قيادة السيارة على الرمال

كان معي موتر جنط 19 
وابطح الكفرات وطرب 
ولي زميل جنط موتره 22 
ويبطح وينبسط 
ما يحتاج اي اضافات 

نسم الكفرات على 10 وتندح على النفود 

أشكرك اخوي بس اعتقد انت وزميلك عندكم خبرة مافي شك. بالنسبة لي لا أريد المخاطرة :) 

ما تبي تخاطر لا تطعس 

ياارجال انا كنت مثلك اخاف اخش الرمال بالاكورد 


بس صملت وخشيت وغرست وخشيت وغرست وخشيت وغرست الي غرست علئ القراده

الي تعلمت والحين. ادعس. بس حاط بالشنطه معي واير للسحب اذا انكبت

غالبا ادوات المساعده تباع في مخل اسمه صاب على طريق خريص
او في ساكو او السنيدي

أحد يدخل رمل بأكورد يا "جاي أمس" ؟ 

عجييب

جاي امس شكلك فاهم التطعيس نسم ١٠ وما احد يردك هههههه سلامات ؟؟؟؟

يا رجال انا قد دخلت بيارس بعد 

ماهي ماليه عينك مواترنا هههههههههه

عندي لك حل بسيط 

خذ لك حبل عريض ويكون طويل يكفي الكفرات جميعها

وقطعها وربطها مثل اللي بالصورة وخلاص

انا ادخل بكورولا بدون تنسيم لكن القير عادي
اذا حسيت السيارة بتغرز

اهزها في نمره واحد

وسلامتكم

^ الرباط بالصورة وش فايدته ؟
اول مره اشوفه

وعليكم السلام 

بخصوص الربطات الي على الجنوط هذي ما تنفعك بالرمل

هذي فايدتها بالطين وانصحك تصغر الجنط او تكبر ارتفاع الكفر

بس الافضل اذا سيارتك جنطها 20 وفوق ابتعد عن الرمل احسن لك

لنك اول شيء احتمال يفصخ او ينصلخ عليك الكفر

او يتضرر الجنط ويبتدي يرج 

وكبر الكفر يساعد على التطعيس بس الاهم السواقه 

عاد الشكوا لله.  يقول مد رجولك علئ قد لحافك 


وانا مامعي فلوس اشتري جيب .. معي هالكوكو اخش عليه  رمل طبعااا رمل خفيف طبعاا


موطعوس ومقانيص

اللي اعرفه بالطعوس الكفرات الحجرية مثل بف قودريش تجي الدعسه مثل الحراثه
الدعسه ماتضيع مثل كفرات الخط تشيل التراب شيل

بالنسبة لهالاضافه اشوف الجنط بينعدم من الحكوك