هل أستطيع نقل ملكية السيارة في نفس اليوم؟

ايه تنقل الملكية خلال 5 دقايق او اقل .. لكن لازم تأمن السيارة بأسمك قبل و تكون السيارة اللي بتشتريها فحصها الدوري ساري و الاستمارة ما انتهت

اذا الفحص والاستماره والرخصه ساريه المفعول ومافيه مخالفات للطرفين تقدر بنفس اليوم يعطونك ورقه جاهزة باسمك وتقدر تاخذ السياره واي وقت تروح للمرور تطلع  الاستماره 
بس وراك التامين فيك فيك 

طيب المرور يداومون يوم السبت؟

بالرياض مادري صراحه يفيدونك اهل الرياض  بس بجده في فرع للمرور بالمعارض مداومين
لكن من باب اولى روح الاحد حتي تضمن دوامهم 

ماتحتاج تروح للمرور ابد .. تاخذ ورقة " تم" حقت نقل الملكية , وتروح للشرقية متى مافضيت تطبع الإستمارة
واصلاً عادي تستخدم الورقة بدون الاستمارة تسافر بالورقه بدون ماتحتاج الاستمارة خلها متى مافضيت تطلعها

اي بس لزم تجلس علشان تاخذ الاستماره لن المعرض بيعطيك برنت الاستماره تاخذها من مرور ولزم نفس المنطقه يعني بالرياض مرور الناصريه 

زي ما افادوك الاخوان
اهم شيء تأكد ان السياره استمارتها وفحصها وتأمينها جديده
وصاحبها ما عليه مخالفات 

كذا يعطوك ورقه وتطلع الاستماره متى ما بغيت في اي فرع للمرور بغيت

المشكلة كلها باالتامين اذا فيه شركة تامين اداوم السبت ماعندك مشكله
وطبعا تصير السيارة مفحوصة واستمارته ماهي طايفة

تسلمون يا اخواني وما قصرتون 
السيارة فحصها جديد واستمارتها باقي عليها سنة