علب زيت القير والطنجرة؟

اللي اعرفه انه الناغي كان يبيع زيت كاسترول للقير وهذا اللي يركبه وهو مو مناسب للسياره
النوع المناسب للسياره sp-iv على ما اظن

والله يا بعدي ما انصح تبدل فلتر القير انت لو كارف الموتر
٥ او ٧ سنين ما يصير فيه شي بس انت حاول تفرغ علبتين
وتخلي الباقي وزيدها علبتين وبأذن الله ما راح يخبط القير واغلب 
اللي يبدلون زيت القير مع الفلتر يخبط القير بعد التبديل واغلب الوكالات
توقعك علي تعهد عند تبديل زيت وفلتر القير انهم مو مسؤولين عن تخبيط القير
بعد تبديل الفلتر والزيت للقير واذا خبط القير معروف العذر عندك الكلتشات تعبانه 
سلامات يا حبيبي موتر جديد واستعمالي نظيف ومحافظ ويخبط القير بعد التبديل والسبب
الرئيسي مو معروف ..؟؟؟؟ حط مليون علامة استفهام وعندي واحد من اخواياي شرا كرسيدا 
غراندي موديل ٩٣ والموتر مخزن مو ماشي الا ٩٠ الف والموتر لشايب ويصفطه بالبايكه داخل
الحوش والموتر يزين الارض اللي يمشي عليها من نظافته كل شي شد بلد لما شراه نفضه كل
الاستهلاكيات اصلي من الشركه وقالوا له الشباب بدل زيت الماكينه والقير اصلي من الوكاله وبدل
الزيت مع الفلاتر من الوكاله ماكينه وقير وبعد ما طلعه من الوكاله ما صار يبدل نفس اول ورد للوكاله
قالوا عادي لاني الزيت جديد وعلي ما يتعود القير علي الزيت الجديد وبعدها بكم يوم ما صار يبدل كل
التبديلات وينتع نتعه قويه وبعدها باسبوع خبط القير وما انصح احد يبدل زيت وفلتر القير بس حاول كل مده
ومده تفرغ علبتين وتزيد علبتين علشان ما يخبط القير وما يحترق الزيت .
والله يوفقك الجميع  

اخر زيت غيرته كان sp iv وانا الي قاهرني ان السيارة الجديدة قربت ممشى 60 الف وابغا اغيره ومادري وش السوات

بخصوص زيت القير ٧ لتر في حالة فك القير بالكامل لان نصه في الطنجرة اما لو تغيير بدون فك القير ياخذ ٤ لتر وبدون فلتر انا مثل حالتك خربت علي الطنجرة لكن كنت اشد على السيارة وعموما الطنجرة بشكل عام تخرب في اي لحظة وبدون سبب 

السلام عليكم ورحمه الله وبركاته ...            وبعد ...

مشكلة النتعه الى تحس فيها بالقير نهايتها توضيب ... وانا اقلك ليش
اغلب الناس في الفترة الاخيرة لجأت للقير الاوتماتيك والمشكله انهم ما يعرفون يسوقون
المشكله الاولى الى اغلب الناس ما يعرفها :
البريك ما تنزله او ترفع الا والسيارة في الفاضي ( N ) عشان ما تحمل ع القير
يعني لمن تجي تبغا توقف السيارة لازم تفضيها وترفع البريك
وتترك الفرامل لين توقف السيارة تماما بعدها تحطها في ال ( P ).
المشكلة التانيه لمن تجي تبغا تدور السيارة او تعشق من ال ( D ) الى ( R ) والعكس
لازم توقف السيارة تماما عشان ما تتكسر عليك التروس .
المشكلة الثالثة قومت السيارة : لازم تكون قومة السيارة هادية جدا ( ما تدعس بقولة )
والافضل كمان وقت المشي تكون التبديلات مريحه بحث ما تحس بهزت القير وقت التغيير من نمره لنمره

طبعا دي الحاجات لو الواحد ما كان منتبه لها ما رح تخرب القير بسرعه
ولكن ع مدى بعيد يعني كم سنه ويبدا يطلع لك نتعات او تأخير في النمره او تبديل سريع
والمشكله الاكبر اننا ما نفتكر الزيت حق القير الا لمن نلاحظها 
ونجي نغير الزيت وتخرب زيادة
هذا والله اعلم ...

تحياتي للجميع .