نصيحه لكل شخص مسافر الى منطقه لا يعرف فيها شي

46 6

لايمكنك التصويت حتى الحصول على 20 نقطة على الأقل
إضغط هنا للإخفاء

مهراس الزهراني 1338
قبل 8 سنه و 4 شهر

كيف حالكم لكم وحشه وبعد بسم الله الرحمن الرحيم

قبل فتره حصلت لى قصه مروعه واسال الله العظيم ان لاتحصل
لى مره اخرى

وان لاتحصل لاي شخص مسلم .. س احكي القصه قبل وبعد

قبل : كنا نخطط لزياره احد زملاء الوالد ونخليها مفاجاه

في جازان ثما مرت الايام وحان الوقت صحيت الصبح صلينا

افطرنا عينا من الله خير وانطلقنا من الباحه الى جازان

في اول مره بحياتي اروح جازان كذالك الوالد طوال الخط

سوالف وضحك والامور بخير يوم وصلنا تقريبا بعد 6 ساعات

شوي الا انا وابوي نضحك ونسولف فجاه. قالى وقف على جنب

قلت شفيك قال وقف وقفت شوي قال يدي قلت شفيك ويصيح

ويتشنج ويرفس .. هنا دمعت عيني في المنظر ذا بكيت ياخوان

احرك فيه مايتحرك يناظرني ولايتحرك بكيت نزلت من سياره

اصايح كلهم تجنبوني مافي خير بدنيا دقيت على شرطه احول اشرح لهم الوضع

بس كانت نبره صوتي خايفه ولا فهمو وش اقول جاني راعي فورد معه اهله

قال وش فيك قلت ابوي طاح على ونا مسافر ولا نعرف بديره شي قال الحقني وداني متسشفى خاص

والله ماقصر وشكرته وحبيت راسه .. طلع الضغط مرتفع مع الوالد وتنوم 10 ايام طبعا على حساب الحكومه

لن الحاله طارئه .. عموما الحمد لله على سلامته


الى ابي انصح به كل شخص قبل مايروح ديره ومعه ناس

اقل شي يكون معه الخرائط الى ب الجوال لا سمح الله تبي مستشفى شي

لن الناس الحين مافيهم خير ماحد يفزع لحد الله يعين

قبل ماتسافر حط خرائط الجوال نصيحه .. اول احفظ ارقام الاسعاف والمرور وامن الطرق ودفاع المدني في جوالك

والشي الثاني اذا كان معك شخص يعاني من مرض مثل ارتفاع ضغط الدم او الصرع او اي السكري

نصيحه ان لا يشرب البايسن او رد بول او الاشياء هاذي 2 يتجنب الخوف من اي شي حاول لاتسرع 

3 اساله عن حالته وخله يتناول علاجه .. 4 لا تحاول المزح فيه عن طريق فك الدركسون او تخويفه وهو نايم

5 حاول انه يستريح ولا يشيل هم .. 6 احرص على المريض بتناول جميع الوجبات الرئيسيه الفطور الغدا العشا

والله ولي التوفيق ..

إبلاغ

الردود