أضف سؤال أو موضوع جديد          

استخدام النور العالي في الطرق السريعه

up 19 down 6
الاش 620
قبل 3 سنه و 10 شهر



فيه مشكله بالطرق السريعه لصرت ماشي باليل  أنه بعض السائقين بالسيد المقابل مشغل النور العالي  ثم مجهر الناس  سواء الي يتجاوزونه أو الي مقابلينه بالسيد المقابل  الحقيقه انها مشكله مؤذيه جدا والأسلام أمر بكف الأذا عن الطريق ومافيه أي داعي لأستخدام النور العالي  بالطريق السريع  إلى اذا صار الخط فاضي  وبالأخص السيد المقابل  
وعادة  الطرق السريعه  تصير مزدحمة ماتفضي  أبد إلا بحالات نادرة  والطرق السريعه مشبكة بالكامل لابعارين ولاشي والخط ماشي والناس ماشيه وكابس العالي مادري على وش والمشكله أن أغلب الي كابس العالي سيارات حديثه يعني منه عمد وكذالك اصحاب الدنات بعد دايم كابسين العالي  على كذا المسرا بطريق سيد واحد أفضل من الطريق السريع  على الأقل لقربت السيارات لبعض كلن قصر نوره عن الثاني  وذا عيا يقصر نورة يجهرك وتجهرة أنت وياه الحالكم أما السريع  وش تاخذ وش تخلي  السيد المقابل عالم وقدامك عالم وبو الشباب كابس العالي 
ياخوان المسئله ثقافه وأحترام  للأخرين 
الطريق فيه الشايب الي من حد على المسرا  وفيه الي النظرعنده مشكله  وفيه وفيه وفيه  إذا حنا يالشباب المتعافين  تئذينا من هالمشكله فكيف كبار السن

المفروض استخدام النور العالي بالطرق السريعه عليها مخالفه  أو يبعدون السيدين عن بعض  أو يحطون عقم بين السيدين بطول متر ونص   







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من تالي بزيادة ، علشان يشوف الكاميرا ويضرب فرامل ويكمل طريقه ولو لصق على اللوحة يتمشكل مع أمن الطرق
أنا أمسك طريق القصيم الرياض دائماً وأثبت السرعة على 132 ودعسة وحده طوال الطريق
اللي يسرعون وحالتهم ترحم كل شوي يوقفون يعبون بنزيم وأشوفهم ندخل الرياض مع بعض لكني مثبت السرعة بدون توقف
ووفرت بنزيمي وريحت راسي ووصلت على الموعد اللي أنا أبي وهم الله يخلف أشكلهم تضحك
نظام ساهر يسمح لك بتجاوز السرعة بمقدار 10 بالمئة عن السرعة المحددة للشارع :
إذا الطريق محدد بـ 100 كيلو متر مسموح لك تمشي إلى 110 ويصورك عند سرعة 111
.. .. 70 مسموح لك تمشي إلى 77 ويصورك عند 78
.. .. 80 .. .. 88 ويصورك عند 89
.. .. 50 .. .. 55 ويصورك عند 56
.. .. 60 .. .. 66 .. .. 67
وهلمجرا
على فكرة اسمه بنزيم وليس بنزين
بس الناس تعودوا على كلمة بنزين أسهل بالنطق


up 10 down 16
عضو معكم من تاريخة 40
قبل 3 سنه و 10 شهر



هذي تعتبر بجاحه وحب نفس  اذا اكبس العالي عشان اشوف ساهر  طيب والناس الي حولي  


up 2 down 0
الاش 620
قبل 3 سنه و 10 شهر



اصلن ساهر يندس ورا الرصيف ولا ورا صخرة كبيرة 
يعني لو تشغل العالي من هنا لبكرة منت شايفة 


هاذوله تحصل قبل معه سيارة قديمة نورها ضعيف 
والحين ركب سيارة جديدة ومستانس بقووة الانوار 


up 1 down 7
محمد الحربي... 143
قبل 3 سنه و 10 شهر



ذكرتني قبل فتره  بخبر في الصين عاقبو سائق يستخدم 
النور العالي داخل المدينة
عاقبوه وقفوه قدام السياره  حقته ومشغلين النور العالي فوجهه لمدة ساعه ههههههههههه
ياسلام كمان لوفي شارع مظلم تزبط أكثر 


up 6 down 6
سمورة -73
قبل 3 سنه و 10 شهر



طيب ليش ماتعطي وتلتمس لناس الس مشغلين عالس عذز

انا والله ماشوف زين بطرق والخطوط السعوديه الا بالنور العالي وبدونها ماقدر امشي نظري ضعيف الله وتوقع فيه كثير زيي وفيه شياب كذالك الله يشفني ويشفي المسلمين


up 6 down 12
ثقتكم -285
قبل 3 سنه و 10 شهر



نظرك ضعيف الله يجزاك بالخير روح تعالج 
موتذي خلق الله بالنور 
في ناس منجد تنزعج وبعضهم يدعي عليك يمكن 


up 6 down 8
سمورة -73
قبل 3 سنه و 10 شهر



الله يهديهم ماله داعي النور العالي اذا فيه سيارات  اذا كنت ماشي و الخط فاضي شغل العالي براحتك لكن اذا فيه سيارات الافضل تطفي العالي و تحترم الاخرين لانك تأذيهم بنورك  


up 1 down 2
افكار جديدة 660
قبل 3 سنه و 10 شهر



يارجل من كثر ما تأذّينا منهم أعتقد أغلب هؤلاء مايعرف إن السياره فيها نور عالي أو واطي يدق سلف ويمشي فقط .

وللأسف الشديد عندنا الثقافه المروريه لدى السائقين صفر .

أذكر موضوع نزل هنا في المنتدى عن موضوع الخط المتصل والخط المتقطع الذي يخص التجاوز ومنع التجاوز في الطرق الغير سريع ( خط الرايح والجاي ) وإنصدم صاحب الموضوع بعدم معرفة أغلب أصحاب الردود بهذه المعلومه .


up 1 down 2
jakwar2004 383
قبل 3 سنه و 10 شهر



اللي نظره ضعيف فيه ناس نظرهم ضعيف ويتاذوا من الانوار العالية كمان
اللي يآذي خلق الله اقل شي تجيه دعوة بالعمى الله يكفينا الشر


up 1 down 1
ابو عبدالله احمد 3455
قبل 3 سنه و 10 شهر



ما هي مسألة نظر هذي الانوار قوية تأثر على عين الانسان وتجهدها ايا كان 


up 1 down 2
أبو صلوح 911 131
قبل 3 سنه و 10 شهر



موضوع جميل وحبيت اشارك برد

انا كنت بخط سريع قبل شوي وكان معي شغله لازم ارجع للبيت بسرعه
وكنت مسرع وماشي 150 تقريبا
وتجاوزت هايلوكس غماره والظاهر ان الرجال ماعجبه وانا تجاوزته

كان قدامي واشرت له بالعالي وطفيت وفتح لي خط وعديت منه
وابو الشباب كبس علي بالعالي وصار يقرب مني 
وبعد مركب زينون .. والله ياهو اعماني
اعطيه فلشر يمين يسار ماااااااشي
طنشته 
مشينا قرابة 20 كيلو على هذا الحال وبعدها نقطه تفتيش 
الرجال طمر ودخل السرا قدامي
وانا اخذ يمين .. جلد .. حتى عند جيب الدوريه
وجاني العسكري يقولي ماتشوف العالم قدامك
قلت له الا شايف .. بس انا جيتكم ببلغ على واحد اذاني واذى 
خلق الله
عطيته مواصفات السياره وعيا علي لامشي حتى يتحقق
يوم وصل عنده قله شغل العالي
يوم شافوا العالي زينون قالولي روح
ومشيت .. بعدها مادري وش صار له

وسلامتكم



up 5 down 1
hamadyou -4
قبل 3 سنه و 10 شهر



موضوع  جميل وبالفعل مشكلة من بعض الناس هداهم الله ،،

عموما الان الشركات القوية صارت تنتج انوار متكيفه تستكشف الانوار المقابله وتقوم بخفض حدة اضاءتها تلقائياً عشان هذا السبب ،،


up 1 down 0
panamira 1889
قبل 3 سنه و 10 شهر



بعض السيارات يجي فيها زي الفرار ينزل الشمعات أو يرفعها
إذا النور تحسه ضعيف ارفع الشمعة شوي شوي الين تحس انك ظبطتها وبكذا ما تضطر تشغل العالي إلا بالضرورة.
حصل لي مره ان واحد كان مشغل العالي وسيارته رفيعة يعني النور على عينك على طول وكان يمشي زي سرعتي و أنا ماسك الوسط فتأذيت منه أبيه يتعداني
مسكت الأيمن وخليته يروح وبعدين كبست وراه أبيه ينتبه وهو يحسبني أحارشه فخليته يمكن يطيح بواحد ثاني وينتبه




up 0 down 0
ابو شعمل -16
قبل 3 سنه و 10 شهر



بخصوص سالفه العالي 


وبالخطوط 


لاتحاول يبي لهم 50 سنه يستوعبون 
أو مخالفات 



لكن من واقع تجربه ولكل سياره امتلكها

البقاء للأقوى دايم اعدل انارة موتري 

وادبهم  واحد ورا الثاني .....




up 1 down 2
مدرس عاطل 25
قبل 3 سنه و 10 شهر



ياخوان انا شخصياً ماشوف الا بالعالي وبدونه ماقدر تحرك لكن  ماشغل العالي وقدامي سيارات ماشيه بنفس الخط رايح قدام بنفس مساري لأني اعتمد على نور سياراتهم اما اذا كان الخط فاضي وانا لحالي لابد شغل نور العالي صحيح فيه اشخاص في سيد ثاني لكن نور العالي ماراح يأثر عليهم الا ثواني معدودات اعيد وكرر انا ماشوف واحياناً غصب عني اسافر مظطر


up 1 down 0
ثقتكم -285
قبل 3 سنه و 10 شهر



طيب اذا انت ماتشوف انا وش ذنبي تعميني
تطق العالي عشان تشوف انت وطز بالبقية ؟
انا ومن بعدي الطوفان ؟

انا والله ركبت الليد حق الجيوب LED BAR ما اشغله الا في الخطوط مخصص للناس اللي ماتمشي الا بالعالي وخصوصا الجيوب الجديدة
اخليه ينعمي زيادة 


up 0 down 0
فورد530 1319
قبل 3 سنه و 10 شهر



وش اقول انا 
اسبوعيا من الرياض للدوادمي 
اقابل اصحاب الجيوب الجديدة 
يكبس العالي وماعليه من احد 
ياريت واحد او اثنين .. كثيريين
بخصوص الي كابرس العالي وراي
كل السيارات الي شريتها اظلل القزاز الخلفي .. يصير تاثير النور ضعيف مرة ويبقى المرايات الجانبية تعميك شوي
ما اقول الا الله يعين الي منحديين ع مسكت الخطوط وقزازهم الامامي تجاري


up 1 down 0
ليزو 478
قبل 3 سنه و 10 شهر



انا القي اصحاب جيوب vxr طاقين العالي وماشين 

الحل ... انا مضلل كتم كتم وحاط ستاره خلفيه عشان افتك من شرهم 

وعلي 3000 قسايم تضلليل والحمد لله 

والله ماركبت تضلليل الي منهم 

لكن شفت دعايه عن نظارات تنلبس وانت تسوق في الليل تحميك من المشكله هذي وافكر اطلب وحده عسا يكون فيها حل


up 0 down 0
xwnwx -7
قبل 3 سنه و 10 شهر



طيب مع احترامي للجميع بعض الخطوط مافيها شبوك وانت تلقاها من جنط تريله ولا قطعه كفر ولاصبات ولا ابل ولا جموس محمله حبحب والاسطبات الخلفيه فيها لمبه وحدة العالي ضروري سواء مقابلك احد او لا كلن في مسارة اذا الانوار تجهرك لاتمشي بالليل 


up 0 down 1
بريق الرياض 260
قبل 3 سنه و 10 شهر