أرجو الإفادة - شيروكي باب واحد أم باترول باب واحد؟

الشروكي بيطلع الشيب براسك  لا وبعد مستهلك  الحين الجديد يخرب بااي وقت فمالبالك مستهلك البترول بعقدك بكربريتر وصليبات ولا هو كويس  بس حطها في بالك لا تضن السيارات الي ذكرتها نفس رساوه المريسدس ونفس السرعه وقوه لا لنك متعود على مرسيدس ماحد قدك ياعم  الحين بيجيك الجيب وكسرت ضهر اذا مراتب ماهي منجده صح فا اذا بتاخذ خذ جيب بترول افضل  من شروكي ميه مره 

هذي السيارات الآن تشترى كسيارات ثانويه .. يعني لو ما عندك غيرها فلا تنكب نفسك بسياره تقطعك بالسفر 
أو تتعطل عند باب بيتك قبل الدوام .. 

أنا أشوف لو سيارتك ما فيها عطل تخليها معك أبرك 

نيسان والحق دروب العشاق ولاتشيل هم القطع ابد ابد

مشكورين يا إخوان... والله الحق يقال سيارتي والله قمة النظافة ولا هي مغلبيتني في أي حاجة وأسافر عليها باستمرار داخل المملكة وخارجها من غير أي مشاكل وعمرها ما قطعتني وقطعها متوفرة بأسعار معقولة سواء في جدة أو الرياض أو في الأردن، وعمري ما طلبت قطعة وما لقيتها الحمد لله. بس أنا كنت راغب في التغيير فقط لا غير. السبب اللي خلاني أفكر بهذول السيارتين إنه مكاينها 6 سلندر مستقيم (متتالي وليس V6) زي ماكينة سيارتي المرسيدس، وكمان الأيام هاي صعب الواحد يلقى سيارة كفراتها كبيرة وجنوطها صغيرة إلا الجيوب (يشهد الله علي كم عانيت من الجنوط المكسرة بسبب المطبات والحفر في سيارات حديثة غير سيارتي.)

خذ البترول و لا تفكر في غيره قطع متوفره تصليحه بسيط في اي ورشه و قطعه سعرها معقول 

اسال مجرب ولا تسال طبيب والي يفتيك بدون تجربه اسحب عليه وكانك بتسال مجرب شروكي اسالني 

والله موتر مجنون وكل يوم يزيد عشقك له طرب طرب طرب من الدرجه المليون ماكذب عليك واقول مايخرب

اي موتر قديم يخرب مهما كانت صناعته واسمه ومافي ذا الكلام جدال لكن ماهو زي مايتكلمون الناس  وكلامهم عن حرارته 

والله موتر مجنون مجنون مجنون خذه وانت مغمض والله يبيض الوجه وحق بر وثقه 

الباترول قوي لكن اذا كانك بتزوده اما اذا كان شد بلاد والله ماتلقى فيه لا عزم ولا قوه ويسمونه اصلا البطه علشان ثقله 

عليك بالشروكي انا مجرب 5 سنين وماشي معي زي الحلاوه واسبوعيا اضرب به 300 كيلو رايح 300 كيلو جاي ووالله معبرني ومجملني بعد 

وان بغيت قروب شروكي عطني رقمك وادخلك فيه واسال اعظاء مجربين له وبالتوفيق 

عبدالاله الشروكي اكثر سياره اشوفها بصناعيه ولا واقفه وفاتح كبوتها  ودخنته سابقته وماشوفها الى بوقت الشتاء  هذا وقتها الصيف تحصلها بالاستراحات مرميه 

 امريكي  معه شروكي موظف في شركه 2015 الموتر جديد خرب عليه بدائري وقفت عنده وقال طفاء علي وانا امشي هذا وهو جديد 

 وبعدين البترول الي تقول عنه بطه ابحث عن كلمه عابر الربع الخالي وشوف مواترهم كلها جيب نيسان بترول 

شوف اذا عندك ميزانية حدود ٣٠ الف 
دورلك على ربع نيسان مسقط عليه ماكينة لكزس ٤٠٠ 
٨ سلندر وماكينة معروفه بقلة الصرفيه وقوة العزم 
وعمرها طويل ( يسموها ماكينة المليون ) وهي من افضل 
مكاين تايوتا 
واذا حصلت لك واحد  نظيف بدي وديكورات بماكينة بلد
وعضلاته تمام بحدود ١٥ الف بامكانك تركب له ماكينة 
بحدود ٢٠ الف او اقل على حسب اللي بيشتغله 

الميزه عزم وقوة اقوى من الفتك والتايوتا الجيوب  
صوت هادي 
صرفية بنزين اقل بكثير 
تقبل التعديل 
منتشره بكثرة 

أبو أحمد98 انت شكلك فاهم غلط! أدري إنه ماكينة سيارتي M104 وأدري إنها ستة سلندر متتالي وهذا اللي قلته في ردي! أنا ما قلت إنه ماكينة سيارتي V6!

fasool95 مشكور على الفكرة، وفي واحد عارض باترول في موقع حراج على الوصف اللي قلته بالضبط، لكن أنا والله أنا من النوع اللي ما أحب أعدل أبداً وأفضل أي سيارة عندي تكون في لحالتها الأصلية أو أقرب ما يكون قدر الإمكان. حدي أركب جنوط إذا ركبت أصلاً.

سكودر وعبدالاله125 الله يديم الود بينكم ولا تختلفوا بسببي. أنا والله مستخدم يومي ولا لي في البر ولا طلعات البر إلا فيما ندر جداً. يعني حدي أروح كورنيش أبحر وأمشي على الرمل أو أمشي في طريق ترابي إذ اضطريت فقط لا غير. أما بر وطعوس وتخييم والله ما إلي عليها. شيي فقط في الاستخدام اليومي داخل المدينة وعادة أطلع خط أسافر داخل المملكة أو لبلد مجاور فقط لا غير.

غريبه 2015 يطفي بنفسه اول مره اسمعها منك عموما انا معي 93 ومابعد طفا علي الحمدلله 

ولا يهمك أبو أحمد أنا بس أتكلم للتوضيح فقط. مع الأسف ال126 قطعه صارت شبه معدومة حتى في الأردن ما عاد له قطع زي زمان ولا زي ال124. اضف إلى ذلك إنه ال124 عملية أكثر وخراباته أقل و ما تكلف في الصيانة العامة ووزنها أخف.

طالما أنت مو صاحب كشتات او طلعات برية وسفر يومي كما قلت
خليك على موترك يازميلي دامك انت ما تشتكي منه

لا تشتري من حلالك عله انتبه ههههه

الله يسعدك

انا اعشق البترول وهو عملي مقارنة مع الشروكي
لكنه صحراوي رقم 1 .. اللي يشتريه هذا شخص يحب الكشتات ف رأيي لك انه ما يصلح لك
خليك على موترك

جيب للاستخدام الشاق بااااااااااترول.  

الموترين كلها ما تنفع موتر اساسي موتر ثاني للبران والاستخدام الشاق مايخالف لكن بتمسك به خطوط مايجي


اولاً هالسيارات انس ان فيها رساوة 120 حدها ولو هدوا في وجهك فجأة بلشت به تصاليه ، وثانيا كلى عليها الزمن وشرب


انا ما اخفيك جالس ابحث عن شروكي باب واحد 94 وذا الطقة بس انه موتر ثاني ومنيب مشغله الا للطعوس او بكشت او اذا اضطريت موتري مهب معي ممكن لكن اساسي مستحيل ، لو صفق بك في مكان ولا على خط بتبلش به اذا انه موتر ثاني ماهمني لو خرب نطلته عند الباب ومتى ما تيسر لي زينته




لكن اذا انت مصمم ومعزم خذ باترول بس تراه غالي لعلمك خصوصاً الربع لأن العالم طاحوا فيه يعدلون عليه مكاين وطاروا به ، انا مطلع على اسعاره واشوفها 91 يوصل 22 بالراحة وهو مكينة شد بلد لا مرهم ولا شي ولا يجي ابيض سلق هذا يضرب في العلالي



خوينا العام في الشتاء بايعه ومرشوش كامل 91 بس انه نصبه وداخليه نظيف بايعه يا الربع والله ب 32500 شفتوا الهبال



بالتوفيق