أضف سؤال أو موضوع جديد          

كفرات 2014 جديدة لها سنة مخزنة هل تضر لو ركبتها

up 3 down 1



السلام عليكم 

اخواني انا ناوي اركب كفرات جديدة للسيارة 
ولقيت كفرات جديدة بس قالي موديل صنعها 2014 بس جديده وعليها ضمان مفتوح 
هل اخذها او انها تضر السيارة او يكون استخدامها اقل من موديل الجديد ؟

علما ً بأن هناك فرق بين الجديد والـ 2014 حول 200 ريال بس كلها نفس الشركة ونفس المقاس ..
والكفرات قوديير مقاس 19/255/55 
سعر الواحد الجديد بـ 700 
والـ 2014 بـ 500 

هل تنصحوني اخذها ولا اخذ الجديد ؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


200 بس ماهي مستاهلة وانا اخوك ولا تنسى دخلنا ب 2016 يعني لها سنتين اشوفها غالية صراحة اذا ماكانت اواخر 2015 لا تاخذها التخزين يعدم الكفرات ويسوي رجة وعشان الضمان دايما على لسانهم سواء استخدام لا يغرك 


up 1 down 1
benz lover -75
قبل 6 سنه



حنا الحين دخلنا في 2016 يعني المفروض ما تفكر الا في نهاية 2015 الكفر ، حتى لو تدفع فرق لكن انت ماتدري عن طريقة تخزين ذا وحتى لو مخزن بطريقة صحيحة


في الغالب انه يقسى الكفر ، لذلك ادفع الفرق وريح عمرك


up 1 down 0
a.ibrahem 3169
قبل 6 سنه



الكفرات مدت صلاحيته ثلاث سنوات من تاريخ انتاجها
يعني المنتجه عام 14 تنتهي عام 17
ولك حريه الااختيار
وانا اشوفها كويسة
وباالتوفيق


up 3 down 3
باترول 2020 2623
قبل 6 سنه



مافيه تحبيل وهل يشرطها لك من اي خلال مهما كان الكفر ٥٠٠


up 0 down 0



أنا اقول ركب جديد كفر 2014 ممكن ما تﻻحظ عليها إﻻ بالصيف ويمكن ينسلخ عليك بالحر خذ جديد اريح لك


up 1 down 1
أحممممممد
قبل 6 سنه



انا مركب قبل سنة ميشلان 2013 ماشتكيت من شي الحمدلله ولحد الحين نفس النقشة


up 2 down 0
ahmed-5 42
قبل 6 سنه



انا اشوف انك تاخذها وﻻ تشاور
الكفرات احيانا تبقى على السياره اكثر من سنتين 
وﻻ منها مشكله
وفالك السﻻمه 



up 1 down 1
ابوسما9999 155
قبل 6 سنه



وأنا أخوك حتى لو ركبت 2014 ماراح تكون مرتاح بتخاف بأي لحظة تخرب أو ترج أو تحبل 
خذلك ابو 700 وريح راسك هذي كفرات ماودك تخاطر فيها


up 0 down 1
ابوصالح888 414
قبل 6 سنه



والله كفرات اليوكن الي معي انها من تاريخ 2009 للان ماتغيرت دعستها تقول جديده بس لمن تقرب تحس انها متاكله مع الاطراف الموتر ماشي 98 الف اغلب وقته واقف فا مالها شغل الي يقولك تاريخه سنه او سنتين هي على استخدامك


up 1 down 0
ألأمير 5
قبل 6 سنه



لاكن اذا تبي الراي الي مابعده شي سعر كفراتك الي تبيها عند البناشر ورح للوكاله حقت الكفر وشف الفرق ترا وكالات الكفرات ارخص وغير كذا عيطونك عروض وخدمات مابعد البيع مو مثل البناشر انت جرب وشف


up 0 down 0
ألأمير 5
قبل 6 سنه



أخوي ماعليك من اللي يقول لك تاريخه قديم  هذولا مع احترامي لهم موسوسين اكثر من اللازم 

وعندك شهادة المجربين  العضو ahmed-5 والعضو ألأمير  

من تجربة لي الشركات المحترمة والمعروفة  أمثال ميشلان وجوديير  مايعيبهم التاريخ القديم 

بشرط يكون التخزين بعيد عن عن حرارة وأشعة الشمس   والأفضل تاخذ من الموزعين المعتمدين إذا مو من الوكيل

عندنا جمس يوكن كان راكب عليه اثنين هانكوك تاريخهم 2010 وواحد كفر فايرستون تاريخه 2002 جاي شد بلد على السيارة

ومسكنا خط من جدة إلى تبوك هذا في الصيف اللي طاف  ورجعنا ومافيه إلا العافية 

بس عبينا نيتروجين  هو غاز يساعد على تبريد الكفر مع الحرارة والسرعات العالية  ويمنع انفجار الكفر بعد الله

كل كفر ب10 ريال 

وقبل كم شهر للإحتياط خلينا الفايرستون اسبير وشرينا ثلاث كفرات ميشلان تاريخهم 2014  والحمدلله من أحسن مايكون

والعمر الإفتراضي للإطارات 5 سنوات تخزين وليس استخدام  
يعني ممكن تخزنها  5 سنين  بشرط يكون تخزين صحيح  وبعدها تستخدمها 3 سنين ثانية

شوف نصائح الأستاذ حسن كتبي  عن الكفرات وركز بنصيحته بخصوص عمر الكفرات وتخزينها من الدقيقة 10,22

وركز في الدقيقة 15,37 يوضح لك تاريخ كفرات سيارته  الأسبوع ال43 من عام 2010  مخزنة وتوه مركبها

ونزل المقطع على طول بعد تصويره  وتاريخ المقطع 29/4/2013  وانت احسب كم فرق المدة

هذا هو مقطع  الخبير في السيارات الأستاذ حسن كتبي 

https://www.youtube.com/watch?v=nBX650mtfdI


واتمنى يراعيك المحل اكثر من 200 ريال في كل كفر  حاول تكاسره اكثر عشان هو يصير كسبان بتصريف البضاعة

وانت تكسب طقم جديد بسعر حلو 
وبالتوفيق لنا ولك إن شاء الله



up 0 down 0
nader2002 1662
قبل 6 سنه