بنك الاهلي والتعاونية احتيال وهضم حقوق..ابي مشورتكم ياجماعة؟
4
2
إضغط هنا للإخفاء
السلام عليكم ورحمة الله
اخواني انا قصتي طويلة لكن بختصر لكم المفيد وارجو اعطائي وتوجيهي لحل اريح
ـــــــــــــــــــــــــــــــ
اللي صاير يا اخوان انه انا مطلع سيارة منتهي بالتمليك عن طريق البنك الاهلي
وشفت نسبتهم جدا مناسبة هذا الكلام من 8 شهور
قبل 3 شهور تقريبا واحد راجع علي ورا وحك حكة بسيطه الصدام والرفرف الجهه اليسرى والكفر تاثر شوي وجبنا التامين والطرف الثاني 100% غطان
وكل شي مضبوط
بعد كم يوم جاني واحد وصدمني من الخلف وبرضو جت حكه بسيطه بالصدام والحساس دخل لداخل وجا التامين وطلع الغلط على الطرف الثاني 100%
رحت التقديرات وقدرنا الاضرار طلعت تكلف حول ال 5 وعليها ( الحادثين الاثنين ) طبعا كتبو لي بالتقديرات تغيير صدام وتغيير حساس وكفر
رحت اطالب بالشيك قالولي روح طلع تفويض من البنك الاهلي باستلام الشيك ، رحت البنك الاهلي قالو مافي تفويض وماراح نقدر نعطيك كاش تعويض ، اجباري تصلح بالوكاله ،
قلت دام انا دافع تقريبا 4700 تامين بالسنه بروح احلله واروح الوكاله اغير القطع كلها ، رحت الوكاله سلمتهم السياره قال حنا بنسوي تقرير بكافة الاضرار ( تغيير صدام وحساس وكفر الخ...)
لين يجي مندوب التعاونية يطابق التقرير بالاضرار ،جا مندوب التامين قال الصدام مايتغير والحساس ماراح يتغير والحكات نرشها رش مره ثانيه وغيرولي بس كفر ،
قلت فوضت امري لله اهم شي تطلع كويسه ومافيها اي مشكله لاني جالس بدون سياره ابي اخلص ، اليوم كان موعد استلام السياره ، اتفاجأ انهم يطالبوني 1500 ريال نسبة تحمل ؟؟
وكاتبين لي بالتعميد 500 قطع غيار و1000 اجور عماله ، مع اني ماخطيت بالحادث كلها الخطا عليهم 100%
يعني التعويض ال6000 ريال وينه عشان يطالبوني بتحمل هم راح ياخذو التعويض كامل 6000 الاف ريال وصلحوها لي ب500 يعني يطالبوني بمبلغ اكبر من قيمة الاصلاح نفسها
ـــــــــــــــــــــــ
الحين انا وش اسوي رفضت اعطيهم ريال وبكره رايح للتعاونية اشوف وش نهاية احتيالهم بس اللي بعرفه هل هذا قانوني اللي يسووه وهل في نسبة تحمل اذا ماكنت غلطان
ووش الاجراءات اذا رفضو يسلموني السياره اذا مادفعت،
يعني مب معقوله اامن عندهم واصلح السياره على حسابي وش فايدة التامين
ـــــــــــــــ
في الختام ارجو الحذر من البنك الاهلي فقط في موضوع التامين مايعوضون كاش ابدا يجبرك تصلح وكاله عكس بعض البنوك والشركات الاخرى
انتظر افاداتكم وشكرا ،،،
إبلاغ
سيارات للبيع
الردود
3
0
تصلحيها وكاله رحت للتامين قالي تدفع 2500 نسبة تحمل وهذا مكتوب ب العقد حق التامين قلت سلامات اصلحها على حسابي دامها نفس الشي مأمن شامل عشان ادفع كمان
3
0
4
0
الخطأ على الطرف الثاني المفروض ما تدفع نسبة تحمل
اطلب من الوكالة العقد واطلب البند الي يلزمك بدفع نسبة تحمل
بخصوص استلام الشيك كل البنوك والوكالات يعتبروا الشيك من حقهم كونك مستأجر السيارة ولم تمتلكها
5
0
واذا صار مصيبة في السيارة يقولولك هذي سيارتك انت
هذي مشكلة ان الواحد يشتري سيارة تقسيط
يذلوك لين يعطوك ريال ويذلوك لين تعطيهم فلوسهم
يعني هم كسبانين بجميع الاحوال
4
0
انا صارت معي نفسك وكتبو مبلغ التحمل صفر
2
1
2
0
و لو مافي هيك شرط تقدر تجادلهم و تعمل مشكلة معهم و لا بيقدروا يلزموك بشي
2
1
2
0
بس الغريب انهم الزموك تصلح بالوكاله الي انا خابره
انك تختار تسعر بالورش او الوكاله
0
1
شوف العقد اللي انت موقعه معهم قبل تطلع السيارة
وشوف وش لك ووش عليك عند الحوادث
وتاكد متى تدفع نسبة تحمل وكم النسبة كذلك
اذا مكتوب تدفع نسبة تحمل حتى لو الخطا مو عليك
الله يعينك ادفع
واذا كانت مكتوب انك تدفع نسبة تحمل اذا انت غلطان بالحادث او عليك نسبة خطا
خش بعيونهم وقول ياتصلحون سيارتي وتخلصون وتعطوني اياها والا انا وانتم على وزارة التجارة
1
1
ذولي بيستغلون لاتدفع رح وزارة التجاره وذا مانفع رح المحكمه خربها واخذ حقك
1
0
انا رحت عند مدير الصيانه وتكلمت معاه يقول هذي تصير دايم وهم يحطونها يشوفون اذا كان الزبون غشيم ودفع مشت واذا راح يشتكي
يسقطونها عليه يعني نصب بنصب واستغفال ،،،
اتصلت بالتعاونية يقول ماعليك شي وبكره راح اطلع منهم خطاب واستلم سيارتي باذن الله
هي اول مره اوديها الوكاله يعني ماعليها اي حادث من قبل ولاحظت انه فيها تعديل وابدال بنود بالعقود واستغفال كبير
لكن يامصبر الموعود
وان شاء الله معاد ارجع لهم
يعطيكم العافية
0
0
0
0
0
0
ولا تدفعلهم ولا ريال
انا نفس حكايتك بس الحمد لله سلمت سيارتي وبعد اسبوع رحت واستلمتها بدون ما ادفع هلله
نصيحتي رحلهم وخش عند المدير وارفع صوتك وافضحهم كذا يخافون
قبل 8 سنه و 11 شهر