استفسار عن افضل سيارة تتحمل الكد

خلك على الياباني لاتبعد عنه ، اشوف هم اكثر سيارات كرف. 

او اذا تبي امريكي كرف شوف الوانيتات السييرا والسلفرادو 

طيب فلوسي تجيب اللكزس es2002 او كامري2007

اذا بتشري قديم أقولك :

- احسب حساب القطع وتوفرها في مدينتك لأن السيارة القديمة مهما كانت نظيفة بتطلب
- حاول تخفف رجلك وتحافظ لأن السيارات تصبر إذا راعيناها وصيناها ، طبعا تختلف من سيارة إلى سيارة لكن بالجملة السيارات تصبر بالمحافظة
- لاتستعجل في شراء المستعمل افحص ودقق وشف الموتر قبل تشريه وترى الكذب كثيييير بالسيارات


الله يوفقك ويسمح دربك

20 الف تجيب لك كامري ٢٠٠٧ او es 2002 بالرااااحة

بوجد خمس مواتر تكرف كرف الحمير ماتقول اح لكن راحة الكابرس بتفقده معهن




الددسن

الاكسنت (2009) الموديل عليه كرف مو صاحي يخرب بيت الي صنعه الناس تفحط به وتطعس وتطامر ارصفة وعادي

الفورد(2005-2011)  الفورد موتر قوي ويعيش بسس ان لقى محافظة راح تلقاه معك زي الزهرة 

ازيرا (2007-2010) االشكل هذا من الازيرا قوي ويتحمل كرف لايغرك انها كوري وكذا ودور مممشى اقل من 200الف
 
سوناتا ( نصيحة خذها نص فل بدون بانوراما بدون بصمة) ولا تاخذ بكلام حقين ابوجميل انه كوري ولا بدون رساوة

السوناتا الجديدة تحسنت الرساوة وعزل الهواء ففيها حلو ركز الهواء مو الصوت 
وااذا تركز على الامان , استوردها من الامارات تجي الستاندر والنص فل عندهم بع6ايرباقات

الكوامري شف النظيف منها و موديل حديث و رح تكرف معك لين تقول أمين

دور لك كراون فكتوريا ٢٠١١ او ٢٠١٢ ماشي مو واجد  وهو حق كرف مررره

شف لك اكورد 2005 الى 2007 تكرف كرف 

شكرا لكل الي شاركو علئ راسي بس في واحد قال ازيرا انا معي 20 صافي ماتجيب سوناتا 2006  ماتوقع احصل ازيرا ولا وش رايكم؟

علي انت من تبوك ? 

لا من اهل الخرج

دامك في القديم بتزور الورشة ماعنك وعنها ، مهب معناها انك شريت لكزس معروف في الكرف ان كله بيكد معك ذا له 18 سنة وذا له 15 سنة وطب على الف رجل ومجمل القطع كلها قد غيرها



عموماً دامك ما تبي الصغير اشتر اجل وسط وانت تحمل نتيجة اختيارك ولا 20 الف ولا 22 تجيب لك اكسنت 2012 او 2011 الشكل الجديد تكدها لين تذن ولين زانت امورك اشتر اللي تبي ومنتاب خسران فيها


الباترول طبعاً طلعه من حساباتك انس تشده نظيف بهالسعر والحين انت في شتاء انا متتبع اسعار الجيوب ربع وباترول وشروكي ، تجي بمكاين بلد باترولات ومنكد لين اذن وبديه قالب مسيوم ب 22 ويقول مهب حقه

والنظيف المرتكز اللي مجدده بويته ومنجد داخليه واغلبها عدداتها واقفة هذا يقول لك مسيوم ب 25 وموديلاتها قدام 91 و92 وال 96 و97 اغلى


بالتوفيق

احسبك من تبوك ياعلي بعطيك موتري لكزس gs300 موديل 2000 تجربه 

مرسيدس شبح 
وباقي السيارات جنبه مالها قيمة