أضف سؤال أو موضوع جديد          

واجهت عطل في سيارتك وصلحته ؟ تعال اسدح ردك هنا

up 9 down 8
rraadd4 126
قبل 5 سنه و 4 شهر



السلام عليكم ...

مسسسيتم ب الخيرر

طبعا الموضوع واضح من عنوانه (:

اي شخص واجه عطل في سيارته يقول لنا شلون اصلح هذا العطل وايش المشاكل اللي واجته من جراء هذا العطل 

ويذكر لنا نوع سيارته وسعر شراء القطع وشغل اليد 

يعني مثلا : عكس امامي يمين "كامري 2011" سعر الشراء : 1850 ريال " كيف اعرفت ان الخراب العكس الامامي اليمين لما اضغط ع دواسة البنزين السياره ترج رجه قويه جدا من جهة اليمين 


اتمنى التفاعل مع الموضوع ولاتنسسون اللايك +1







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


***شغل ليد =150 ريال


up 0 down 0
rraadd4 126
قبل 5 سنه و 4 شهر



هلابك موضوعك جيد والاعطال كثيرة في سيارات مختلفة امتلكتها
لاكن بذكرلك عطل حصل قبل 3 اشهر في سيارتي الكامري 6 سلندر 2009
العطل ماهو قوي كان يجي فترة واسوي حركه ويرجع بعد ممشى 300 كيلو
المهم طال عمرك يوم من الايام ماشي مع الطريق 
بسرعة 100 اشوي الا الموتر يتفتف والدعسة خلاص تعطيها للفرشة ماعاد تقبل
ولمبات الطبلون ولعت بما فيها لمبة المكينه
المهم وقفت والخط كان مقطعه طفيت الموتر وشغلت ماتغير شي يتفتف
طفيت ومعي العدة اخذت مفتاح 10 فصل الاصابع ورجعتها
وضبط الموتر 
مشي 300 كيلو ورجعت المشكلة
اول ماجاء على بالي البواجي لاني ماغيرتها من يوم طلعتة جمرك
المهم جلست شهر على هالموال افصل اصابع اشبك اصابع
وطلبت البواجي من امريكا روديوم بسعر 200 ريال وكالة
لان سعرها عند ابو لطفي 420 ريال شوف الفرق
وصلت البواجي وركبتها 
والان ماشي على البواجي الجديدة 18 الف 
وربي لك الحمد ماعاد رجعت المشكلة
اي واحد يحصلة نفس المشكلة شيك على البواجي



up 2 down 0
الرفاعي33 13911
قبل 5 سنه و 4 شهر



واجهت مشكلة من فتره ان سيارتي ماتدق سلف نهائيا بس اسمع صوت تك , قالوا سلف وقالوا امور كثير بالاخير طلع سلك السالب مايوصل كهرب
وصلحناه قطعنا الجزء التالف واعدنا توصيله



up 3 down 2
جاسم 12 -251
قبل 5 سنه و 4 شهر



جاتني مشكله ب السلف مثل الاخ جاسم اسمع صوت تك تك و بطلوع الروح تشتغل وديتها عند كهربائي قلي الدقمه او الفحمات خليتها عندو غير الدقمه والفحمات ومشاء الله السلف رجع جديد 

مع ملاحضه لمبة المكينه كانت شغاله من زمان ومادري ايش الخلل طلعلي حسسات سنسر حقت الثلاجه وغيرتها ولا فاد والكهربائي هادا لما زبطلي السلف معاد شفت لمبة المكينه الله يعطيه العافيه قيمة الفك لحاله١٥٠ والاصلاح ١٥٠ يساوي ٣٠٠ ريال !!!السلف الاصلي ب ٢٠٠٠


up 0 down 0
باسل النزهة 17
قبل 5 سنه و 4 شهر



انا حصلت لي مشكله في ربله العكس كانت مقطوعه 
وغيرتها قطع وكاله ب ٢٥٠ بس الشغل كان سيء 
وبعد فتره انفكت الربله وطلع الشحم وصار عندي طقطقه 
في العكوس 
ورحت شريت عكوس من الوكاله يمين ويسار ب ١٣٧٠ 
مع قاعده غير قاعده الوكاله لان قالي القديم فيه 
عيب مصنعي والتركيب كان في ورشه اسطنبول في 
صناعيه العاصمه انسان فاهم في الامريكي 
فك القديمه وركب الجديده ب ٢٥٠ لان فكها تعقيد 
والمشكله الثانيه كان عندي صوت خششن مع الدعس للاخير
ووهزه في السياره وهي واقفه كثير قالو لي مكينه
واللي يقول قير واخر شي طلع كرسي قير مكانه تحت البطاريه
شريته 
من الوكاله ب ٣٢٠ وركبته ب ٢٠٠ 
صح صلخوني في شغل اليد بس كنت متنكد وابي اصلح
والسياره فورد تورس 2010 


up 0 down 0
alammari 309
قبل 5 سنه و 4 شهر



كنت مسافر الطايف ومثبت السرعه علئ 180 وفجاة الحرارة تعدت النص 
واذا مشيت 120 رجعت طبيعية واذا زدت زادت الحرارة وقفت فتحت غطا الرديتر الا مليان مويه وهواء 
لقيت غطا الراديتر الربله متقطعه غيرت الغطا ورجعت السياره تماام 
وكان قيمة الغطا اصلي وكالة 40 ريال
السيارة كابرس 2011


up 0 down 0
المناخ 626
قبل 5 سنه و 4 شهر



موضوع طيب ومفيد
انا صارلي عدة أشياء بقول اللي اذكره
قبل شهر نور السكن علق ما عاد يطفى حتى لو اطفي السياره
اذا قفلت السياره بالرموت طفى واذا فتحتها يولع
المهم دقيت العالي (تكبيس) يمكن خمس مرات وطفى السكن
قلت الحمد لله وجلست يوم ، ما يرجع على نفس حاله
فصلت البطاريه لمدة ربع ساعه لكن ما صار شيء
خليته يمكن اسبوع على هالحاله السكن دايم مولع
في الصبح والليل الا اذا قفلت الموتر من برا طفى
رحت لكهربائي قال اذا كذا فالمشكله من الرموت
رحت لثاني قال ما اعرف وش سالفته
في اخر شيء جيت عند البرحه اللي عند بيتنا
وقعدت اكبس يمكن 20 مره لين طفى ورجع على حاله
السياره نيسان سنترا 2014

المشكله الثانيه على جمس قير عادي
شغلت السياره في احد الايام ويوم جيت بمشي
بعشق القير عياء يعشق احاول فيه اضغط الكلتش كم مره
ما فيه حيله ، استغربت 
عاد لي خبره بسيطه في هالامور وقلت اكيد الكلتش محترق
جبت مكانيكي يشوفه قال كلتش خربان
المهم شلته على سطحه وعلى الصناعيه
كلهم خايفين منه يقولون هذا قير كبير ومتعب
المهم جيت عند زول وشافه قال نزله وبشوف وش فيه
قال المشكله هلال قير قلت يبن الحلال هذا كلتش
قال لا ما عليك ، المهم جاب هلال قير وغيره ولا صار شي
وغير اشياء ثانيه ولا صار شيء
في اخر شيء قلت له انا عارف انك تتعلم علينا
وبروح اجيب الكلتش وغيره ولا تسوي فيها فاهم
المهم جبت الكلتش وغيره وطلع من ابدع ما يكون
ورجع مثل اول


اتمنى اني افدتكم وادري اني طولتها هههههه


up 0 down 1
ابوناصر 454 655
قبل 5 سنه و 4 شهر



سلام عليكم 



المشكلة في سيارتي ( تشغيل زر)  
اضغط فرامل واضغط الزر ماتشتغل بس يشتغل السوشت 

الحل 
شغل السوشت وحط القير في D ورجعه P 
وتشتغل واذا ما اشتغلت عيد الحركة  لين تشتغل 


up 0 down 1
محمد الحربي... 143
قبل 5 سنه و 4 شهر



موضوع رائع الكل يستاهل لايكات ،،،، هذي اكبر فائدة ومشان كذا اسمو منتدى السيارات 


up 0 down 0
hosam200 1742
قبل 5 سنه و 4 شهر



الاعطال كثيره
بعد ماركبت مكينة لسيارتي 
ماتشتغل الا بشتراك واذا اشتغلت 
الكهرب مايضعف وماتطفي لا مشيت عادي 
بس اذا طفيتها ماتشتغل الا بشتراك 
مع ان الدينمو والبطارية جديدة 
طلعت المشكلة من السلف يسحب كهرب 
اكثر من اللازم يعني من تدق سلف يسحب 
كل الكهرب وتضعف البطاريه السيارة [كابرس ٩٠]




ومره طفت السيارة فجاءة وتدق سلف وماتشتغل
وطرمبة البانزين مالها صوت وغيرتها ولا اشتغلت 
طلعت المشكلة من فيوز شكله لطرمبة البانزين
من غيرته اشتغلت [ فورد ٢٠٠٢]


up 0 down 0
w.asa 2027
قبل 5 سنه و 4 شهر



معي كامري ٢٠٠٣ يوم كنت امشي على الخط كانت السياره تحذف يمين وبقوه 
مريت على البنشري 
طلعلي سواليف الليل الليل يبغالك ترصيص ووزن أذرعه ومدري وشو قلت له شايف هذي كل الأعطال اللي ذكرتها يمديني أصلحها في شيء واحد قلي كيف قلت له جبلي المنفاخ والساعه 
جيت لقيت الكفر الأيمن الأمامي ١٠ والكفر الأيسر ٣٠ 
حطيتها كلها ٣٠ 
وقلت له شكرًا لك روح اضحك على غيره 
والله يا ابو يمن يا جاه حاله نفسيه 
وما شاء الله الحين على الخط زي الحلاوه 


up 4 down 0
bssam13 252
قبل 5 سنه و 4 شهر



نيسان مورانو ,, بعد الدخول بالمطر جيمت السيارة وما عاد تمشي ادعس بنزين كأني ادف صبه

طريقة اصلاح العطل ريوس ودي لين سلكت

التكلفة : صفر ريال
نوع العطل : الفرامل جيمت عالكفر اليمين بسبب الموية



up 0 down 0
alwasee6 66
قبل 5 سنه و 4 شهر



استفسار عندي كامري مديل ٢٠٠٤

ادق سلف تدق ويفر السلف بقوه بس ما تشتغل
طرمبت البانزين شغاله
ملاحضه اذا فتحت السلفكل اللمبات تشتغل الا
لمبت المكينه ماتشتغل


up 0 down 0
huseen777
قبل سنه و 6 شهر