أضف سؤال أو موضوع جديد          

اش رايكم ؟

up 10 down 2
abdullh19 47
قبل 5 سنه و 6 شهر



اليوم ي شباب وانا طالع من الجامعة حصلت الموتر معدوم من ورى والشنطه داخله جو والاصطب مكسور سيارتي 2016 ماخذت معي شهرين تلفت يمين يسار ماحصلت أحد وكأن اللي صادمني متعمد الصدمه قويه واحنا بمواقف يعني شي غريب المهم اتصلت على نجم وطول ماجا ومشيت لأن اهلي ينتظرون بالمدارس فسحبت انا انغبنت والله السيارة توها جديده مامشت سته آلاف يمكن وعليها تأمين شامل دافع عليه مبلغ شوي والله  ابي رايكم كيف طريقة الإصلاح هل فيه قروشة كالعادة تقدير ورش ولا اروح للوكالة سيده بدون أخذ تقديرات وهل الإصلاح وكالة ولا وورقة الإصلاح كيف إجراءاتها   !! 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شف اذا فيه سيكورتي كام في المنطقة  اللي انصدمت فيها سيارتك يمديك تجيب راسه 


وماتشوف شر...


up 8 down 0
_pilot 107
قبل 5 سنه و 6 شهر



بكره دق على نجم اي وقت اي مكان
على انه دوبه


up 3 down 0
snoon 335
قبل 5 سنه و 6 شهر



حسبنا الله عليه, اول شي الحمد لله على سلامتك اخوي 

ثاني شي والله ما ادري وش اقول لك انت تروح و تشوف التأمين وقل لهم.  هذا لو عنده ذرة اخلاق كان يعتذر لك يعني يحط لك قصاصة

ورق أو كرت عليه اسمه و رقم جواله علشان تتفاهم معاه و تشوف التصليح.  للأسف بلادنا مليانة ناس عديمين ذوق و اخلاق.

حسبنا الله و نعم الوكيل وان شاء الله بشوف الألعن في سيارته


up 8 down 0
بدر الباثفايندري 1122
قبل 5 سنه و 6 شهر



الله يعوضك خير 


up 2 down 0
ziad_1409 22
قبل 5 سنه و 6 شهر



حتى أخوي اليوم خرج من الجامعة وسيارته بالمواقف والله راح شافها والصدام مكسور أستغفرب وأنقهر يقول مين سوا كذا كإنها مقصودهه.


up 4 down 1
حنو الشهري 3
قبل 5 سنه و 6 شهر



يمكن فيه احد متبليك الله يعينك  الله حسيبه  اهم شي بلغ نجم دام السياره مامنه  انا بعد اخوي الصغير حصل موتره محكوك واتصل علي  وقلت جب السياره يوم جابها محكومه وصدام طايح وصلحتها له والله حسيبهم ناس حاقده او غشيمه مادري لو يحطون كامرات اصرف 


up 2 down 0
سكودر 14928
قبل 5 سنه و 6 شهر



ياغالي ، تامينك الشامل هو راح يصلح سيارتك ، .. 

وقف سيارتك بنفس التوقيفه الي كانت فيه فالمواقف ، 
و اتصل ع نجم ، و انتظره ماراح يطول ، .. 
واذا جاك 
قوله السياره انصدمت ونا مادري عنها 
و عندي تامين شامل في الشركة الفلانية ، .. 
في الحاله هذي يعطيك تقرير كامل
و تخلص امورك من عند تامينك ياغالي ، .. 

خذ حقك نصيحة لا تتكاسل ، نصيحة ، 
انت دافع مبلغ و قدره ، لا تروح تصلح السياره ع حسابك و تريح التامين ، .. 
و بالتوفيق لك ياغالي ، .. 

واذا انك بجدة تواصل معي عالخاص ياغالي
بخدمك بعيوني يشهدالله ، .. 



up 9 down 0
nawaf-2014 -4
قبل 5 سنه و 6 شهر



صارت معي قبل فترة شق الصدام وحتى اعتذار مافيه حسبي الله عليه جعله يشوفها في صحته 


up 0 down 2
t2zt2z 585
قبل 5 سنه و 6 شهر



نفس الشي كنت موقف سيارتي في موقف محتررررم الا واشوف الصدام محكووووك الله يصيبهم 
وبرضو اخويا شالو الحروف حق اسم السياره وصار شكلها بايخ 



up 0 down 2
loody_23 363
قبل 5 سنه و 6 شهر



الجامعة يبيلها ددسن ٨٥ اذا فيه خير يصدمك 


up 2 down 1
benz lover -75
قبل 5 سنه و 6 شهر



ارجع لنفس مكانك

واتصل على نجم 

واذا قالو الطرف الثاني فيه قول مجهول

والله يعينك انتظر بالكثير ساعه لين يجيك

وتاخذ الاوراق منه

وتروح شركة التأمين اللي انت مأمن عندهم شامل

راح يخلونك تدفع نسبة تحمل بالكثير 800 ريال اعتقد او على حسب العقد اللي انت موقع معهم

انا صار لي نفس وضعك راح علي نور امامي لان واحد حك النور وكسره

رحت الوكاله لاني مطلعها اجار تمليك قالو الحادث ضد مجهول راح تدفع نسبة تحمل 800 ريال

وهي اصلا قيمة النور 800 ريال 

قلت مع السلامه

رحت الصواريخ واخذت نور مستعمل نظيييف مثل الجديد واصصصلي ب 140 ريال وركبته 

ويازين اللي سيارته باسمه ومشتريها كاش

 اذا جته حكة والطرف الاخر عنده تامين

يروح يقدر ويضبط اموره والحكه بالكثير 100 ريال رش بويه وخلاص

لكن اذا راح وقدرها قطع وكالة يعوضوه بقيمة الوكالة 

ويصلح ب 100 والباقي بجيبه




up 0 down 0
coco13 894
قبل 5 سنه و 6 شهر



ادري خرجت ع الموضوع شوي لكن للفائدة للكل


up 0 down 0
coco13 894
قبل 5 سنه و 6 شهر



جزاكم الله خير ي شباب والشر مايجيكم جميع ماقصرتوا 


nawaf-2014  

الله يسعدك اخوي واعتبر نفسك خدمتني انا بالرياض حالياً لكن الحمدالله أخذت التقرير من نجم وابي اخلص باقي الإجراءات 


بدر الباثفايندري 

تسلم اخوي والله شيء يغبن لكن الحمدالله على كل حال المشكلة المواقف مافيها زحمه ولاشيء علشان اقول ممكن مضيق عليه المواقف بحر وانا موقف صح الصدمه غريبه واكيد واحد متعمد يعني مافي اي سبب لصدمه ممكن اتصوره لكن ماتدري ايش تسوي انا الحمدالله عندي تأمين شامل  وحتى لو صدمني اي واحد والله بسامحه لأن مابي لأحد الخسارة لكن شتقول !!  



up 2 down 0
abdullh19 47
قبل 5 سنه و 6 شهر



اذا تدفع نسبة تحمل قارنها مع الورش وشوف الارخص وسويه


up 0 down 0
mfh2009 365
قبل 5 سنه و 6 شهر