استفسار ياخوان واحد حكني وهرب

بلغ عليه المرور وحيجيبوه وحتاخذ حقك وزياده

اذا الصدمة بتكلف ومعك تامين بلغ نجم واعطيه رقم اللوحه وراح يسجل صدم وهروب... وانت تمشي بالإجراءات الى توصل المرور بعدها يدقون عليه يحضر للقسم ويدفع ماعليه من مبلغ واذا رفض يعطونه بلوك وايقاف خدمات وراح يجي غصب... بس تاخذ وقت علشان كذا اذا الصدمه تسوى بلغ والمسامح كريم ولعل عنده ظرف ومن ترك شيئا لله عوضه الله بأحسن منه .

 طلعت البوية من الصدام ... انا قرهني انه ما اعتذر مافكر ولا كاني شي قدامه  

لو اعتذر كلها زيت فرامل وانتهينا 

وعليكم السلام ..

الله يعوضك يا اخوي .. ونصيحة ارفع عليه بلاغ ولا تتنازل !! الدنيا فوضى ولا كيف ؟! انا ما قهرني الا يوم قال صادق :@

والله منجد قهر لكن انت بلغ المرور وخليه على استهتاره بتمرمط وعادي روح قدر السيارة وهو يدفع مبلغ التقدير
عشان استهتاره بس ولاعلى قولتك لو اعتذر الحكة ماتسوى

هذا قدامك جحدك اجل لو سياره واقفه صدمها حتى لو صدمه قوية ما فيه امل يفكر حتى يحط رقمه

او يعترف بغلطه

روح المرور و عطهم رقم لوحته و يجيبونه ما عليك

اخوي لا تتنازل عن حقك هذي النوعية من الناس لازم تتأدب عشان يترك عنه الهياط

المشكله هي كيف تثبت بانه صدمك وهرب ؟
سيارتك اللي فيها حكه وربما يتحول الموضوع لدعوى كيديه 

اتركه والله بيحاسبه

بلغ عليه في المرور واذا ما جاء يسون معاه إيقاف خدمات لمدة ٦ شهور اذا ما جاء يسون عليه بلاغ قبض ويدفع لك غصب عن خشمه
أنت بلغ عليه وقلهم بأصلح السياره
وهم بيقولون قدر الصدمه عند شيخ المعارض وعادي صلحها
وذا الشكليات ما ينفع معها الا كذا
زي مره صدمني واحد المهم الخطأ عليه ١٠٠٪‏
لانه كان عاكس الخط وصدمني
المهم الرجال مشى وقت الحادث
سويت عليه بلاغ المهم الرجال يقول والله ما ادفع لك ولا ريال
المهم قدرت الموتر وصلحته وقعدت ارجع في المعامله
لمدة تقريباً ٣ سنوات بعدها أخذ فلوسي كامله
٩٠٠٠ ألف ريال شيك مصدق
الدعوه ترى ماهي فوضى ..

أخي أبو ناصر 
ثلاث سنوات كثيرة !!
ماشاء الله عليك صبور 

اطلب حقك بالنظام ولا تتنازل

خله يتأدب

أخوي سامي
يقولون ما ضاع حق وراه مطالب
بعدين خبرك المراجعات عندنا يبغى لها نفس طويل

والله لو سامحته انك غلطان خليهم يجيبونه وقول بصلح وكاله 

شوف ياخوي

انا صار لي مثلك
صدمني وهرب

صورت لوحته وبلغت عليه

جتني سيارة المرور ورسم لي الكروكي وكل شي

ورحت القسم وحولوني البحث بنفس الادارة

وطلعو بياناته كامله
اتصلو عليه تجي والا نوقف خدماتك فورا

وجاء اليوم الثاني بعد ماسويت التقدير

ودفع ٣٣٥٠ ريال على ريال واخذت ورقة اصلاح ومشيت

وسوى نفسه مسكين وزي كذا 

لكن ماعطيته وجه 

روح بلغ ياخوي واليوم الثاني يتصلو عليه ويجيبوه لاتخاف

لاتنسى يارعي الموضوع تبلغنا وش صار معك

يا حبيبي ذا بلغ عليه يستاهل لو ان اعتذر كان عادي لكن انو يستهتر كذا 
والله بعض الناس اعوذ بالله يبغالها ضرب ههههههههههه 
لا تسكت وبلغ عليه