استفسار عن سوناتا 2013

والله وانا اخوك انا معي سوناتا سياره جدا رائعه بس انصحك تشتري مجدوعي او وعلان 
الناغي لاتقربلها
والاهم من كل هذا اشتر الفل لسبب واحد ومهم اللي هو توفر abs فيها لان فرامل السوناتا لك عليها مي ذاك الشي 

اذا بتاخذها خذ فل لان فيها ABS ومايتوفر بنص فل فقط ب الفل وانا معي فل 2015 شكل القديم كارفها ومشاءالله زي الساعه معي واهم شي تغير الزيت ع 4500 وماتخليها يطول فوق ال5000 وانشاءالله تعيش معك سنين ومبروك مقدما

بنسبة للقطع صراحة اشوفها ممتازة مقارنة بتويوتا ونيسان اشوفها الارخص قطع بس فيها حاجتين غاليه وهي الشمعه الي فيها ليد وزنون من بلدها هاذي غاليه الوحدة اصليه ب 1600 مسعرها من محل القطع والعادية بدون ليد اصليه تحصلها ب 550والشي الثاني وهو الاصطب الخلفي الليد الواحد ب 800 هاذي الحاجتين االي تعيبها وغاليه 

الله يبارك فيك اخوي 

الله يعطيكم الصحه و العافيه بس كيف استهلاك البنزين 
و وش النوع الافضل احمر ولا اخضر

خطوط خذ كادينزا ولا ازيرا ياطايع الشور


اريح لك مركب وافضل عزل شارع وهواء وقيادة افضل لك راسية وبين يديك السوناتا مهنا ذاك الزود


والبنزين مهيب فارقه معك 5 ولا 10 ريال اهم شي مجمل الموتر يجمل

بالتوفيق

من ناحية الراحة بالخطوط بصراحة لك عليها 
الكراسي الجلد اريح من المخمل شوي لكن راحة الخطوط مالك الا الامريكي والألماني 

مهي حقت خطوط خفيفه بعد الــ 100 تلعب بالخط بس المكده انشهد انها تكد كد ماتقول لا

اول مره اشوف احد يسأل عند سياره
ثم يقول بنزين احمر ولا اخضر
يعني هي وقفت على البنزين !!!؟
الحمد لله انه رخيص عندنا 

شف كانت معي 14 نص فل سقف اذا تبي تاخذ ابعد عن السقف
لان دفع طلعت فيه خرابات بالسقف ودفع لا انت وحظك عاد ولا الكرف
كرفتها من شمال لجنوب لشرق غرب السعوديه وكانت زي الحلاوه
م طلبت مني الا زيت مكينة وقير وفحمات 

الله يعطيكم الصحه و العافيه جميعا 

بخصوص الازيرا و اكدينزا الميزانيه محدود و هي اغلى من السوناتا 

ولما اسأل عن البنزين يا ابو ناصر ما اقصد اقيمه لو اللتر بريال ما فرقت لكن 
في سيارات محدده على الاخضر و مايناسبها الاحمر و العكس صحيح 


اشكر الجميع على المشاركه و الافاده جزيتم خيرا

كم ميزانيتك ؟؟؟ ترى الكادينزا 2012 نص فل رخيصة

تعقيبا لردي السابق

الزيت ابعد عن 20 50 هو سبب تخبيط مكاين السوناتا عندك خيارين 10 30 او 5 30 والافضل الثاني لانه اخف ولان طرمبه الزيت حقت السوناتا ضعيفه ماينفع لها الثقيل 
فنصيحه ابعد عن الثقيل

اما البنزين فهو 91 افضل
واي استفسار انا حاضر سواء هنا او بالخاص 

بيض الله وجهك والله يكتبها في موازين حسناتك 

الميزانيه اخوي في بحر الاربعين 

اجل سوف لك كادينزا 2012 او حولها بحدود الميزانيةالي معك و6 سلندر ماعليها كلام وضمان يبقى فيه سنتين اوحولها

كان معنا سوناتا 2012 بعناها بعد استخدام 3 سنوات وماشيه 230 الف

ماقد تغير فيها سوا كفرات وفحمات اماميه وزيت مكينه والزيت كان 10W30 موتر كرافت طوال فترة الاستخدام

سبب البيع ماهو عيب في السياره لكن شرينا كيا كادينزا 14 

استهلاك البنزين ممتاز طبعا 91 

أخوي معه سوناتا 2013 قير عادي يمسك بها خطوط كل ويكند و زي الحلاوة ما شاء الله
من الدمام للرياض ياخذ نص التانكي وجيدة بشكل عام ومافيها زيادات يعني ما تشيل هم بعض الخرابات ومكيفها ممتاز بس مشكلتها العزل لك عليه شوي
و الأمان دمار بدون مانع انغلاق الفرامل وإيرباق واحد للسايق بس ومافيها مثبت سرعة.

السلام عليكم 

ليهه ماتاخذ لك 2011 أو 2012 أمريكي 

الأمريكي الاستاندر يجي فيه أي بي اس  

ولو تبي الفل أو النص فل ممتاز 

انا معاي 2013امريكي فل كامل 6 سلندر مكينة ازيرا3.3  لون بحري على رصاص لون جميل

ماشاء الله ممتازه جدا وانظف من السعودي وبوديها ثقيل عكس السعودي
ومواصفات كامل عكس الوكلاء اللي هنا (بنزينها95)
ولو انت بجده تعال خذها خلها معك شهر اذا ناسبتك اشتر مثلها 

تحياتي 

ماشاء الله الله يعطيك خيرها و يكفيك شرها و يباركلك اخوي 
والله يكتب الي فيه الخير لنا ولكم و ﻷخواننا المسلمين 

من الان الى شهر 4 و ربك ييسرها 

تحياتي 

طيب ام حدك في بحر الاربعين الكادينزا يا الغالي 2011 فل في بحر الاربعين يعني بتحصل نص فل 2012 بنفس السعر وشكلها ما يفرق عن الفل من برا


وحتى لو تاخذ استاندر والله احسن لك من السوناتا ، مانقول السوناتا سيئة مرررة


لكن انا السوق قدامي وعندي خيار افضل ومركب اريح والعزم ما اشيل هم ولا اتكلف وانا داعس ماشاء الله طيارة وفي الخط تعطيك وراسية


انا اذكر قد شفت اعلان لكادينزا فل لؤلؤي 2011 ماشيه 99 الف بس حادها ب 50 ويقول قابل للتفاوض فيها طرف رفرف مرشوش وشمعة مغيرة بس


دور وان شاء الله بتلقى


تحياتي لك

اهم شيء ABS + ESP+ AIRBAGS والسيارة جدا ممتازة من كل النواحي, العزل مو افضل من السيارات المنافسة