بالفيديو .. نهاية من يتجاوز من اليمين

جزاك الله خير عالمقطع الله يحفظكم اجمعين

مقطع رائع جدا الله يوفقك
كذالك الجوال مصيبه كبرى عند القياده الله يسترنا

جزاك الله خير و الله يحفظنا و يحفظكم جميعا
+١

مع أن المقعطع غير حقيقي لكن لا زال مثل هذه العينات المتهورة منتشرة في مجتمعنا ، 

جزاك الله خير, لعل المقطع هذا يكون فيه رسالة اتعاظ للمتهورين اللي نشوفهم يوميا في شوارعنا.

أولاً/ شكراَ أبو هرتش على المقطع ...

ثانياً/ أخي النهراني شكلك من أيام الطيبين

# محدثكم متجاوز من اليمين #

لولا لطف الله ورحمته وتصريفه للقدر حيث يشاء 

كان صرت في عداد الاموات او اقل شي مقعد على السرير 

والله العظيم السنه هذيك بضبط يوم 17 / 2 طالع من البيت ك المعتاد

بس متاخر وعلي اختبار والجامعه مسافة 80 كيلو معاي كامري وافرشله 200

مشيت نص المسافه واقابل ترلات وقلابات متجاوزه كلها الخط مسارين وله كتوف يمين ويسار 

وتعرفون الترلات 80 . 100 ماتعديها واكشح للمتجاوز القلاب من مسافه بعيده مره 

ماوخر قلت بتجاوز التريله من يمين مع الكتف فيه مسافه وادوس راعي التريله يوم قربت شاف 

القلاب جنبه متجاوز على طول لف يمين نزل كفرتين على الكتف يووووه ونا قربت منه طاير على بالي 

بتجاوزه من يمين واكبس فرمله من مسافة يمكن 20 متر شفت الموت بعيوني اشوف كفر الترله يبرم برم

 واصدم فيه من ورا جوووف وتروح الوجهيه عندي من حسن الحظ ان التيدر الحديد اللي عند الاسطب نازل 

اللي يمديني خشيت تحته الحمد الله سلمت والموتر صلحته ب 18 الف والاختبار راح وسحبت على الترم 

والمعدل طاح والسنه كلها معد درست وتعطلت اموري بسبت ه الحادث في لحظات فنصيحه لاحد يتجاوز من يمين 

والله ماوراه الا الموت شف كيف ي ليت تاخرت عن الاختبار ي ليت نمت كان يمكن اقدر اعيده او ارسب فيه 
 
واكمل الدراسه لاكن سنه كامله ماعد درست صدق من قال (( العجله فيها الندامه )) (( وكل تأخيره فيها خيره ))

فنصيحة الركاده في السواقه زينه بكره عندي اول اختبار من بعد الحادث حق ذيك السنه راحت بخيرها وشرها الله لايعيدها 

قصتي غريبه شوي هههههههههههه لاكن والله هذا اللي صار الواقع المرير هو اللي خلاني ادخل واكتب ه الصك لكم 

المعذره على الكلام الكثير لعل وعسى فيه عبره وعضه للكثير من المتهورين 

وشكرا لك ي صاحب الموضوع .

دعواتكم لي بكره اول اختبار لي بعد الحادث .

والله يفكنا شر السيارات والطرق اللهم امين .

والله صارلي حادث نفس المقطع قبل عشر سنوات تقريبا الموتر راح تشليح والحمدلله الاصابات كانت بس كسور

انا قبل كم يوم كان حيصيرلي نفس الي في المقطع 
مع اني ما كنت مسرع بس سياره متعطلة واقفه على اليمين وكنت بروح فيها لو لا لطف الله فيا 
نصيحه يا شباب السرعه والتجاوز لاحد يستهين فيهم ويقول انا سويق وانا فنان هذي ما هي فن انك تسرع وتعرض حياتك وحياة غيرك للخطر 
تبغا تسرع روح خط فاضي وتأكد مافيه احد واسرع لحالك 

كل ما أتاخر علي الدوام لا انظر الي الساعه ابدا حتي اصل .

مشكور على موضوعك المفيد ابو هرتش . +1

أشوف أغلب اللي يتجاوز من اليمين هم أصحاب الكامري 

وانا اشوف اصلا يوم كل واحد حتى يجي يطلع رخصه او يطلع لاخوه يشوف من المخالفات عندهم في دله اذا عطوك محاضرة ممنوع التجاوز من اليمين بس للاسف الشعب ماعنده يتجاوز يسار ويمين مع ان التجاوز مع اليسار خطر اذا مانت منتبه وشلون يمين الله يحفظنا ويحفظكمم لا احد ينسى ياشباب يوميا اذكار صباح ومساء ودعاء الخروج

أعجبتني هذي المقوله 

أن تصل متأخراً خير من أن لا تصل !