من استشار ما خاب

اذا ملزم على تويوتا ما انصحك لا بالبرادو ولا بالفورتشنر

خذ سيكويا 

او اكسبديشن

التاهو يقولون في مشاكل كثيره بالقير

حبيبي المفروض تكتب العنوان كالتالي:

( ماخاب من استشار)
وليس 

(من استشار ما خاب)

انا انصحك بالاكسبديشن اقل بالسعر واريح بالخط وقطع غياره ارخص والله اعلم

اليوكن ا والتاهو

وانت دعست رجلك .

اصلا مافي مقارنه بين الكراتين طويوتا الفورتشنر والبرادو 

لا رساوه ولا راحه ولاموصفات حتى فيهن عيووب خطييره معرضات للانقلاب  

التاهوو واليوكون رساوه وراحه وساااع ماشاء الله 

خالي ماشاء الله تبارك الله عنده يوكون من 2007 الى يوومك ماعمره اشتكى منه 

وشاريه مستعمل بعد ماشاء الله تبارك الله 

اخوي اشتر تايوتا عندك البرادو ماشاء الله مافي امل يخرب واذا خرب شوف كم قطع غياره رخيصه اما التاهو واليوكن هاذي كلها 
امريكي والامريكي معروووف بخراباته واستهلاكه للقطع شكل خارجي فقط واستهلاك للقطع ...

والله يوفقك بسياره تعمر معك.

أنصحك بالبرادو 6 سلندر او يوكن ولا تنسى الاستخارة

لايفوتك الاكسبدشين الجديد ابو جنوط مطفي روووعه وحق كرف ماعليه كلام

الاكسبديشن بدون تحتار  راحه وقوه ويخدم وصيانته قليله ويخدم مو مثل اول الناس تخاف منه الان تاخذه وانت مغمض الي تخاف منه تايوتا وقبل كم يوم واحد نزل موضوع فورتنر 2012 خبط والشركه رفضت تغير قالو له توضيب وشركة تايوتا صارة سمعتها في التراب بسبب تعاملها وتلاعبها في السيارات 

خذ لگ اگسبدشن راحة وجودة ورساوة وسعرة رخيص 

اللي يقول الامريكي خرابات هذا لا جربه ولا شيء يسمع من الناس ويجي يحتسي هنا 

بالنسبه لتويوتا انا شطبت عليها بالمره عقب هالمشاكل ولو تبقى اخر سياره بالعالم تويوتا ما شريتها مدري هو من نفس الشركه والا من الوكيل الشيخ لطفي 

والامريكي اذا هو جديد وعلى يدك اشتر ولا تشااااااااااااااااااااااااور انا مجرب جمس ومجرب ماركيز ومجرب اكسبلورر 2007 والله كلها ممتازه 

شف اخوي عندك خيارات ممتازه مثل التاهو ومثل الاكسبديشن واليوكون هذي كلها سيارات ممتااااازه جدا ولو معك فلوس الجديد اشتر

حتى لو سياحي اشتر كلها اكسسوارات وبتعدلها وبيضبط خصوصا من برا اما من جوا في بعض الاشياء ما تجي الا وكاله 

وبعدين تويوتا وش ميزتها لا رساوه لا عزل لا قوة بس سمعه والحين سمعتها في الحضيض 

ياخي تقارن تاهو 8 سليندر دبل والله تبيه في البر معك في الخط معك تبي راحه معك تبي شكل والله انه اطلق من تويوتا كلها خصوصا LTZ
ولا يهون عنه اليوكون لانه هو بعد موتر كفو 

واسف على الاطاله وانت اسال مجرب ولا تسال واحد يسمع ويجي يقول لك 

تحياتي لك ( ابو نواف )

اول شي جميع سيارات تويوتا عندهم مبالغه في اسعار السيارات بشكل غير طبيعي
البرادو على شكله ومواصفاته اقول كثيره عليه ١٢٠ الف
ومشكلة تويوتا ارتفاع قطع الغيار ايضا وياليت ينتبهون الناس لشي هذا
لان اغلب الناس تفكر ان تويوتا قطعها رخيصه وهذا الكلام غير صحيح
والي مو مصدق يروح يسعر قطع غيار السيارات الجديده اسعار. مرتفعه جدا مقارنه باول
ثاني شي الجوده في سيارات تويوتا والامان منفخضه
بالاضافه الي كثرت العيوب المصنعيه


انا انصحك بالاكسبيدشن او اليوكن او التاهو
خصوصا اذا كنت راعي خطوط وسفر لان هذي السيارات مريحه جدا والامان فيها افضل
ومافيه احد عنده اعلا من اولاده واهله والامان والحفظ بعد الله

موفق ان شاءالله

مشكورين إخواني الكرام وماقصرتم اكثر الردود تنصح باستخدام الامريكي واسئل الله ان يكتب اللي فيه خير ومنفعه وجزائكم الله خير 

إذا بغيت ياباني خذ برادو فل كامل 

إذا بغيت امريكي خذ اكسبيدشن 

وأنصحك بالاكسبيدشن مريح وشكل وقوة ويتحمل 

ترا البرادو طيب كحجم والفورشنر طيب بس صغير حجم هايلكس الا دقه اما الامريكي كاستخدام مريح ولكن الصيانه ثم الصيانه ثم الصيانه يحتاجها بين فترات كعمر افتراضي لقطعه والحساسات والكربنات مايخليها يجننك وانت واستخدامك طبعا اما الياباني السيارتين اللي ذكرت بالذات دق سلف وامش وتمش وتريحك من كثر الورش وزيارتها وحقت كرف للعاقل والمتهور