حذف الموضوع

ما فيه شيء اسمه ممشى تحت كم

عليك بالنظافه و بس لا تطالع بالعداد ابدا

ترجيع العداد سهل

و حتى لو ما كان مرجع ممكن تحصل شيء ماشي 400 الف انظف من غيرها ماشيه 200 الف

ولد عمي طلع على ايامها 2009 وكالة فل كامل

و بالقصيم ساكن يعني شوارع نظيفه ولا فيه زحمة ولا ضغط على السياره 

و تركبها رايحه فيها السياره وهي ما كملت 150 الف و خبطت

السبب ما يعرف حتى يشيك على الزيت ولا يعرف شيء بالسيارات 

و تسخين ما يعرف يشغل شوي و يمشي سيارة يرثى لها كأنك راكب تاكسي

و تحصل شيء ماشي كثير و نظيف يعني العداد ماله دخل بالنظافه

انصحك بالامريكي وخاصه فئه V6 نصيحه اخ مجرب والله موتر طيب واستخدام طيب 
لكن دور النظيف وشيك على تقرير الكارفكس ويمدحون معارض الشفاء الا انا مالي خبره في معارض الرياض لكن لي اقارب في الرياض يمدحون 
هذه المعارض ولا تستعجل با اختيار السياره صحيح اليوم السوق حق السيارات والله يكتب لك مافيه الخير ومبروك مقدما

طيب يا اخوان كيف اعرف الموتر المرشوش او المصبوغ عن الوكالة

اذا حتى الرش ما تعرف تميزة الافضل خذ معك احد يفهم بالسيارات لا تتورط

التركي 1403^ ممشى السيارة من الاشياء الي ينظر لها عند شراء السيارة
لكن العداد مو كل شي شيك على البودي والمكينة والقير وافحصها
ممشى السيارة الكثير مو عيب بالسيارة كما يعتقد الغالبية لكنه مقياس
لمدى استخدام السيارة باختصار ممشى نظافة السيارة ترجع لصاحبها او مالكها الاول
حتى لو ماشية كثر تلقاه محافظ عليها ويصلحها اول باول

ممشى^ كلمة جات بالغلط

حياك الامريكي اذا بتاخذ غير 6 سلندر لاتاخذ وقطعها نفس الاوريون
وبامكانك تدخل على مواضيعي بالضغط على اسمي وبتحصل
مواضيع كثيرة عن الامريكي 
بالنسبة للرش قبل كل شي تاخذ رقم الهيكل وتطلع تقرير امريكي
ب30 ريال اوتوشيك +الكارفكس 
اذا طلع تقريرها نضيف وما فية مشاكل
ودها لمركز الفحص وانتبة تحصلها مع شريطي ويقولك بوديك لفحص اعرفه
يعني يقولك يسار روح يمين 
قولة مشكور انا اعرف محل تمام 
واضن الكامري الامريكي رخيصه في الرياض
واذا ماحصلت شي نضيف دورلك اوريون 2009
طبعا من مميزات الكامري الامريكي الفل كامل XLE
تسخين مراتب فتحه تحكم كامل من الطارة المكيف والمسجل والطبلون
حساسات جنوط كشافات ضباب 
مراية امامية ذات تعتيم +بوصلة
مراتب جلد
مراتب السائق والمعاون كهرب
بصمه ودخول ذكي 
شكمانين 
وبعضها تجي شاشة شد بلد 
ومكيف خلفي وستارة خلفية 
و7 ايرباق 
وكثير من المواصفات 

والله ودي بالاوريون لكن حدي 23 الف ..

الله يعطيكم العافية لكن مازال هنالك سؤال محيرني الى الان

مين الافضل كامري امريكي ولا خليجي والله يجزاكم خير

مايبيلها الافضل امريكي من 2007 وفوق 
لاكن من الحين اقولك 23 مابتحصل امريكي نضيف 
الامريكي النضيف مابيبيعه صاحبة اقل من 30 2007
2011 جمرك صالة وصلت اسعارها في جدة 65 الف فل كامل
حنى سعودي نضيف اتوقع مابتحصل ب23 
الله يوفقك اخوي

بالعكس يشوف عداد السياره ويقارن العداد بنظافه السياره يعني يشوف سياره عدادها 150 الف ويشوف بدي السياره وعضلات السياره متماسكه ومافيها اصوات والمراتب نظيفه تقريبا والداخليه تنظيفه
وكل شي متماسك وتنظار البطانات الي تغطي تحت السياره هل كلبساتها كلها موجوده ومافيها واحد ناقص يعني انها ماقد انفكت وتصلحت وشد بلد وكذالك الديكور الي في الشنطه اذا شفته شكله مو راكب زين او طالع من مكانه شوي فممكن انها تعرضت لحادث من الخلف
واهم شي في الكامري في هذا الموديل المكينه انها ماتنقص
وناظربدي السياره من ورى خلك ورى الاصطب الخلفي اليمين او اليسار ثم ابعد مسافه اربع خطوات وناظر بدي البابين فيها تعوجات خفيفه اذا فيها يعني قد تسمكرت

يعطيكم العافية

سؤالي الاخير هو لازم افحص الموتر قبل اشتريه؟

^^اي افحصص ولا تفكر تشتري من دون فحص لو يحلفلك صااحبه ايمااااان لاتشترري من دون فحص نصيحه وبالتوفيييق

الله يعينك اذافجده بتحصلها أغلبها سيارات اجار وشريطيه كلهم أجانب هناك

اول شي افحصها بنفسك
اذا مره مره زانت لك
ودها للفحص وافحص بعد
والمهم تأكد من المحركات تبديلات القير الشكمان يدخن 
او ارفع عيار الزيت وهي شغاله وشوف اذا يطلع معه دخان
حاول إذا طلعت تفحصها تجي مع طريق مكسر شوي وقفل القزاز وركز سمعك مع عضلات السياره اذا فيها اصوات او لا

وبالتوفيق

كيف الممشى غير مهم؟؟
السياره يلي ماشيه 400 الف 
مثل السياره يلي ماشيه 200 الف؟
حتى لو راعيها يستخدم حشمه لها عمر افتراضي
يعني توقع بأي لحظه بيفرط عليك الجير او تخبط المكينه
وحتى كل شي بالسياره مستهلك 
من المحركات إلى الجنوط

انصحك تجرب السته سلندر صدقني بتعجبك

اخوي انصحك تأخذ جديد حتي لو صيني اضمن واريح شوف جيلي