هل اخترت مبرد قير لسيارتك ؟؟
9
3
إضغط هنا للإخفاء
السلام عليكم
موضوع للنقاش ..
وش حاجتك لمبرد القير الاظافي ؟؟
اذا بتركب مبرد قير على اساس فلان قال وفلان نصح !! هذا كلام غيرم نطقي
مع الأسف حتى أغلب الي يبيعون مبردات القير مجرد البحث عن المكسب .. انا لما ابيع لا ابحث عن المكسب بقدر ما ابحث عن الفائدة المرجوة من ورا تركيب هالمبرد (( طبعا كلامي وجهة نضري ))
حرارة القير لو ترتفع الى 120 يخبط
بردوة القير لو تنزل عن 60 ممكن بخبط
تماما مثل مرض السكري في الدم الله يشفينا ويشفي جميع المسلمين
لابد من الموازنة
سيارتك وش تحتاج حجم للمبرد ؟
30 الف وحدة ؟ في حالة انك شخص تمسك خطوط واستخدامك يومي هذا يكفيك .. تطلع بر مع العائلة ورحلات صيفية .. الخ
40 الف وحده ( رقم 1) ؟ في حالة انك شخص تجر على السيارة وتحوس مذهبها في البر والمقاومات وشد ومسوي زحمة
40 الف وحدة ( رقم 2 ) ؟ في حالة الحمولة الطبيعية .. تطعيس عادي .. خطوط .. تشيل بعارين بالحوض .. تسحب لك عربة بيت جاهز صغير مكون من غرفة ومطبخ ودورة مياة .
30 الف يكفي للسيارات السيدان مكينة 8 سليندر ومحركات SRT
وينفع للجموس وسيارات الحوض استخدام طبيعي
كلامي بشكل عام حسب ما هو موضح في الصورة الخاصة بمصنع مبردات الترو كولر
وتقدر تقرأ الموضوع بشكل افضل للتوضيح على الرابط التالي :
http://www.trucool.com/products/tru-cool-max
واتمنى تحط في بالك عزيزي .. القير مطلوب انه يكون حار حتى لا تقع في مشاكل تخبيط بسبب برودة القير
والعكس صحيح .. كل مارتفعت الحرارة بشكل عالي فهذا يعني تشوف لك قير ثاني او توظب بعد فترة
اعتبرو كلامي وجهة نضر حسب ما فهمته من بعض المنتديات الأمريكية ...
والي عنده معلومات لا يبخل علينا فيها
الموضوع للنقاش .. والنقاش مفتوح بارك الله فيكم
إبلاغ
الردود
1
0
جزاك الله الف خير على المعلومة
1
0
بكثير جدا من التعديل والإضافات
0
0
وشكرا ع المعلومة
2
0
0
0
0
0
0
0
بحسب تجربتي الله يحفظكم في منطقة الرياض .. داخل البلد (( توصل حرارة القير للسوبربان 2007 أمريكي الى 98 درجة ))
أيضا لما اطلع البر ايام الصيف وادخل الرمل ، مع الدعسات العادية توصل حرارة الترانسميشن (القير) ما بين 90 الى 94
تعالو نشوف بالخط :
من الرياض الى الطائف كنت اشيك على الترانسميشن ( حرارة القير ) وبعد 3 محطات اهدي السرعة عشان تظهر لي بالشاشة الحرارة
فملاحظتي لها انها توصل الى 97 درجة ..
لما اخفف السرعة تنزل الى 88 ثم الى 86 كحد أقصى بس ما تنزل عن هالدرجة !
طيب تعالو نشوف المناطق الجبلية :
في منطقة الباحة مثلا بما اني من الباحة .. والأخوان الي جربو عقبة الباحة او العقبة الي تنزل لمحافظة ( قلوة ) في تهامة الباحة
اجد الحرارة مع النزول Ok طبيعية وجدا رائعة مع انخاف الظغط الجوي واستوائة بنص العقبة ومن هالكلام الجيوغرافي .. ما تطلع الحرارة عن 75
لكن ..
في الطلوع .. لما اطلع من العقبة باتجاه منطقة الباحة الاحظ ان حرارة التنرانسميشن تصل الى 104 مع الدعسات والملفات
طبعا الممشى عادي ماتعدى السرعة المفروضة وهي تقريب ما بين سرعة 60 الى سرعة 80 حسب مساحة الخط المتاحة .
المرة التالية قمت بتجربة السرعة الأكثر من 80 .. ما بين 75 الى 95 كيلو متر حسب مساحة الخط المفتوحة .. في كل مرة تهدي وتضطر تدعس او تسقط على سيارة امامك
تصل حرارة الترانسميشن الى 117
هنا مصيبة !!!!!!!!!!!!!!!!!!
بعد فترة اجد القير عندي فيه صوت مع الدعسة مثل صوت التآكل .. وهذا الصوت خاص بالكلتشات الداخلية
طبعا لازم اغير الكلتشات وليس توظضيب للقير كما يراه الأغلبية وينصح به بعض الميكانيكيين
اذا سيارتك مواصفات سعودية .. ممكن تتركها مثل ما هي عليه بدون اظافة مبرد خارجي .. الا اذا كنت من الاشخاص الي وضحتهم سابقا في الموضوع
واذا سيارتك نظام امريكي مواصفات ومقاييس .. فالأفضل حفاظا على القير ، تركيب قير اظافية ولو قلنا بيكلف الف ريال اهون من توظيب قير كامل
للاحتياط طبعا .. وحسب استخدامك كما تم توضيحة سابقا
وفقنا الله واياكم :)
اتمنى اني قدرت افيدكم وما طولت عليكم مع اني عارف اني طولت السالفة هههههه بس للاحتياطات الأمنية للقير
3
0
قبل 9 سنه