوتش 
فيها بثلاثين ريال وقس على ذلك

يارجال في الرخيص وفي الغالي لكن بريطانيا حلوه جدا مانشتر يسمونها عاصمه طالب العالم لانه هناك كل طلاب العالم فيها افضل مدينه دراسه في اوربا

أفضل الدول لدراسة اللغة الانجليزية هي أمريكا وكندا وبريطانيا واستراليا ونيوزلندا

ميزانيتك معقولة للدراسة في نيوزلندا وهي أفضل الخيارات للميزانية المتوسطة

بخصوص الفلبين والهند وماليزيا ضياع فلوس ووقت على الفاضي

يبن الحلال عندنا بالسعوديه تدريس اللغه الانجليزي
ليه تحد عمرك على أمور مالك سنع فيها
بعدين لا تنسى حكم السفر لدول الكفر ، له شروط وأحكام

والله يا غالي اذا تبي نصيحتي خلها ٦ شهور
٣ شهور ما تكفي مره 
وطبعا الموضوع يعتمد على مستواك الان
لكن من وجهة نظري ٦ شهور افضل 
اول شهر بتكون متضايق بسبب الغربة ومستواك ما راح يتحسن مره
الشهر الثاني راح يتعدل وضعك وتبدا تتعود ويكون الوضع تمام
انا بالنسبة لي اشوف كندا رائعة جداً لكن ميزانيتك ما تكفي ٦ شهور 
وما ادري اذا تكفي ٣ او لا 
خويي راح ٦ شهور ب٤٩ الف 
سكن في اوتاوا مع عجوز ومرتاح عالوضع 
يقول انها تتكلم واجد وهو مستفيد من كلامها 
طبعاً كندا ميزتها شعبها جداً محبوب وانا رحت لها .. شعب طيب جداً ومحترمين
ما انسى موقف كنت بكوفي وماد رجلي ومر واحد وطاح .. انا قمت بعتذر له جا هو واعتذر لي انه سبب لي ازعاج

عموماً الانجليزي تتعلمه مع الوقت .. شف بعض الاطباء ما طلع من السعودية بس 
يتكلم انجليزي ممتاز لأنه في بيئة تتكلم انجليزي 

موفق يا رب 

خلك على كندا واحلى شئ عندهم تتعشى في مطعم لحم غزااال

اطلع ماليزيا 90% مسلمين و المعاهد رخيصة مره والمدرسين بريطانيين والجو حلوووو