هل تعتقدون ان اصحاب الاعلانات بالموقع جادين في عرض سياراتهم؟

اغلبهم ناس غير جاده في البيع باسعار فلكيه جدا عند كامري 2007
يبي يبيعه ب 40 هذا سعر 2011 نظيف يبي يضحك على الضعاف و قليل 
المعرفه بالاسعار الافضل انك تشتري من معارض اسعارهم معقوله وفيه جديه بالبيع 

اغلبهم سواء البائعين او المشترين غير جادين والبعض يطقطق فقط ويخرب بين الاثنين

كتبت في ذلك الكثير .. لكن للأسف ما زالت إدارة الموقع نائمة في العسل .. وأصبح هذا الموقع مضيعة للوقت بسبب عدم الجدية من الطرفين وخصوصا البائعين الجشعين الذين طمعوا إلى حد لن يستطيعوا فيه الشبع ولا القناعة 

اغلبهم بشوف كم تجيب له التاس تسوم اول ساعة يوصل ٢٠ بعد نص ساعة السوم وصل ع الخاص ٣٠ سلاماااااااااات ليه ذهب وانا مدري كذابين اغلبهم

أول شيء لا يمكن أننا نحكم على كل اللي يعلونون غير جادين
يعني تقدر تقول :
٥٠٪‏ جادين
٢٥٪‏ نص ونص يعني أن جابت سعر يناسبه ولا ماهو بايع
٢٥٪‏ غير جادين بس يبغى يشغل خلق الله

هذا اللي أشوفه صاير في الموقع .. 

اغلبهم يبي يشوف كم تجيب سيارته

اللي محتاج بيعها يروح للسوق مباشرة

أنا اشوف ان جدية المشتري أهم من جدية صاحب الاعلان
١- جديه صاحب الاعلان :
لو مثلا صاحب سياره عرض سيارته وهو غير جاد .. ويبي يعرف
سومتها او قيمتها وقابل مشترين جادين وسوماتهم لاهي فوق ولا
تحت وساموها بقيمتها بالسوق ( سواء باع او رفض ) بيرضى بالواقع
وبسعر السوق لسيارته
وبيبيع هنا او بالمعارض بنفس الي لقاه .. ( وهاذي ايجابيه للجميع )
وصاحب الاعلان سواء باع هنا او برى يعني لا بيخسر هنا ولا بيربح
هناك مابياخذ الا رزقه وقيمه سيارته  والمشترين الجادين ..جاهزين
ان باع فسعر مناسب وان رفض فيكون جميع الاعلانات المشابهه حول 
الاسعار ونفتك من ( روح شوف الاعلان الفلاني نفس سيارتي وقيمتها اعلى )
٢- جديه المشتري :
تعرض سلعة ويجونك ناس ملاقيف وفاضين وماعندهم اي جديه بالشراء
.. ويطيرونها بالعجه وفوق سعرها بواجد
يخربون على البايع الجاد والشاري الجاد .. 
واحيانا البايع يتهوم انه سعرها كذا
ومايبيع وبعضهم لما تكون متابع للحراج تلقاه اليوم عارضها للسوم
وفتره تلقاه حاط ( الحد كذا وكذا ) والحد فلكككي بسبه هالغير جادين
وخربوا على غيرهم ( وهاذي سلبيه للجميع )
يعني المشتري ماقدر يشتري وضاع وقته والبايع ضاعت عليه
بيعات كثيره لناس صاملين بسبتهم..
 واذا طاروا الجادين
ومحد شرى يجلس شهور يحدث اعلانه المسكين او ينزل للسوق 
وينصدم بسعر جاه اكثر منه بالموقع
 بس رفض ب سبه هالمخربين الغير جادين ..
.
.
(( المشكله من المخربيييين )) هي السائده 

تاريخ العضويه
الردود
عدد التقييمات
السعر

جميعها توضح مدى الجديه لدى البائع او المشتري

اللي مايرد علي استفسارات الاعضاء 80% تلاقيه مو جاد فالبيع عكس اللي يرد ويتابع اعلانه اول باول

اغلب الاعلانات 
يقولك اذا جاب القيمه هذي بعت 
ويطلب قيمه خياليه 
والبعض الجاد 
يحصل ناس تبخس الاسعار بشكل خيالي 

عن تجربة عرضت سيارتي ثلاث مرات بأسعار مختلفة ومغرية وتم التواصل مع العديد ممن يرغب بالشراء وللأسف لم تكن لديهم الجدية 
المشكلة من الطرفين من البائع والمشتري ...

تجربتي في البيع كانت سهله خلال يوم واحد بعت سيارتي وبالسعر الي ابغاه في حراج .

الموقع   فيه سومات خيالية وسومات  بخس  السلع   و تخريبية   للبائعين  وللمشترين    وفيه  ناس  كثير  غير جاده  
 
شروط الاعلان الصحيح     لازم عبارة  السوم  او البيع   عند معاينة السيارة و بعد الفحص او السعر النهائي    وهنا  يلي  جاد في الشراء  يطق مشوار  لعند البائع  

عني انا شخصيا
قوه الابداع في عرض الاعلان والتفاصيل المملة وكثرة الصور
والصصصصصصدق الصدق ثم الصدق ثم الصدق  
تجيب لك الزبون بالسعر اللي تبغاه

فيه زبون بيدفع زياده 5000 عن السوق بس يبغاك تكون صادق
انا عن نفسي اذا قدني ابيع اوضح كل شي ولا اكتم شي ابدا 
اشياء ما تطلع في الفحص اقولها له  ابراء للذمه ۔ ۔ لانها بتصير سيارته الخاصه ليه اكذب عليه


بالله ارفعوا نقاطي بلايكات عشان انزل موضوع

بالنسبة للشخص اللي يعرض سيارته وهو غير جاد في البيع ونيته تسعير سيارته
فبإمكانه عرض سيارته بالمنتدى والشباب ما يقصرون 
اما اللي يرفع سعر سيارته فهذا موضوع اخر ومحد بيشتري بسعره غالباً 

الموضوع الاخر هو جديّة المشتري !! يعني تحصل ناس يقولك انا صامل واسوم بالمبلغ الفلاني
ويحط رقم جواله وهو اصلا لو تنفضه ما عنده ٢٠ ريال 
وغيرهم تحصل ناس يتسلّى .. يتصل ويقول كم حدك وتقول له ٥٠ الف مثلاً.. يقول طيب بشوف السيارة
يجي ويشوفها ويغثك ويجربها على مطبات ويضيع وقتك ويقولك خلاص بستخير وارد لك الليله
ويسحب عليك بعد ما اعدم موترك
مع الاسف انا كرهت الحراج بسبب هالناس..! من حقك تفحصها بالوكالة لو تبي لكن مو من حقك تضيع وقتي على الفاضي
وانت اصلاً ما عندك نية تشتري بس تتسلى وتضيع وقت.. وهذي حصلت كثير والمشكلة يحلف بالله انه صامل ومستعجل 
واذا ركب معك وجرب قال شكلي بشتري من الوكالة!! طيب اشتر من الوكالة محد ماسكك بس لا تشغل المسلمين ! 

أبو عمر 

كثير منهم ينزلوا الإعلانات طقطقة

تلاقي الإعلان من 6 أشهر وتسأله السيارة موجودة يقول نعم موجودة طيب ليش ما باع؟ هذا يطقطق على الناس ويستخدم السيارة وإذا لقى واحد غشيم غشه في البيعة

ولا ننسى المعززين تلاقي المعلن يا اما يدخل بعضوية ثانية او يكون جايب عيال ديرته كلهم عشان يرفعون سعر الموتر

موقع حراج اصبح لدى الناس موقع رفع وكبس الحين لو تقول لاحد من اصحابك والله موتري اكسرو سعره بالمعارض يرد عليك مباشرة
نزله في حراج يجيب لك 100 الف طيب هو يسام في المعارض ب50 الف يجيك صاحبنا ويقول مع شويت كذب مسيوم ب77 وانا حدي 83 ياصديقي ياعويد 
يااخوان يانفرات هو مسيوم ب50 الف احيان والله يوم اشوف بعض الاسعار المبالغ فيها ودي اقوله ماتبي اعطيك حقدك وتخلي موترك معك لكن اتذكر القسم واتركه 

مع احترامي للسعودين بعضهم غير جاد 

بس الاجنبي مع تجاربي لهم في بيع سيارتين ما يغثك يقولك على الفحص تروح انت وياه على الفحص ويفحص هوا وانت تجلس 
برا الفحص تراقب واذا تطمن جاك وقال انا اشتريت لا ننقل الملكيه 

اما السعودي طبعا البعض وما اعمم يقولك انزل بجربها ويمسك فيها خط ومطبات ويحوس فيها ويجلس يوسوس اسمع اسمع 
شوف شوف وبعدها يروح الفحص واذا ما طلع فيها شي او شي بسيط يقولك راعيني 
ويجلس ساعه يغثك على انك تراعيه ويجبلك صك الاعاله وصك التعسر ويشرح ظروفه وحالته حاله 
لمن تنقص له يقولك دقيقه وارجعلك وما تشوف الا غباره هذي وربي حصلتلي وما ابالغ بالكلام 

بعت لاردني وبعت للبناني ومحد جابلي منهم المغص 

هالكلام مهو عنصريه بس حصل معي وقلته لكم