أضف سؤال أو موضوع جديد          

حكني واحد شوركم اصلحها ولا اخليها ؟

up 2 down 4
abdullahalharbif15 754
قبل 6 سنه و شهر



بسم الله الرحمن الرحيم 

اليوم بعد الاختبار بالصباح .. جاء واحد من الطلاب وحكني 
ولا معه تأمين ولا معه اي شئ

سامحته لاني صدامي اساسا مسمكر ومنتظر فلوس التامين حق الحادث السابق  عشين اغيره كامل 

فالعموم ي  اخوان انا باخذ شوركم 

تنصحوني اغير الصدام .. ولا اخليها زي ماهي مع التلميع درءا للعين ؟

لاني من يوم ما اشتريت السياره واحس صايبتني عين بها :(

من 3 يوم انحكت .. وبعد كم شهر صارلي عليها حادث 
وبعدها دخلتها الوكالة وقعدت شهرين ونصف 
والحين مالي 3 اسابيع مستلمها من الوكالة وانحكت 

فوش نصائحكم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله موب منظر زين المشكلة وموترك فخم ماشاء الله جرب لمعها وشوف وش اللي بيضل اتوقع انه شي بسيط 


up 2 down 0
benz lover -75
قبل 6 سنه و شهر



والله سيارتي النترا وجاتها كم حكه وطنشتها
مو كل شي يصير مربوط فالعين

اشوف تخليها بحالتها كلها مجرد بويه ماتاثر


up 1 down 1
شويخ من أرض مكناس 2823
قبل 6 سنه و شهر



كل الاسود ذا بيروح لأنه مجرد خذيت بويته او مع الاحتكاك طلع


لمعه وكله بيروح ماعاد القشور اللي فوق السودا اللي طارت معها البوية هذي عاد ماتروح واحمد ربك انها بيضاء ولا تبين فيها بزيادة بعض المواتر لو انحك ما ودك تطالعه


انا اشوف خلها لمع مثل ماقلت لك ذي وخل القشرات ذي او امش ، لأن ما افاول عليك لكن ممكن يجي يوم يحكه واحد من الجهة الثانية وانت توك مجدد الصدام خلها كان فيها عين لينها تطيح


بالتوفيق


up 3 down 3
a.ibrahem 3169
قبل 6 سنه و شهر



نصيحتي لك عند الخروج من البيت والتوجه لاي مكان بالسيارة وغيرها
تقول : (بسم الله آمنت بالله توكلت على الله ولا حول ولا قوة الا بالله)


up 6 down 0
ali mom 34
قبل 6 سنه و شهر



الله يعطيك خيرها و يكفيك شرها 

و الله يعوضك خير ان شاء الله 

وجهه نظري لو تروح محل زينة او تلميع يشيلها لك ب 50ريال او اقل لان صعبة كلما جاك شي بتصلحه و دامه شي بسيط عطه وجه تلميع و يروح ما عدا البويه المنقشرة اشياء بسيطة ان شاء الله 


up 0 down 0
khalidoo 1167
قبل 6 سنه و شهر



أخوي مافيه اسمه تخلي الحكة أو الصدمة عشان تدفع العين هذا تعلق بشي لاينفع ولايضر . الواحد يحافظ على أذكاره و عباداته و يؤدي حقوق الناس  وهذا المطلوب منا بالشرع و الله الحافظ سبحانه و كل شي مقدر و مكتوب . 
بالنسبة للحكة حاول فيها بالتلميع إذا راحت و لا خلها 


up 1 down 2
أبو راشد 33 979
قبل 6 سنه و شهر



اخوي اشتر مسحه طبيه و امسحها كلها راح تروح الا اللي متقشر البويه


up 0 down 0
sehly11 648
قبل 6 سنه و شهر



عبدالله عندي معجون  امريكي مجرد تحطه وتجيب خرقه ناعمه وتدعك 
المنطقة المتأثرة وبيروح 
تعال وخذ حاجتك منه اذا انت بجدة 
لان جربته ع موتري وزبط 


up 0 down 0
شيبة الحمد 1853
قبل 6 سنه و شهر



حط عليه تلميعه وبيروح والي راح الصبغ منه نقطه بقلم بويه

ما يحتاج تغير صدام عشان حكه بسيطه


up 0 down 0
abomesal 1038
قبل 6 سنه و شهر



انا معي ازيرا وجتني حكه مثلك بضبببط ونفس المكان ونفس اللون وسامحته تعرف/ البولش + صبغه تنقيط عليها على الحواف يسمونها صبغ تجميل وانتهيناء انا بسويها وعجزان عليها 


up 1 down 0
jax_b 23
قبل 6 سنه و شهر



نصيحتي لمع مكان الصدمة ونقط الأماكن اللي متقشرة فيها البوية وخل فلوسك بجيبك تحتاجها بيوم


up 0 down 0
أبو درعان 522
قبل 6 سنه و شهر



انا مثلك اول ما طلعت سيارتي جديدة كنت كل شويه القا واحد حكني ومره حكيت في سيارة مدري كيف 
وبعدها بكم شهر صارلي حادث وغيرت الصدام واترش الرفرف الخلفي 
والله بعدها امي الله يحفظها اعطتني علبة فيها مويه قالتلي هذي مويه مقري عليها ورشيت فيها السياره ووالله بعدها ولله الحمد ما صارلي شي 

وبالنسبه للصدمة تلميع وتروح بالراحه ماعادا القشور السودا هذي البوية راحت وما اشوفها انها مؤثرة يعني بس سوي تلميع 



up 0 down 0
loody_23 363
قبل 6 سنه و شهر



تلميع وتروح (ملمع خشن 20 ريال -ملمع ناعم 10 ريال ) من محلات الزينة خذ الخشن وامسح اللون الاسود(الحكة) بالخرقة الين مايروح كله وبعدها امسح الناعم على مكان الحكه وخليه ينشف وبعدها امسحه كامل بس بيبقا الي متقشر خذ لك قلم بوية (مزيل خطاط) من المكتبة سعرة 8 ريال وخط على المكان المتقشر وماراح تبان الا من قريب بتكلفك كامل ب38 ريال ارخص الحلول الا اذا ملزم غير واصبغ صدام في ورشة مضبوطة او ف الوكالة والله يعوضك خير انشاء الله


up 0 down 0
stecker_gm 177
قبل 6 سنه



التلميع يروح بإذن الله ما يحتاج خسائر وانصحك اذا كنت تبي تكلف نفسك ركب حمايه من درايفر او 3m من الامام ومن الخلف
وحتي تلميع كل 6 شهور مجاني بتوفيق للجميع