افضل الاماكن السياحيه بالرياضََ

15 15

لايمكنك التصويت حتى الحصول على 20 نقطة على الأقل
إضغط هنا للإخفاء

أشواق للبخور 90
قبل 8 سنه و 11 شهر

السلام عليكم ... عندي اخوي يدرس بالرياض وقال ماني محصل حجز علشان ارجع للرياض 
المهم قلت له ابشر اوصلك الرياض 1000 كيلو ومره وحده اخذ الاهل ويتمشون هناك ويشوفون العاصمه لاول مره

الوكاد اني دخلت قوقل وابحث ابحث ابحث ياربي وين الواحد يتمشى بالرياض المهم اني حصلت ههههههههههه موضوع في منتدى هههههههههه

المهم اني عاد دبرت له حجز ذهاب و للاحتياط 10حجوزات عودههههههههههههههه

الموضوع ماهو استهزاء يالربع خلو روحكم رياضيه



الموضوع تحت ولكم التعليق ,,,

هل تود زيارة الرياض ادخل هنا للتعرف على الاماكن السياحيه 
الأماكن السياحية أو التي تستحق الزيارة والمشاهدة في الرياض الحبييبة : 




1- النسيم وخاصة الجانب الشرقي الجنوبي منه. 
2- وادي لبن ولا تنسى سجن الحاير. 
3- حط لك كرسي وسط شارع الستين مع تقاطع شارع جرير ، فيه تلفزيون كبيييييييير يهبل ، تفرج على فلم كرتون فيه..... براد وساعة صدر 
4- حديقة الحيوان ولكن لا تدخل يكفيك إن تتفرج على اللي متسدحين على العشب في الخارج. 
5- البعارين اللي على جانب خط الدمام السريع بعد الفحص الدوري ، فيه بعيييير أبيض يهبِّل بعد. 
6- الانهار اللي في الحاير شي رائع جداجدا طبيعة ساحره !!!! وريحة الفل واليسمين شي يههههههههههههبل !!!!!!!! 
الاسبوع الماضي في الجريدة يحذرون الفلبينين والهنوداللي يصيدون سمك ...ليش ؟؟؟؟؟؟ 




7- حديقة النهضة في طريق النهضة وخاصة ألعاب الأطفال ، من عجائب الدنيا السبع، فجأة ولدك يلعب وبدون سابق إنذار تحصلة جالس على الأرض لأن الألعاب مشققة مع النص ، بحياتك شفت زحليقة عرض المسار فيها 2 سم من اليمن ، و 2 سم من اليسار والنص مفتوح. 
8- الأسواق وهذي يبغالها شهر حتى أعطيها وصفها. 
9- منفوحة وحدائق بابل اللي وراها كما أنصحك بزيارة حديقة الهايد بارك ( حديقة الفوطة ) ولا تنسى زيارة مركز التجارة العالمي عمائر البطحاء 
10- طريق المطار بين مخرج تسعه وعشره؟؟؟؟ يمدحون الشوي فيذاك على الرصيف 
11- -فيه شيئ في الرياض مو في اي مكان في العالم وهو ما يتكرر في السنه الا في حاله وحده بس وهي اذا ربي رضى علينا وجاب مطر -- مخرج 13 لا يفوتكم ياجماعه في موسم الامطار يطير المخيخ الاصغر من محله 
وياليت اذا تعرفون شي زياده قولوه ذكروني
12-المحرقه والروائح الحلوه الي تجي منه ولا مصنع اللبلك اللي يرسل طبقات لطيفه 
من الغبار تجمل شكل السيارت
والحيوانات الاليفة بالسلي وخاصة الكلاب












--------------------------------------------------------------------------------
















ارجو ان اكون قد افدتكم...........تحياتي للغالين!!!

 

إبلاغ

الردود