بخصوص الناس الي يقطعون الشارع

45 4

لايمكنك التصويت حتى الحصول على 20 نقطة على الأقل
إضغط هنا للإخفاء

kalzahrani95 114
قبل 8 سنه و 11 شهر

السلام عليكم ورحمة الله وبركاته ، صباح الخير ..

ياشباب ملاحظ من فتره حركة رفعت ضغطي في شوارع حارتنا لما امشي فيها بالسيارة ( بغض النظر عن الحفر والمطبات ) ..

مرات اقابل ورعان يلعبون في الطريق ولا يبتعدون الا اذا اقتربت منهم و لا يبتعدون تماماً بس يتركون لك فراغ صغير تخش منه بينهم :)

و يمشون بخطوات ثقيلة وكأنهم يتعمدون تأخيرك واستفزازك ودائماً اتجاهل هذا الشيء و اقول بزوره وما احط عقلي بعقولهم ..

بس اليوم حصلت لي مع اثنين شباب كبار يسولفون في نص الطريق وماوخروا الا لما صار بيني وبينهم تقريباً مترين بس ووقفت تماماً ووخروا ولما مريت من جنبهم اسمع واحد منهم يقول : " حظك " متضايق مني الرجال لما خليته يوخر من طريق ابوه هههههههه ؛
طبعاً انا من النوع الي اتغاضى عن الزلات واركز على مشواري ولا اعطي وجه لمثل هذي العينات ..

*الي يضايقني اني امشي في الطريق وبسرعة اقل من سرعة الطريق ويجي من يعطلني ، والي ذكرته يحصل باستمرار من اعمار مختلفه ؛
وهذا الشيء مو يضايق الي يسوق وبس حتى هو نفس الشخص الي يمشي في الشارع خطيرة عليه هذي الاساليب ممكن يصادف وجوده وجود شخص متهور يدعسه ويجيب اجله او يعيش معاق باقي عمره ( عشان يسوي نفسه قوي ومايخاف من السيارات )

- والله ادري ان الموضوع منظره تافه لما اكتبه بس والله انه استفزازي على الواقع ويومياً يحصل لي وفي كل مشوار اروحه واتوقع الكل يحصل معاه هذا الشيء ؛

( الطرق للسيارات والرصيف للمشاه واذا احتجت انك تنزل على طريق السيارات للضرورة انزل بس اقطع بسرعه وبالذات اذا شفت سيارة ) ؛
هذي القاعدة كلنا نعرفها من قبل ندخل المدرسة بس نادراً ما اشوف احد يسويها ، ما ادري الواحد كذا يشوف نفسه قوي !؟
معليش انا اشوفه مثل الحيوان - الله يكرمكم - اللي يقطع الشارع ويندعس ..

رأيكم ياشباب وآسف على الإطالة و اكرر اسفي على تفاهة الموضوع بس شفت انه شيء يحصل على الشوارع بإستمرار ولازم نناقشة ويمكن اكون غلطان وتفهموني :)

إبلاغ

الردود