تجربتي الشخصيه ل زيت بترومين

6 2

لايمكنك التصويت حتى الحصول على 20 نقطة على الأقل
إضغط هنا للإخفاء

abojpl 372
قبل 8 سنه و 11 شهر

السلام عليكم ورحمة الله وبركاته




شريت اوبتيما كيا 2015




وطبيعي زيت المصنع لايعلي عليه من حيث المواصفات طبعا بعد التجربه




انتهيت من 5000 الف كيلو ورحت لصيانة اسواء وكيل في الشرق الاوسط




زياده في المبيعات مراكز صيانه قليله جدا 




مركز صيانه واحد في مدينة الخبر
مركز صيانه سريعه في مدينة الدمام شارع الملك سعود




كل المركزين مدخل واحد للسياره وبتكلم عن الخبر
دخلت السياره للصيانه الساعه 8 انتهت 1130 ظهرا مع دخول وقت الصلاة




فوضي وزحمه وواسطات ومشاكل عملاء مع المركز ومكان سيئ للانتظار




اسف علي الاطاله لاكن لابد من ذكر السبب للذهاب الي صيانة بترومين
السبب لانها معتمده عند وزارة التجاره وعشان الضمان مايروح




المهم كملت 10000 ورحت لصيانة الجبر الساعه السادسه ونصف صباحا
يوم السبت وموعد فتح الصيانه الساعه 7 علي كلام موضفين الصيانه




انتظار الي الساعه 0740 صباحا ولسي مافتحوا المركز اهمال لاابعد حد
ورحت مركز الصيانه في الدمام شارع الملك سعود وابلغني رجل الامن ان السبت 
مايفتحون 




كنت ناوي اسافر للرياض وابي انتهي من الصيانه افادني احد الزملاء بمركز بترومين
وانهخ معتمد وعندم زيت a1 5-30 ممتاز للمكاين ويمشي 10 الاف واقتنعت ورحت لهم بعد العصر




المهم كلمت الفني عن زيت A1 5-30 
وقال وكيل الجبر كلام مافيه ركب هذا زيت عشان الضمان




وقال ركب زيت 10-30 ممتاز كلو نفر ركب مافيه مشكله




طبعا عشان الضمان وافقت وشيكوا علي الفلاتر والسوائل وغيروا الزيت




المهم بعد تشغيل السياره تفاجات بعزم الموتر اصبح ثقيل بنسبة 50 -100




ولاكن حاولت اقنع نفسي يومين ويختلط الزيت ويرجع العزم 




المهم اكتشفت ان صوت المكينه صار مسموع واول مااشغل السياره 
اسمع تكتكه قلت يمكن عشان البرد ضغط المكينه والسياره واقفه ماينزل عن واحد




سابقا تحت الواحد برقم قررت اغير الزيت علي حسابي طبعا الجبر تحتاج
اسبوع الي اسبوعين عشان يكشف علي الموتر




ورحت بنشري وعلمته المشكله وعلي طول قال زيت بترومين وخاصه
10-30 يخبط باالمكاين ويثقل العزم وانصحك تغير الي زيت
جي تي اكس كاسترول 5-30 ماجيتك وبتشوف الفرق باذن الله




توكلت علي الله وغيرت زيت ب 180 ريال العلبه 45 ريال
يمشيك 10000 الف كيلو




اول مادقيت سلف وحميت الموتر احاول اسمع الصوت المزعج التكتكه
والله اختفي وقفت عند اشاره وطفيت المكيف والمسجل المكينه مالها اي صوت
تحس الموتر طافي العزم رجع زي اول ماشريت الموتر 




هذه كل القصه واسف علي الاطاله 
لاكن حبيت ان اخواني يستفيدون من التجربه




السؤال كتالوج الوكاله ينصح بزيت نسبة لزوجته 5-30
ليه بترومين والجبر وبعض الوكالات يركبون زيت غير الي تنصح به الوكالات
كل هذ هذا طمع او نجاسه عجزت القي لها تفسير حسبنا الله ونعم الوكيل

إبلاغ

الردود