أضف سؤال أو موضوع جديد          

شاحنات ايسوزو في اوروبا شوفو الفرق

up 9 down 20
benz lover 379
قبل 3 سنه و 6 شهر



السلام عليكم اخواني وانا اقلب في اليوتيوب لفت نظري دينات اوروبا وش فيها مواصفات لا تفوتكم ايسوزو ماكينة 8 سلندر بنزين 6.0 لتر ياسلاااااام قزاز كهرب قير اوتو مسجل سي دي وهنا الله يهديهم الشركات مكيف مايركبونه والعامل يموت من الحر

https://www.youtube.com/watch?v=ICKm8rDZYyo

https://www.youtube.com/watch?v=kvXLDEOPJDU

وشوفو هذي 2 ايرباق ودبل وشاشة وكالة ياسلااااام

https://www.youtube.com/watch?v=fYRQ8GFwQfo

وشوفو التريلا وش مواصفات القير والماكينة :)

https://www.youtube.com/watch?v=TgWgGo05om8

 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هنا يفكرون في الدراهم 
ولا وش بيضرهم لو شروا دينا مكيف 

بالنسبة للسوزو الاولى ميكنتها فورتك 6.0 لتر 
وتجي بعد 5.3 لتر بنزين في امريكا 


up 3 down 2
naac 2 2718
قبل 3 سنه و 6 شهر



^^ يقولون عشان السواق ماينام بالله ذا منطق ؟ في اجهزة تتبع وجوال في مليون طريقة الحجج الواهية حقتهم غير مقبولة 


up 3 down 6
benz lover 379
قبل 3 سنه و 6 شهر



الدينات اللي هناء اكثرها مملوكة للعمال واذا قلت ليه مافيه
مكيف قال يشرب ديزل ومكينه خراب
نجي للسطحات مملوكة لاسعوديين فيعا مكيف تقوله شغل
المكيف يقولك عطلان 
نجي لااورباء اغلب سيارات النقل مملوكة لاشركات 
وهذي شروط النقل عندهم 


up 1 down 2
باترول 2020 2562
قبل 3 سنه و 6 شهر



الا وش رايك يركبون مقاعد جلد وتسخين و تبريد المراتب و نافيقيشن و رادار و حساسات
تراها شاحنة نقل الهدف الأساسي منها أنها تشيل بضاعة أو أي شي من مكان إلى مكان أخر مو سيارة عائلة ولا سيارة فخمة ولا سيارة مناسبات ولا سيارة ترفيه


up 2 down 7
m-baz 337
قبل 3 سنه و 6 شهر



الا وش رايك يركبون مقاعد جلد وتسخين و تبريد المراتب و نافيقيشن و رادار و حساسات
تراها شاحنة نقل الهدف الأساسي منها أنها تشيل بضاعة أو أي شي من مكان إلى مكان أخر مو سيارة عائلة ولا سيارة فخمة ولا سيارة مناسبات ولا سيارة ترفيه


up 1 down 7
m-baz 337
قبل 3 سنه و 6 شهر



انا اشوف ان الفير التماتيك غير عملي واعطاله واجد خاصة انها دينا يعني بتستخدم للاعمال الشاقة والمكينة بنزين اشوف انها عيب ومحد بيشتريها لان البنزين ماينفع ابد في الشحن وابنقل كل اللي بتكسبه من الدينا بتخسره في البنزين ف مافي افضل من الديزل وخاصة ان مكاين الديزل اقوى وممكن تعمل لساعات طويلة ووقوف طويل والمكيف شغال بعكس البنزين اللي يحتر بسرعة 


up 3 down 0
blakman 2
قبل 3 سنه و 6 شهر



جي ام مالكة لايسوزو اكيد بيركبون مكاين تناسب سوقهم


up 1 down 1
طالب متعذب 15
قبل 3 سنه و 6 شهر



اعرف عتيبي معه سطحة سوزو مكيفة مسكنا بها خط من الرياض الى مينا الدمام 
ماشاء الله دعسة وحدة من الرياض الى الدمام ما وقفنا الا في محطة ساسكو نريح

ورجعنا بموتر الى الرياض مباشرة 

لا حرارة ولا ضعف عزم ولا خرابيط

m-baz
محد قال يحطون فيها كماليات 
لكن الرأفة بحال الانسان الي راكبها ويروح ويجي في القوايل وفي الشموس مطلوبة
ما اتكلم عن الي مملوكة لاصحابها هم احرار

لكن اتكلم على سيارات الشركات وهي الاغلب 

بالنسبة للتماتيك انا عن نفسي ما ارغبة في سيارات النقل بشكل عام


up 5 down 1
naac 2 2718
قبل 3 سنه و 6 شهر



المعادلة بسيطة جدآ : هنا يشتري السعودي الدينه ويديها للاجنبي ( طبعا هنا تفكير السعودي ليه اشتري فل كامل للاجنبي ! خليه بالستتاندر يكد عليها )
اما بالنسبه للغرب : يشتريها ويشتغل عليها بنفسه ويهمه راحتة وسلامته قبل كل شيء . 


up 3 down 1
mos92 8
قبل 3 سنه و 6 شهر



وعليكم السلام ورحمة الله وبركاته 

في البداية أن استغربت من الدسلايك مع أن الموضوع شيق وممتع لمن يتابع الفيديو كاملاً 

الفيديو الأول في أمريكا الشاحنة ايسوزو الحمولة من 4 إلى 5 طن طبعاً المحرك بنزين والقير أوتوماتيك ، ما ميز الشاحنة 

هو المكيف والقزاز الكهرباء ، القزاز الكهرباء ما يجي في الشاحنات المخصصة لأسواقنا ، والمكيف بدأ الطلب عليه في 

الآونة الأخيرة للشاحنات ، ما يميز الشاحنة من الداخل أماكن متعددة للتخزين والمسجل سي دي والمكيف ، صندوق الشاحنة 

تميز بأنه مصمم للحمولة بشكل آمن وقضبان حديد واحدة مرتفعة ، من الأمام الشبك كروم ، تانكي البنزين مركب في الخلف 

الفيديو الثاني للشاحنة ميتسوبيشي فوزو ، أيضاً في أمريكا ، الميتسوبيشي كذلك معروفة بشاحناتها ذات الجودة العالية وهي 

منافس للأيسوزو ولا تقل عنها جودة واعتمادية ، ما ميز شاحنة الميتسوبيشي المقاعدة قماش أزرق وعدادات الطبلون بلون 

زرقاء يوجد المكيف والمسجل سي دي كذلك أماكن تخزين ، المحرك ديزل ويمكن التحكم بدرجة الدعسة بزر أسفل الدركسون

الفيديو الثالث شاحنات خفيفة يبدو أن التصوير في دولة من دول جنوب شرق آسيا ممكن أندونيسيا أو ماليزيا ، ظهر شاحنة 

قلاب خفيف ، ويظهر المقطع قوته في المشي في الأماكن الموحلة ، والشاحنة الثانية شاحنة ذات مقصورة مزدوجة دفع رباعي 

ويظهر قدرتها في السير في الأماكن الموحلة . 

الفيديو الرابع تظهر فيه الشاحنات الثقيلة للأيسوزو بالدفع السداسي والمركب عليها خلاطة وما يميزها العجلات الأمامية رباعية 

تلف كلها مما يعطي الشاحنة الثبات والقوة في آن واحد . 

ملاحظة بسيطة لصاحب الموضوع : الشاحنات التي ظهرت في مقاطع الفيديو ليست في أوروبا ، بل هي في أمريكا واستراليا 

وإحدى دول جنوب شرق آسيا ، والله أعلم . 

في المحصلة من وجهة نظري أن شاحنات الايسوزو الخفيفة والميتسوبيشي متفوقة في مجال صناعة الشاحنات الخفيفة التي 

حمولتها إلى 6 طن ، بينما تظل الشاحنات الثقيلة المتفوق فيها الشاحنات الأوروبية ومنها المرسيدس والفولفو والمان .


up 3 down 0
النهراني 269
قبل 3 سنه و 6 شهر



اعتقد المكيف شئ ضروري في اي سيارة في جونا الرومنسي  
 ملاحظة رد على الاخ طالب متعذب ايسوزو شركة مستقلة غير  
تابعة لجنرل متورز 


up 0 down 0
ابو صياف 71
قبل 3 سنه و 6 شهر



المكيف صار من الضروريات وليس من الكماليات سواءً كانت شاحنة أو سيارة في وقتنا الحالي ، أما القزاز الكهرباء فهو من

الكماليات في الشاحنات . 


up 2 down 0
رعد 4 3247
قبل 3 سنه و 6 شهر



حياكم جميعا وشكرا ع الدسلايك النهراني فهم قصدي تماما شوفو المواصفات الحلوة ماكينة جمس على دينا جبااااااارة 


up 0 down 1
benz lover 379
قبل 3 سنه و 6 شهر



موجود عندنا دينه مكيف مسجل سيدي من بلادها


up 1 down 0
عادل الانصار 107
قبل 3 سنه و 6 شهر



بس فرق المكيف والقزاز الكهرباء قريب ال8000 الالف


up 1 down 0
عادل الانصار 107
قبل 3 سنه و 6 شهر



ابو صياف 
جنرال موتورز و ايسوزو بينهم تبادل خبرات 
لأن جنرال موتورز قامت بشراء ثلث الاسهم من ايسوزو 
يعني ثلث شركة ايسوزو تابعة لجنرال موتورز 
وفيه تشابه كبير بين سياراتها 
عندك الديماكس و شفر كولورادو متشابهه من الداخل 


up 1 down 0
محمد آل حيدر 2
قبل 3 سنه و 5 شهر



انا كنت شغال بشركه الموظفين سعوديين وفيها شاحنات مرسيدس
الاداره شايلين المكيف السواقين السعوديين بالصيف متعذبين
وخاصه لو مسكو طريق الساحل
انت على نياتك ياصاحب الموضوع العرب قلوبهم كالحجاره
بل اشد قسوه


up 1 down 0
مساافرر 1
قبل 2 شهر