باترول ترهيم للاستخدام اليومي

انا ما اعرف ف الترهيم لكن ماعليش مقارنتك خاطئة !

تقارن ربع "جديد" موديل 2016 بباترول قديم ف اول التسعينات !!

انا ما اتكلم عن عزم اتكلم عن مقارنة جديد بدون ترهيم وقديم مرهم 

شف ترهيم وأستخدام يومي ما فيه
يعني بترهم وتستخدم يومي لازم تدخل الصناعيه أقل شي فالاسبوع مره

ثاني شيء مقارنتك مع شيء جديد غير متساويه أبداً
لا يستوي جديد وقديم ملفق

أسعار ترهيم الباترول يختلف من ورشه وورشه
لكن تقريباً لكزس ب١٨ الف و LS ب٢٠ ألف
الاسعار تقريبيه ولا تفرق من مكينه ومكينه
وامور الترهيم والخربطته واجد
ولا أنصح أي أحد بالترهيم

افضل انك تستفسر من اصحاب الترهيم نفسهم

معليش مع احترامي للاعضاء عندهم جهل كبير بالترهيم ولا يفيدونك بشيء

و اي احد يستفسر عن مسجل او ترهيم او شيء ما يعجبهم مسوين فيها شيبان و مطاوعه

على طول ديسلايك يقولون لك ليش تسرع و ليش تطلع البر و ليش تشغل مسجل

عموما تركب مكينه لكزس تنفع للاستخدام اليومي و ناعمة و صرف بنزينها اقل من الباترول مكينه شد بلد

لكن ما عندي خبرة كم يكلف وارجع و اكرر اسأل اصحاب المرهمات يفيدونك اكثر

هنا بالمنتدى اسألهم وش افضل كفرات ووش رايكم بالزينون و بشتري سياره وش اخذ لون

غير كذا كثيرة عليهم 

حط في بالك السيارة ما هي بس مكينة
يعني الأجزاء الثانية تلقاها مستهلكة من جير دفرنس عضلات و داخلية و كهرب
مكينة اللكزس تكلف حدود العشرين على ما اسمع
و في نظري لازم تعديلات ثانية تتناسب مع قوة المكينة عشان الرساوة
قول ب 10
يعني قول 25 قيمة السيارة
و 20 مكينة
و 10 تعديلات و 5 نواقص تطلع ب 60 ألف؟؟؟؟؟؟؟؟؟؟؟؟؟؟
فتتطلع لك حسبه
اشتر فتك نظيف بلد موديل حديث اصرف

انت بتاخذ سياره  اكثر مايخذونها هواه البر  واصحاب التعديل  لكن السياره ماانصح التسارع فيها بخطوط  لكن يبقى السؤال الاهم هل هي امنه بسرعات العاليه لا هل هي مريحه بخط لا 

 واسعارها مبالغ فيها  اذكر قبل 11 سنه  اشتره شخص نفس السياره المعروضه 14 الف وهنا يبعونها 25 الف 

 بنسبه للمكاين الي تركب عليه مكينه ال اس الي هي مكينه الكابرس Ss  ومكينه لكزس  ولزم ناس فاهمه تركبها يعني لزم كمبيوتر وبرمجه  وشغل مزبوط 

انصحك في  ls1 او  ls2  ينفع للتعديل و استخدام يومي و كل شي 

و لو خبطت تحصلها ب 2500 الى 3500 

شف كان عندنا باترول مرهم مكينه لكزس LS400

صراحة عزم جبار ولا حراراه ولا صرفية تطربك بالنفود والشارع

بس كل اسبوع نمر الورشة مره كتاوت ومره ظفيرة ومره كهرباء



بس انتبة ترا فية جيوب مرهم ترهيم استراحات  يعني ناس هاوية وليست محترفة

مثل عندنا بالقصيم

بس فية ورشات محترفة ويعطيك ضمان علئ شغله


فية بالزلفي واحد وبريده بعد        وبالتوفيق

السيارات ذي تمشي بذي الاوقات ان جا الصيف ما احد يقول بكم بتتورط فيها 

بتكلم عن الشفر لاني افهم فيه
يبيلك 
مكينه ls1 او الي تحبه 
ظفيرة مختصرة
كمبيوتر
تحويلة للقير 
تجليس المكينه 
تفصيل هدرز وانتيك 
لان هدرز الls1 يمكن يحك بالشواصي او حوض المكينه ما ادري عن المساحه هناك
المشاكل الي بتواجهها
فرز الظفيرة لازم بكراج بطل
برمجه الكمبيوتر 
التجليس لازم كراج بطل وخبرة
تفصيل الهدرز اشتغله صح بدون تنسيمات وشغل تلفيق
الرديتر يبيلك تشوف شي تبريده ممتاز
يبيلك تشتري كارتير يوكن 
شغل التكيف ماعندي ادنى فكرة عنه
بالتوفيق 

والله يخوي الوكاله افضل واضمن ع الاقل ما يتعبك ع الاقل 4سنوات موب مرهم كل اسبوع بورشه ليه وجع الراس لو معاك احد طيب ولا خرب الموتر بظهريه  نصيحتي ابعد الترهيم للمتعه والطقطقه مره بالاسبوع مرتين اما استخدام يومي اشوفه صعبه والله يوفقك

الباترول عزمه مجنون بدون ترهيم بس خذ 97 لان نزل بخاخ 

ترهمه على ايش برايي خله وكالته بس خذ نضيف 

السلام عليكم عندي باترل 2007 بخاخ 4500ماكينته  وابي ماكينه او ارهم اي احسن وكم السعر

ارجو الرد او افادتي برقم احد يرهم الي رقم جواله

السلام عليكم عندي باترل 2007 بخاخ 4500ماكينته  وابي ماكينه او ارهم اي احسن وكم السعر

سلام عليكم ياشباب كثرت الاراء والمشاور لكن الزبدة انا معب بترول مكينة بلد وسراحة لابد من الترهيم بمكينة لكزس ليش لاني شفت تطعيس الجيوب بعيني وكل اسبوع اروح اطعس لحالي اشرد عن المرهمات والله مافيه مقارنة فيه طعس في بحرة مايطلعه الا مرهم اوجيب ربع تايوتا اقل شي فلتر عليه او فتك وماننسى رانجلر وشيروكي والامريكي بعد بطل الرابتروالجموس تطلع اما مكينة بلد مستحيل طيب اذا انه صحيح مكينة اللكزس تبرد فالطلوع كيف يطلعون وانا سالتهم يالربع وش المكينة قالو لكزس 97والبعض مركبين 430وفي الزفلت الطرب صح عزم ممتاز وصرفيه قليله انشاء الله باركب المكينة واتوكل على الله تحياتي للجميع ولاصحاب المنتدى