أضف سؤال أو موضوع جديد          

أخذ مستعمل احسن لك

up 13 down 3



السلام عليكم يااخوان ..
 يااخوان في موضوع مقرقع في صدري وغابني في نفس الوقت . اللي هو موضوع الصيانة اشوفها كثرت الأسئله عليها واللي يقول اخذ جدول الصيانه وغير في محلات معتمده !! طيب سؤال ليش تأخذ جديد ؟ كان اخذت مستعمل وكل فترة حط في مبلغ ! لا صدق والله اشري سيارة اصفار واستخدامي شخصياً وكل شهر ولا شهرين ادفع فيها اقل شي ٣٠٠ ريال من غير الزيت والبنزين !! انا اشوف الوكاله تجي في العشرة الأولى فقط عشان اذا كان فيه عيب مصنعي . وزيت القير يتغير عندهم .. اما مسألت اني كل شهر وانا عندهم يغيرون لك قطع جديد يقال انها استهلكت كلام فاضي اقسم بالله ... بعض الشركات اللي استخدامها لسيارات استخدام شاق تمشي ولاعندها اي مشاكل فما بالك باللي استخدامه شخصياً وكل شوي في الوكالة !!!







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الجديد يكون استخدامك بيدك اما القديم لا   ماتدري مين استخدمها و ايش سوى بها   زي كدا الجديد احسن حتى لو تدفع زيادة شويتين


up 2 down 7
fowad 123
قبل 6 سنه



^^ مافهمت وش اقصد انا 


up 3 down 0



بصراحه كلامك عين العقل انا ماخذ جديد عشان اوفر مصاريف صيانة المستعمل مو اقعد ادفع للوكالة كل 5000 كيلو مبلغ وقدره ولوحسبتها شف كم تطلع خلال 100 الف 


up 4 down 1
t2zt2z 585
قبل 6 سنه



بالفعل جديد و كل 10 الاف ياخذون منك مبلغ 
عشان سيارة جديدة وش بيخرب فيها
اول 10 او 20 الف كيلو و تغيير زيت القير فقط
غير زيت المكينة عند اي مركز
اوهو ستار ب30 يغيرون لك
خذ فاتورة منهم بالتغيير و الزيت بفاتورة مبين فيها لزوجته
و ايضا" خذ كمية من فلاتر زيت المكينة من الوكالة بفاتورة
و احتفظ فيها لا سمح الله صار شي بالمكينة لو بعد سنين
الا عندك اللي تحاجهم فيه


up 0 down 0



بعض الناس تفكر السياره مثل الزواج

اللي بيتزوج خذ بكر شرط على يدك وأسال عنها و عن اهلها لا تتورط هههههههههههه

اما السيارات حديد وين المشكله حتى لو ابي نوع معين من السيارات اخذ 2015 ماشي 10 الاف

و طايح من سعرة قيمة حلوه افضل من الجديد


up 2 down 1
التركي 1403 17
قبل 6 سنه



في فرق كبير بين الزواج و شراء سيرا يابو خليل


up 2 down 2
fowad 123
قبل 6 سنه



ولو يحسبها تحصله يدفع ب الصيانه ب الجديد اكثر من سيارته القديمه مثلا  
وكل  شوي عند الوكاله ينتظر يجي دوره و ينتظر تخلص السياره اقل شي ساعتين يحتاج
واذا سالته يقول القديم خرابات  وتصير صديق الورش 


up 1 down 1
mission 849
قبل 6 سنه



بس الجديد تمشي وانت متطمن السياره بتوصلك 
مو زي المستعمل ممكن باي وقت تخرب عليك واحيانا تكون مستعجل او بمكان بعيد او تحت الشمس


up 1 down 0
dark monster 6
قبل 6 سنه



سبق وكتبت في هذا الموضوع وهو بختصار
الوكالة تبيعك سيارة كاش وتاخذ منك ثمن سيارة ثانيه اقساط عن طريقة الصيانه
بعد ما شريت كيا 2015 اصفار واذا بهم كل 0500 كم صيانه اول صيانه غيار زيت فقط
مع سيفون 205 ريال وخارج الوكاله 80 ريال شوف الفرق وحكم ويا ليتها تنتهي هنا الي بعدها
300 ريال وعليها والي بعدها فوق 700 ريال المهم خلال 15 الف كم تكون دافع قريب 1500 ريال
طنشت الوكاله والحمد لله ما حتجت شي ابدا اغير خارج الوكاله

السوال هل الوكالات يالدول الاخرى نفس طريقه الوكالات عندنا واذا كان الجواب لا
ايش سر قوة الوكالات عندنا وخاصه باسعاار السيارات



up 0 down 0
غريب 111 455
قبل 6 سنه



شوف اذا طلعت جديد افضل لان تعرف انه استخدامك اما راعيها الاول او الثاني العلم عندالله ايش شال ايش ركب 
بخصوص الصيانه عند الوكاله ممكن تروح مره او مرتين بالكثير ثلاث مرات بس علشان تثبت الضمان وبعدين مع السلامه 


up 2 down 0
ابوياسر20144 58
قبل 6 سنه



كلامك منطقي وياما حكينا في هالموضوع لين تعبنا


بعض الناس مع احترامي فيه دباشه الحين شاري سيارة وقصدها مايقل عن 1500 ريال ان قلت وكل شهر جالس يدفع حلوين


عقبها بكم شهر جامع له الف وشوي لوقت العازه بدخل موتري الصيانة طخ رايحه 1000 وشوي وش سويت والله يقولون تغيير قطع وتنظيف وخربطة زايده


خلوا عنا الحكي والله يا الوكالات ما يدرون عن كوعهم من بوعهم وبنزل موضوع عن التاهو حق مدير عندنا وتعرفون نصب الوكالات وهالصيانات الفاضية كيف انتظروه


ياحبيبي اخوي معه لكزس 2013 يوم راح يسوي صيانة 30 الف كم دفعوه 3000 ريال وسألهم وش غيرتوا وش سويتوا نظفنا لك مدري وشوا وشيكنا لك مدري وشوا على مين تلعبها انت وياه


يخوي موتري 2009 وجلدته جلد الويل مشيته انا بس حدود 80 في سنة و10 شهور والله مابعد دفعت فيه هالمبلغ ، ولله الحمد ولا قد طب ورشة ماشاء الله تبارك الله من خراب او تعطل انا بنفسي اشيك حرص بعد 8 شهور كذا فيه مساعد اغيره ولا يكلفني شي مير اخوي دايم ياخذها لادخل موتره الصيانة وش التمصيع ذا


بعضهم ماخذ الدعوة نفسية اني مرتاح اسوي معهم صيانة لو خرب الموتر بيصلحونه على حسهم لا ياحبيبي بتنقها وانت ما تشوف الدرب واذا هو عيب مصنعي يتحملونه غصب عليهم ، لا تعتقد ان اهتمامك في صيانة الوكالة بيخلي الموتر يعمر معك ويمشي ممشى مهول بدون اعطال لاياحبيبي هذا على استخدامك ترى الوكالة مادروا عنك انت وموترك يجيهم في اليوم 200 موتر يغيرون زيت وكانه بعد نظف فلتر ونطلها لين تجي تاخذها



up 2 down 1
a.ibrahem 3169
قبل 6 سنه



وبالنسبة للاشخاص اللي يقول المستعمل مهب مضمون ولا تدري عن استخدام اللي قبلك


انا اقولك ليش مهب مضمون لأنك تشتري على عماها وتدور السيارات الغثيثة


مع احترامي التام لملاك الكابرس 2005 و 2004 يجيني واحد مجمع 25 الف سلام عليكم ودي اشتري لي كابرس 2005 ltz ماشي 275 وراعيه يقول يبيله طرمبة ومدري وشوا وشراها ويجلس ينق فيه كل شهر ويغثه ثمن ينطله ويروح يطلع سوناتا ويقول يازين الجديد


البلا مهب في المستعمل البلا في اختيارك انت تدور شي قديم مررة ومستهلك ومعروف ان تعطله اسرع من غيره ، وفوق كذا يشترون على عماها ليتهم يفحصون فحص صاحي ويجرب ويعرف كل شي


اذا انت غشيم في السيارات مافيها شي ارفع التلفون ابو فلان خاوني بروح اشوف ذا الموتر وتشاروا ورأيين احسن من راي ، اما انك تبزع برايك يعني يقال لك ما تبي تتفشل اني ما اعرف في السيارات ولين تخبعت سبيت المستعمل



انا شاري مستعمل وموترين وكلها ماشيه واجد السوناتا عام 2010 ماشيه 220 الف امريكية وكديتها لين 310 وانت مستعد احسب لك كم مررة دخلتها الورشة ولا قد تعطلت معي ابد كلها اغير اشياء انا من راسي اسمع صوت مساعد اغيره حسيت اني ابطيت على البواجي اغيره وتقعد ب 10 شهور ماتطب ورشة وجلد لدرجة اني قبل ما ابيعها جلسة سنة وشهرين مافيه الا العافية ولا غيرت فيها شي

تكلموا بالمنطق يا الربع البلا مهب في المستعمل كل الناس تشتري مستعمل ، البلا في احد الشغلتين يا انك ما تعرف تختار او انك تاخذ درادع


تحياتي لكم


up 3 down 3
a.ibrahem 3169
قبل 6 سنه



ابراهيم^^زي مايقولون الي انلسع من الحية يخاف من الحبل
الي تبهدل مع سيارة تلاقيه خلاص مايبي الا جديد وماينلام والله
لان المستعمل يبغاله صبر وبحث لازم تفضي نفسك كل فترة تنزل الحراج
تشوف كيف السوق ذا غير محلات الفحص الي يتعاملو مع الشريطية وفي اكثر
من واحد بالمنتدى يشتكون من محلات فحص ماطلعو العيب هو اكتشفه
ومهما كان الجديد افضل من المستعمل الا ذا كان المستعمل شبه جديد يعني
2014 ماشي 40 الف وكذا .



up 1 down 1
أبووووعلي 609
قبل 6 سنه



طيب يا ابوعلي ياما فيه ناس فاكين جديد على يدهم وظهرت معهم عيوب مصنعية وبعضهم تحملها عشان مهوب منتظم في الصيانة


اللي خبطت مكاينهم ومواترهم جديدة تحملوا نص القيمة والشركة نص يعني توضيبها ب 12 تدفع 6


يخوي مدير عندنا معه تاهو 2013 طلعت معه لمبة المكينة وداه للصيانة وعلمهم عنها وقالوا له خلاص ومدري كم خذوا عليه لأنه مغير فحمات وخارط هوبات



بعدها بيوم رجعت اللمبة ووداه لهم مررة ثانية وقالوا يبيلك حساس المدري وشوا وانا عارف انهم بينظفون حساس الشكمان بس واخرتها قالوا له 3100 يارجال عدل بدل قالو والله يبيلها حساس وماصورة مدري وشي خربطة زايده




ودفع وصلحوه وجلس اسبوعين يلاحقهم لين طلع وبعد ما طلعه بخمس ايام رجعت اللمبة مرة ثانية


وراح قالوا لي يهرب ب 400 ريال بالله مهب شي يقهر


حط نفسك مكانه انا استلم راتب عشان اصرف على ذا الحرامية



ياحبيبي لو احسب انا وياك الحين كم صرف على موتري والله ما تعديته واقل منه ول اعرف الورش ياربي لك الحمد


وبعدين انا قلت لك تقدر تدور موتر سهل تحصل منه نظيف لكن اللي يروح يتدحوس لي في الكوابرس قدام كرايسلر وتشارجر منهبل 2007 ويقول والله بهذلني هذا شي راجع له اللي يبي الدح مايقول اح


وبعدين الوكالة قلق في قلق لازم اوديها صبح ويقفلون العصر ومواعيد وزحمات ليش طيب ، فيه ناس تداوم وصعب طلوعها كل يوم تطارد ورا الوكالة ليش ما يكون فيه تسهيل ان الصيانة او مثلن الورشة الخاصة بالوكالة تبقى الى قبل صلاة العشاء اللي بيستلم واللي بيشيك الخ ....



اما كذا جعلني ما شريت جديد ويزرفون بعد


up 1 down 0
a.ibrahem 3169
قبل 6 سنه



كلامك عين العقل 

الصدق كنت اشتري مستعمل وامنيتي اخذ جديد عشان افتك من الصناعيه 

والحمد لله شريت سيارتين جديده ومافد شافو وجهه الي في 5000 المجانيه 

وجيهم بعدين علي 80 الف اغير زيت القير 

والاشيا الاستهلاكيه انا اشيك عليها بنفسي لو يبغالها تغيير ولا اخليها شوي قدام 


up 1 down 0
xwnwx -7
قبل 6 سنه



من ناحيه السيارات المستخدمه الي مو مكنيكي ولا قد لطخ يدينه في الزيوت وتسدح تحت الموتر انصحه لا يشتري الي من واحد ثقه وموديل السياره ما ينزل عن موديل السنه ب 5 سنوات والممشاء يكون معقول 


up 1 down 0
xwnwx -7
قبل 6 سنه