كم سعر القطع هذي لو سمحتم-اكسنت 2012 ؟

اكسنت و12 وخربانه كراسي القير والمكينه 
انا معي اكسنت 7 وكراسي بلدها وماشيه فوق ال 330 الف 
ماشاء الله تبارك الله عليها والصوف اذا تنقص مره بسبب التهريب غيرها 
واذا ماتنقص عادي ترا تمشيك اكثر سنتين ويعطيك خيرها ويكفيك شرها 

الهيونداي 2007 ل 2010 يكرف بسبة ان المكاين والقيور والقطع هيونداي تطورها من التسعينات وتلافت عيوبها

لكن من 2011 جابت قيورجديدة مثل السوناتا ومكاين والخخ وقطع غير عن القديم يعني تغيرت تغير جذري

فبدات العيوب المصنعية عموما اضن الاشكال الجديد من هيونداي بتتلافى كل العيوب 

خصوصا سوناتا 2015 اشوف محد تشكى منها؟

يا قلبي هذي محلات الفحص ما تخلي طبعها لازم تنصب
علي الناس انت يعني ما تعرف تفحص موترك تعلم تفحص موترك
بنفسك وعلي قولتهم كل كف بتعلومه ومصيرك تتعلم والدليل علي كذبهم
انه قالك الصوفه الماكينه وصوفة القير الاماميه انت تعرف وش صوفة القير 
الاماميه يعني لازم تنزل القير علشان تغير الصوفه وشوف كم تنزيل القير ما يقل 
عن ٣٠٠ او ٤٠٠ ريال يعني هم يبون يسحبون عليك مبلغ ما يقل عن ٣٥٠٠ ريال بالأعطال
اللي ذكروها وممكن تصور لي السياره وكراسي الماكينه ابشوفها تحتاج تبديل او لا ويا ليت 
تصورها وانزلها بالمنتدي 

فعلاً طلبو مني فوق ال 3500 لكني رحت لواحد في ورشه وقالي ماراح تتعدى الـ 1000 ريال ان شاء الله

^^^^^^^
صحيح كلامك انا توي مسوي سيارات عندي عميلي هندي هندوسي
يعني مو مسلم فحصت عنده وعطاني الصافي قال سيارتك تبي جلد مقصات
ولما اروح لغيره ورحت لثلاث محلات ميزان كلهم عطوني لسته كامله لازم تتغير 
مساعدات ورا وقدام وجلد مساعدات ومسامير التوازن وكراسي الماكينه وللاسف 
كلهم باكستانين مسلمين وأروح لعميلي الهندوسي قال اشتري جلد مقصات وبس وهذا
اللي تحتاجه سيارتك وبدلته ولله الحمد ما شاء الله عليها اختفت الأصوات وركدت السياره
يعني الواحد لازم يمر علي كذا ورشه لحد ما يتطمن انهم ما يضحكون عليه 

ويا اخوي راعي الموضوع اذا تبيني افحص سيارتك ارسلي
رقمك علي الخاص 

لا والله واليمانيه انصب وانصب

انا الرجال اللي رحتله سعودي والله محترم وشكله فاهم شغلته كويس ودارسها وان شاء الله يكون شغله تمام انا خليت عنده السياره وقالي بتخلص بكره او بعده

والله اغلبيتهم المصريين والسوريين والافغانيين والباكستانين 
نصابين الا من رحم الله ابقولك علي موقفين صارن معاي مره 
ابشتري دينمو للصني اول محل بالتشليح مريته قالي ٨٠٠ ريال
قلت والله احرق السياره وما اشتريه ب٨٠٠ ريال واروح لمحل ثاني 
كم السعر قالي العامل صعيدي قالي ب٨٠ ريال ماني مستوعب صحت 
عليه قلت انت شنو تقول انصدم الصعيدي من ردة فعلي قالي مش عاجبك
اخليه لك ب٧٠ وكررت عليه قلت انت صاحي مجنون قالي بس يا باشا نهايته
٦٠ ريال قلت تم جيبه وعطاني الدينمو مع السير مع الضفيره اللي علي الدينمو 
والدينمو استعمال اليابان مو استعمال الخليج شوف الاول عطانياه ب٨٠٠ وأخذته من 
الثاني ب٦٠ ريال .
والموقف الثاني عندي الصني فيه ترتره أخذته للصناعيه الصبح الساعه ٧ ونص قبل لا تفتح
الورش واحصل محل مفتوح وعنده صني توضيب وانا مشتبه بأحد الكويلات محترق قلت له تعال
افحص موتري يا معلم ولا جاني سوري فحص وداس بنزين قالي يا خيي عندك احد البساتن ضغطه
ضعيف والسياره محتاجه توضيب كم وما كم قالي نهايته ٤٠٠٠ ريال توضيب مع المكاسر قلت لحظه 
واروح الصني اللي داخل الورشه واجيب كويل من كويلاتها ويصيح علي يا زلمه سيارة زبون قلت كلها 
خمس دقايق واركب الكويل علي جميع الكويلات اللي عندي نظام فك وركب وبعدها صفت السياره وراحت
الترتره بالسياره قلت يا اخي عيب عليك واتقي الله تبي تضحك علي وتلهف علي ٤٠٠٠ ريال قالي يا خيي
لا تلومني ورأي اجارات وعايله ومعاشات عمال من وين ادفع كل الفلوس واخرتها انزع الكويل مال الزبون 
وعطيته دعوه علي الماشي قلت الله لا يوفق اذا ما تبت عن النصب واروح للتشليح وأشتري كويل ب١٠٠ ريال 
واركبه علي سيارتي واشتغلت من أحسن ما يكون والله ما ألوم الشايب اذا قالك لا تتعامل او تصلح عند مسلم 

الاكسنت لو تكرفها ما تخرب الكراسي بهذي المدة 
عندي 02 3 كراسي حتی الان شد بلد و واحد غيرته و الان الامامي يحتاج تغيير 


و بالنسبة لمراكز الفحص نصابين رح كذا محل و الافضل فوق 5 محلات عشان تتاكد 

جميع الجنسيات نصابين لان هدفهم فلوسك و بعضهم يصدق معك لما تصير زبونه و يبدا يكذب عليك .


مرة رايح للتشليح ابشتري اقزوز و متفقين علی سعر 300-350و حصلت واحد قال و طفشت من الدوران و اكاسر واحدهم لما اخذته ب 130 


و مرة باحد الورش كانت عندي طقطقة مع ميلان السيارة و قالوا لي الدودة لازم تفك و نشد مسمار فيها و نركبها و شغل يد 3 ساعات و القيمة حول 500 ريال 
و رحت عند واحد و صلحها لي مجانا بس شد مسامير التوازن 


لا تعتمد علی احد حتی لو تتعامل معه من سنين 

والله يااخوان السعودي طلع برضه نصاب ولاهو بفاهم شي
اشتري واشتري واشتري وفي الاخير تنقط زيت وصوت طقطقه بالكفر اليمين اذا نزل الكفر حفره والا شي
القطع فوق ال ١١٠٠ ريال وطالب شغل يد ٧٨٠